Sakar 8:13 - Ebaibul

¹³ Ŋituŋa a Yudaya ka Isirael! Ikwapei paaran iraakatar iyes ŋulu ikilamete ŋigelaanotin, akaiuni tokona ayoŋ iyes toruworos arereŋu. Aŋun, totitinyokiata, Nyikuryaketa!”

Sakar 8:13 Iomraidhean Croise

Akisy. 26:4

Etipituni ŋiletok kon tolalata ikwa ŋikacer, ainakini ikes akwap na daadaŋ. Eryamunete ŋituŋa a ŋakwapin a daadaŋ ŋarereŋisyo aloletok kon

Ŋikiru. 44:16

aŋuna a ŋajutuyanareta ka ŋiyany a ŋimoe kaŋ ka ŋuna a ŋulu ekemanito ayoŋ.

Ŋikiru. 72:17

Elipi nyimuryakin ekiro ke erwosit ŋikaru ka ŋikaru, elipi torubakis erwosit ka ŋiletok keŋ ipukatoŋikaru ka ŋikaru. Eryamunete ŋakwapin daadaŋ arereŋu aŋuna keŋ, ido enyaraete ikes iŋes ŋolo erereŋ.

Ŋikiru. 79:4

Ikiruwor isua ŋulu ikibolyatar ŋikidunyet kosi, ikiruwor isua ŋulu ikijamuwarito ka ŋulu ikikyenatar ŋikidunyet kosi.

Isa. 43:28

Aŋun, abu ayoŋ ojamuwa ŋikapolok anakibois kaŋ a ŋina asegan ka abu epotok ŋiletok a Yakob namunyaro ka emyek ŋiletok a Isirael erae ŋulu ejamuwaritae.”

Yer. 24:9

Eturuwori ayoŋ ikes ŋulu inyasuna, ibore ŋini aronon alotuŋa a ŋakwapin a daadaŋ, ŋulu nyejokak, ŋulu irworore, ŋulu eŋoito ka ŋulu icenen anakiboisyo a daadaŋ a ŋuna eritari ayoŋ ikes,

Yer. 25:18

Ŋituŋa ŋulu apotu tomata epiini ikes lu: Ŋituŋa a Yerusalem ka ŋituŋa a ŋitaunio a Yudaya, ŋirwosi keŋ ka ŋikapolok. Apotu ŋitaunio ŋul toruworos ŋireŋoroto, ŋicaryo ŋulu ejamuwanaryo ka ŋulu icenio, lopite ŋolo eyakatar nakoloŋit na.

Yer. 26:6

esikwaanikini nai ayoŋ Akai na ka Silo ka eturuwori ayoŋ etaun lo ŋolo icenen aŋuna a ŋituŋa a ŋakwapin a daadaŋ anakwap.’ ”

Yer. 29:18

Ewuapakini ayoŋ ikes a ejie, a eron ka edeke, eturuwori ayoŋ ikes ŋulu nyejokak aneni a ŋituŋa a ŋakwapin a daadaŋ anakwap, eruworosi ikes ŋulu ilamitae, ŋulu nyejokak aneni a ŋulu iŋolikinete ikes, ŋulu ejamuwaritae,

Yer. 33:24

“Nyeyenuna iyoŋ atemar irworosi ŋituŋa lu ebasi, ‘Aŋer Ekapolon ŋikalya ŋuluarei ŋulu abu iŋes toseu,’ nyeyenuna iyoŋ epite ŋolo ejamuwaritotor ŋituŋa ikes, ido nyeriŋa ikes iteete ikes ikwapei ŋituŋa ka akwap kec a?

Yer. 42:18

“Erae nu ŋakiro ŋuna alimu Ekapolon ŋolo a ŋajoresyo, Akuj a Ŋisirael ebe, ‘Lopite ŋolo abunio aŋoit kaŋ ka anyunyura kaŋ toyakaun neni a ŋituŋa a ŋulu eboiyete alo Yerusalem, ikwaŋinapei, ebuni anyunyura kaŋ neni kus daŋ apaki ŋina ilosyoto iyes Ijipit, iruworosi iyes ŋituŋa ŋulu icenere ŋuluce ka ŋulu inyasere ŋuluce, ikijamuwarete ŋituŋa iyes ka iyanyio ŋituŋa isitiyao ekiro kus. Nyiŋolikinete iyes akibois na nabo.’

Yer. 44:12

Amunyari ayoŋ ŋipiya a Yudaya daadaŋ ŋulu imukekinito alosit nakwap a Ijipit, akiboi a ina, etwakete ikes daadaŋ anakwap a Ijipit a ekileŋ ka akoro, ameun a ŋulucaryo tari ŋulu itopolooritae etwakete ikes a ekileŋ ka a akoro, ejamuwarete ŋituŋa ikes ka iyanyio ŋituŋa isitiyao ekiro kec, ituruworyo ekiro kec ŋolo icenere ŋuluce ka ŋolo inyasere ŋuluce.

Yer. 44:22

Abu Ekapolon nyepedo akidaŋidaŋ ŋiticisyo kus ŋulu aronok, asiilyo ŋina ipotu iyes kitiyata, aŋun, abu akwap kus toruwor ereŋorot, acaryoit ka ŋina a ŋicen tomamukaun ituŋanan eyai lopite ŋolo eyakar tari nakoloŋit na.

Aum. 4:15

Acelasi ŋituŋa neni kec ebasi, “Kiyotokis a ne! Irae iyes ŋulu ikitoroniyaritae! Nyikitap ayoŋ!” Aŋun, apotu ikes toruwor ŋikaŋopoŋopotok ka ŋikerimitok ŋakwapin, ido mam ituŋanan abu kijau ikes.

Esek. 34:26

Eterereŋi ayoŋ ikes, esilimi ayoŋ akiru edoli apaki nakiboisyo ŋuna irimokinito emukura kaŋ kidiŋ, eruwor akiru ŋin arereŋu aneni kec.

Esek. 37:11

Tema nai Ekapolon neni kaŋ, “Lokoku a ituŋanan, isikwaanitae ŋakoyo nu ka Ŋisirael daadaŋ. Ebasi Ŋisirael, ‘Aoko ŋakoyo kosi deu ka adaun akigeno aneni kosi, nyeriŋa ikimisitae isua.’

Esek. 5:15

Apaki ŋina akaŋoikinia ka akaryenyanikinia ayoŋ iyes, eketuruwo akitocoikinet a ŋuluce, ebuli ŋakwapin daadaŋ ŋuna idunyatar iyes. Ikiŋolikinete ikes iyes ikimenito ka ikijamuwarito.

Dan. 9:11

“Abila ŋituŋa ŋulu a Isirael daadaŋ ŋikisila kon ka aŋero akiwuap ŋakiro kon, awout akiwuap ŋakiro ŋuna irworo iyoŋ, apotu neni kosi ŋilam ŋulu igiritae lokitaabo ŋolo a ŋikisila a Moses a eketiyan a ŋolo ka Akuj, anerae ikisec isua aneni kon!

Mika 5:7

Epote nai ŋituŋa a Yakob ŋulu apiyanun akiboiyor nakwapin ŋuna alalak, ikwaanikin ikes a nen ka ŋakopi ŋuna eyaunit Ekapolon, ŋuna itojokete akwap, ikwaanikin ikes a nen ka akiru ŋina itilibuni ŋinya. Eruwor Akuj iyoki ikes, meere ituŋanan.

Sepan. 3:16

Akoloŋit ŋin, elimokinio ŋituŋa a Yerusalem, ‘Nyikibul iyes ŋituŋa a Sion; nyicamut apalagu emini neni kus.

Sepan. 3:20

Apaki ŋin, akayauni ayoŋ iyes lore, akacunakini ayoŋ iyes kaapei; eketuruwori ayoŋ iyes ŋulu ikiyenio ka ikipuroi alotuŋa a daadaŋ a ŋulu ka akwap; ekenyakakinia ayoŋ iyes ŋarereŋisyo kus iteete iyes.” Ayoŋ Ekapolon alimu ŋun.

Agai 2:19

Tari kemam tokona ŋikinyom anatukito kus, tari pa keraito ŋikito lu: Ŋulu ke epiini, ŋiboboryo, ŋikito ŋulu ikwaan ka ekacikicikit ŋulu enyaritae Pomegrate ka ŋulu enyaritae Olipa, Ameun akoloŋit na tari momit, eketerereŋi ayoŋ iyes.”

Agai 2:5

ikwapei abunio ayoŋ ekeikinia iyes apaki ŋina iponiata iyes alo Ijipit. Erubakinit Etau kaŋ eyai neni kus. Nyikuryaketa!’

Sakar 1:19

Abu ayoŋ eŋit emalaika ŋolo ikirworo ka ayoŋ otema, “Nyo ŋiboorei lu?” Abu iŋes okoboŋok ayoŋ tema, “Erae ikes ŋituŋa a ŋakwapin a ŋuna agogoŋok, ŋulu ealasi ŋituŋa a Yudaya, Isirael ka Yerusalem nariet.”

Sakar 14:11

Iboikinosi ŋituŋa Yerusalem, mam nabo nyemunaaryo iŋes jik; erubakini Yerusalem eyakar akinapakina.

Sakar 8:15

Nai tokona acamit ayoŋ nooi akiterereŋ ŋituŋa a Yerusalem ka ŋulu a Yudaya. Aŋun, Nyikuryaketa!

Sakar 8:9

“Totitinyokiata! Ipupete tokona iyes ŋakiro ŋunapei apotu ŋikadwarak kirworo apaki ŋina esyakinere adukokin nabo Akai ŋina ka Akuj.

Sakar 9:13

Esitiyae ayoŋ Isirael ikwapei isitiyaa ekajion ŋikaleŋeleŋe. Esitiyae ayoŋ ŋikilyok ŋulu eya Sion ikwapei isitiyaa ekajion ŋileŋia, kitojioto ŋikilyok ŋulu ka Akaia.

1 Ŋikor. 16:13

Totenito, kicata ananupit, totitiny ka togogoŋ!

Ŋigal. 3:14

Abu Kristo kitiya ŋun, ikotere alotooma keŋ einakinio ŋituŋa ŋulu nyerae Ŋiyudayan ŋarereŋisyo ŋuna abu Akuj kiik neni ka Aburaam, ikotere nai toryamunere iwon ŋulu ikinupit Kristo Etau ŋolo ikiikinit Akuj.

Ŋikis. 26:19

ikotere ikituruwori iŋes iyes ŋituŋa ŋulu iloito ŋituŋa a ŋakwapin a daadaŋ ŋulu asubuni iŋes, iruworosi iyes ŋulu ikipuritoe, ŋulu arwok ka ŋulu ikitopolooritae ka iruworosi iyes ŋituŋa ŋulu asegak aneni ke Ekapolon Akuj kus, lopite ŋolo eikinitor iŋes.

Ŋikis. 28:37

Iruworosi iyes ŋulu ikijamuwaritae, ŋulu isiilyaka ka ŋulu ikirworore alotuŋa a daadaŋ a ŋakwapin a ŋuna ikiyai iyes Ekapolon.