Sakar 7:12 - Ebaibul

¹² Apotu kitogogoŋo ŋakyes kec ikwa ŋatabab, todaun epite ŋolo iiraryata ŋikisila kori ŋakiro ŋuna abu Ekapolon ŋolo Etiron kiyakiu alotooma Etau keŋ alorwori a ŋikadwarak a ŋulu esyaunak. Aŋun, abu Ekapolon ŋolo Etiron toŋo nooi.

Sakar 7:12 Iomraidhean Croise

2 Ŋakiro a ŋirwa 36:13

Abu daŋ Sedekia toŋer Nebukadinesar ŋolo sek abu kisikoŋ alokiro ka Akuj atemar iwuapi ŋakiro a Nabukadinesar; abu iŋes kitogogoŋ akou keŋ ka kitininik ŋatameta keŋ towou akiwuap ŋuna a Ekapolon Akuj a Ŋisirael.

2 Ŋakiro a ŋirwa 36:16

Nai apotu ikes tokienatar ŋikadwarak ŋulu ka Akuj, toŋero ŋakiro ka Akuj ŋuna erworosi ŋikadwarak ka tojamuwasi ŋikadwarak ŋulu ka Akuj akitodol ŋina abunio anyunyura ka Akuj ŋina apolon nooi lotuŋa keŋ ŋul, todaun epite ece ŋolo eiunotor ikes.

Yob 9:4

Eos Akuj nooi ka erae agogoŋu keŋ ŋina etiron, ŋae mono abu kitiji Akuj, ido kilou?

Ŋikiru. 50:17

Toŋerito bo ŋakiro ŋuna abala ayoŋ kiwuapa, ido ikoŋete imanete ŋakan kaku iŋerito ŋakiro kaŋ.

Awos. 7:13

Tari ŋina aponiata ŋakiro kikokis nen, abu Parao kitogogoŋ akou keŋ, nyepupok ŋakiro ata Moses, lopite ŋolo alimokinitor Ekapolon ikes.

Isa. 46:12

“Iyes ŋituŋa ŋulu egogoŋ ŋakyes, iyes ŋulu ilwaka analakuno!

Isa. 48:4

Aŋuna ayenia ayoŋ atemar irubakinito iyes isyaaka ka egogoŋ ŋakyes kus ka ilerito ŋireetin kus ikwa eburonis,

Isa. 6:10

Kitabaŋaan ŋituŋa ŋul, kitikiŋiman ikes ka kitumudukan ikes, ikotere ikes nyiŋolikis ka nyiirasi ka nyeyenut anatameta kec, ido toboŋut neni kaŋ akitaŋaleuno.”

Isa. 65:12

ekemyekini ayoŋ iyes ikiari alojie ka iryedikete iyes daadaŋ alokiŋaren ŋikaarak kus; anerae ipotu iyes nyikiboŋokis ayoŋ apaki ŋina akanyaritor ayoŋ iyes, ipotu iyes nyipupokis ŋakiro kaŋ apaki ŋina erworor ayoŋ neni kus, nai ipotu iyes kitiyata ŋuna aronok alokiŋaren kaŋ, ipotu iyes toseut akitiya ŋuna pa eketalakarito ayoŋ.”

Yer. 17:1

Igiritae asecit a ŋituŋa a Yudaya ka akalamu a ŋina erae asuwat, igirakinitae lotai kec a akou a akalamu a ŋina erae asuwat ŋina enyaritae diamon ka igirakinitae namomwar a ŋamuroeta kec.

Yer. 17:23

Nai apotu ikes nyiwuapa ŋakiro kaŋ, kori topupokis ŋuna erworo ayoŋ, apotu ikes kitogogoŋo ŋakyes kec, towout akiirar ka acamun ŋuna etatami ayoŋ ikes.’

Yer. 26:19

Abu mono erwosit Esekia ŋolo a Yudaya ka ŋituŋa a Yudaya daadaŋ toara Mika a? Pa mono abu Esekia kitopoloo Ekapolon ka todyek Ekapolon kitiya ajokis neni keŋ, ido pa abu Ekapolon kilocok ŋatameta keŋ, kimyek akisican ikes a akisicanet a ŋina sek aris iŋes kelimu aŋuna kec a? Nai tokona, edikino iwon ikiyauni akisicanet ŋina apolon neni yok!”

Yer. 42:21

Aŋun, akalimok ayoŋ iyes nakoloŋit na ŋakiro ŋuna akalimoki Ekapolon ayoŋ, nai nyiwuapa iyes ŋakiro a Ekapolon Akuj kus, anakiro daadaŋ a ŋuna abu iŋes ekeyakuunia ayoŋ alimokin iyes.

Yer. 5:3

Okoe Ekapolon, meere mono ŋuna a kire ite iyoŋ a? Idau iyoŋ akisican ikes, nai eriŋa aryeba nyenomoro ikes; idau iyoŋ akitonomor ikes, nai aŋero ikes akiwuap ŋuna icamit iyoŋ. Etogogoŋ ikes ŋakyes kec lopite ŋolo egogoŋio ataaba; aŋero ikes aboŋun neni kon.

Yer. 7:20

Aŋun, alimu Ekapolon Akuj atemar, aŋoikini ka anyunyurikin ayoŋ ikes etiyakini ŋuna aronok neni a ŋituŋa ka ŋityaŋ, neni a ŋikito a ŋulu ke emanikor ka ŋaraito ŋuna ka akwap, enokuni aŋoit kaŋ ikwa akim ka mam ituŋanan epedori akituduŋere.

Esek. 11:19

Ainakini ayoŋ ikes toyakaunotor etau epei, ewuakini ayoŋ etau ŋolokitete neni kec, alemari ayoŋ agogoŋu a ŋakyes kec aneni kec, oinak ikes ŋitai ŋulu iwuapito ŋuna abala ayoŋ,

Esek. 14:5

Etiyae ayoŋ ŋun, ikotere enyakuni ŋitai a ŋituŋa kaŋ a Ŋisirael neni kaŋ, ŋituŋa kaŋ ŋulu akaesikis ayoŋ daadaŋ, ŋulu alot neni a ŋakujo.’

Esek. 2:4

Erae ŋituŋa ŋulu ekeyakiyari ayoŋ iyoŋ neni kec ŋulu nyeketopoloorito ayoŋ ka erae ŋulu egogoŋ ŋakyes. Tolimok ikes ebe,

Esek. 36:26

Akainakini ayoŋ iyes ŋitai ŋulukitet ka ewuakini ayoŋ ŋatameta ŋunakitet neni kus; alemari ayoŋ aneni akisyaanu kus okoinak iyes ŋitai ŋulu iwuapito ŋakiro kaŋ.

Sakar 1:2

“Eŋoit Ekapolon nooi aŋuna atapapaa kus.

Sakar 7:7

Meere mono ŋakiro ke Ekapolon ŋuna apotu ŋikadwarak ŋulu esyaunak kiserata apaki ŋina eboiyoto alokisil ka anakiyar a ŋina ajokan ŋituŋa ŋulu a Yerusalem ka ŋulu a ŋitaunio a ŋulu edunyatar iŋes kaapei ka ŋituŋa ŋulu a Negeb ta ŋulu alomito nakejen a ŋimukura a ŋulu alo To a?’ ”

Mat. 13:15

Anerae ileleba abaŋao lotuŋa ka agol ŋakeceki, nabo arap ikes ŋakonyen kec; kerae nyikote neni, keanyuwarito ŋakonyen kec ka kiirarito ŋaki kec, nabo keyenunito ŋitai kec, toboŋut neni kaŋ akitaŋaleuno.’

Mar. 4:12

ikotere ‘Ani kiŋolikis daŋ, nyeanyuwasi; ani kepuput daŋ, nyiirasi. Anerae kerae toanyuwarito ka kiirarito, keboŋorito neni ka Akuj akisyonio.’ ”

Luk. 8:12

Ŋikinyom ŋulu adoete lorot erae ŋituŋa ŋulu iirarete, nai bu Satan tolema akirot alotai kec, ikotere nyenupa ikes toiunos.

Ŋitic. 28:27

Anerae abaŋaaniyasi ŋatameta a ŋituŋa a lu, agol ikes ŋaki kec, arapa ŋakonyen kec. Kerae nyikote nen, keanyuwarito a ŋakonyen kec, kiirarito a ŋaki kec, nabo keyenunito a ŋitai kec, ido toboŋut neni kaŋ akitaŋaleuno!’ ”

2 Pet. 1:21

Anerae emam ŋakiro ŋuna edwaritae ŋuna eponito anacamit a ituŋanan, nai arae Etau ŋolo Asegan esirwori ŋituŋa ŋakiro ŋuna aponito aneni ka Akuj.