Sakar 8:17 - Ebaibul

¹⁷ Nyituko akitiya aronis neni a ŋikidunyet kus, nyiminasi akikoŋ alyokonu. Aŋerit ayoŋ ŋun daadaŋ.”

Sakar 8:17 Iomraidhean Croise

Ŋikiru. 10:3

anerae iturosi ŋulu aronok aŋuna a ŋakiro a ŋuna iitanito ŋitai kec, ilamasi ŋirorokanotin ka ejamuwarito Ekapolon.

Ŋikiru. 101:3

Nyacamuni ayoŋ aronis eyai neni kaŋ. Aremokino ayoŋ ŋiticisyo a ŋulu ikiŋerito iyoŋ; nyacamuni ayoŋ ikes jik.

Ŋakit. 3:29

Nyiye akitiya ŋuna aronok neni a ikidunyet kon a ŋini iboiyete ka iyoŋ irae ŋulu ikinyoma make.

Ŋakit. 6:14

ileleba ŋileec lotau keŋ ka etuki a ŋinapaki akitiya aronis, isyaanakini a ŋinapaki akisigurokin ŋituŋa.

Ŋakit. 8:13

Erae akitopoloor Ekapolon aremokin ŋuna aronok, aremokino ayoŋ akitopolooro bon ka akituro, aremokino ayoŋ akiwuapit ŋuna aronok ka akirworo alyokonu.

Yer. 4:14

Okoe ŋituŋa a Yerusalem, kitesegutu ŋitai kus, kitesegutu ikes anajoŋore akitiya aronis, ikotere iyes ikiunio. Tari ori imyekinito iyes ayere akitiya ŋuna aronok alotai kus?

Yer. 4:2

ido kikoŋo itemasi, ‘Ikwapei eyarya Ekapolon,’ anakiro a ŋuna a kire, anakiyookino ka anajokis, iterereŋi Ekapolon ŋituŋa a ŋakwapin ka iturokinosi ikes aŋuna a Ekapolon.”

Yer. 44:4

Kikote neni daŋ, abu ayoŋ orubak ekeyakianakini iyes ŋiketiyak kaŋ ŋikadwarak abala, ‘Ekemaimai ayoŋ iyes, nyitiyata ŋakiro ŋuna ka asiilyo ŋun ŋuna aremokino ayoŋ!’

Abak. 1:13

Irae iyoŋ Akuj ŋina Asegan, ido nyipedori akitere aronis. Ikokini iyoŋ ite ŋuna itiyaete ŋituŋa lu ŋulu emam akikinyoma ka ŋulu aronok, ido tomam akisican ikes, ŋulu amunyasi ŋituŋa ŋulu iyookino akilo ikes ai?

Sakar 7:10

Nyisicanito ŋapuseru, ŋikokyok, ŋigyelaanotin, kori ŋikulyak. Nyitamatamaete alotai kus akitiya ŋuna aronok neni a ŋuluce.’

Sakar 8:18

Abu Ekapolon ŋolo Etiron tolimok Sakariya ŋakiro nu tema,

Mal. 3:5

Ebala Ekapolon ŋolo Etiron, “Abuni ayoŋ neni kus atubokin iyes, ido alimuni ayoŋ atipei ŋakiro ŋuna etoroniyaritor ŋikekukujak, ŋikalomak, ŋikalyokonok, ŋiketunak ŋulu itunaete ŋiropito a ŋiketiyak kec, ŋikamodyanakinak ŋulu emodiyanarete ŋiboro anapuseru, alokokyok ka alotuŋa a ŋulugelae. Alimuni ayoŋ atipei ŋakiro ŋuna etoroniyaritor daadaŋ ŋulu nyakakerito ayoŋ.

Mat. 12:35

Ituŋanan ŋini ajokan elimuni ŋuna ajokak ŋuna eyakasi lotau keŋ ka ituŋanan ŋini aronon elimuni ŋuna aronok ŋuna eyakasi lotau keŋ.

Mat. 15:19

anerae lotau elomununiata ŋakiro ŋuna aronok, ikwa: akiar, elomi, amalao, akoko, alyokonu ka akiyany.

Mat. 5:28

Nai akalimokini ayoŋ iyes atemar, ituŋanan daadaŋ ŋini iŋolikini aberu a ŋinice kiŋobel, aruwor iŋes ekaloman alotau keŋ.