Sakar 6:5 - Ebaibul

⁵ Okoboŋok ayoŋ emalaika tema, “Erae ŋul ŋitai ŋiomwon ŋulu anakuj, ŋulu alomut kiŋa, kedaut akitoodiyar neni ke Ekapolon a ŋolo ka akwap a daadaŋ:

Sakar 6:5 Iomraidhean Croise

1 Ŋirw. 19:11

Tema nai Ekapolon neni ke Eliya, “Toloma kiŋa, towo alomoru alokiŋaren Ekapolon anerae eapi Ekapolon atubor a nen.” Apaki ŋin tokut ekuwuam ŋolo apolon, agogoŋ ekuse keŋ, acilicili ŋimukura ka atubutubui ŋamoru ekusi alokiŋaren Ekapolon, nai amam Ekapolon alokuwuam. Ekaku ke ekuwuam, toyakaun amaran ka akwap, nai amam Ekapolon anamaran ka akwap.

1 Ŋirw. 22:19

Tema nai Mikaia neni keŋ, “Kiira ŋakiro ke Ekapolon nu, abu ayoŋ eŋolik Ekapolon iboi alokicoloŋ keŋ a ŋolo ka apedor, ewuasi ŋimalaikan ŋulu anakuj daadaŋ irimokinito iŋes kidiŋ aloteten ka alokedyeny keŋ.

Yob 1:6

Akoloŋit apei, tocununos ŋisubuna ŋulu anakuj kiŋaren Ekapolon, abu Satan daŋ bu neni acunakina ikes.

Ŋikiru. 148:8

Kipuro Ekapolon iyes akimilya ka ŋakako, ekwok ŋolo ka akiru ka ŋidouwon, ta ekuwuam ŋolo agogoŋon ŋolo iwuapit ŋuna alimu Ekapolon.

Ŋikiru. 68:17

Erae ŋagaari ŋuna ka Akuj ŋalipyo ka ŋalipyo; Abu Ekapolon alomoru Sinai nakibois keŋ ŋina asegan.

Isa. 54:5

Ikiŋarakini iyes Ekapolon lopite ŋolo iŋarakinitor ekile aberu keŋ, erae ekiro keŋ Ekapolon ŋolo a ŋajoresyo. Akuj ŋina asegan ŋina a Isirael iŋes erae Ekalakunan kus, enyaritae iŋes Akuj a akwap a daadaŋ.

Yer. 49:36

ka etukutuni ayoŋ neni keŋ ekuwuam alowaetin a daadaŋ a ŋuluomwon, ealari ayoŋ ikes lokuwuamin ŋul daadaŋ, mam akwap ŋina nyerikoryo ŋituŋa a Elam.

Esek. 11:22

Apotu nai ŋisubuna ŋulu a ŋabebenuk ŋul toporosi ka apotu ŋiboorei ŋulu ekwaan ka ŋakejen a agaari torukosi ka ikes. Toyakaun akica ŋina ka ayau a Akuj a Isirael kidiama kec.

Esek. 37:9

Abu nai Ekapolon okolimok ayoŋ tema, “Lokoku a ituŋanan, todwar aŋuna eakieŋanu, tolimok ekieŋanu atemar ikilimok iyoŋ Ekapolon Akuj abunore alotooma ŋolowae daadaŋ, toloma nakoyo ŋunaatwak nu, ikotere kituruwo ikes nabo ŋuna eyarete.”

Dan. 11:4

Ani eriŋa iŋes ipukat ka iyata apolou keŋ, etyak apukan keŋ, ace Kuju, ace Kwap ka ace Kide ta ace To. Nyeruwor ŋipapae keŋ ipukaete anapukasinei a ŋun, tari ŋulu ipukaete nyepedorete akipuka lopite ŋolo epukator erwosit ŋolo arae ekajion ŋol, anerae edemaryo iŋes apukan keŋ inakinae neni a ŋice akilo ŋipapae keŋ.

Dan. 7:10

Abunit ayonae ŋina alelyaa akim alokicoloŋ keŋ aleleunit akim ŋin aneni ayai ŋolo iboit ŋikaru ka ŋikaru. Etiyanakinete iŋes ŋiketiyak ŋulu arae ŋalipyo ka ŋalipyo, awuasi ŋiketiyak keŋ ŋamilionio amiat alokiŋaren keŋ. Togeunae nai eikiiko ŋolo etubere ŋakiro, toŋaarae ŋikitaaboi.

Dan. 7:2

“Anakisileerekinet a ŋina abu ayoŋ eŋolik nakwaare, abu ayoŋ eŋolik ekuwuam ŋolo akutunit alowaetin a ŋuluomwon a daadaŋ, ŋolo akutunit ananam a ŋina apolon nooi.

Sakar 4:10

Nyelakara ikes tokona, anerae edit ibore ŋini etiyakin. Nai iŋolikinete ikes Serubabel erubakinit eduki Akai ka Akuj, ido elakarosi ikes.” Abu emalaika tema neni kaŋ, “Erae ŋitaae ŋulukanikaarei ŋul ŋakonyen ŋakanikaarei ŋuna ke Ekapolon ŋuna iteete akwap daadaŋ.”

Sakar 4:14

Aŋun, abu nai iŋes tema, “Erae ŋul ŋikilyok ŋiarei ŋulu aseu ka etaleu Akuj akitiyanakin Akuj ŋina erae Ekapolon a akwap a daadaŋ.”

Sakar 6:1

Abu nabo ayoŋ eŋoliya kidiama, eŋolik alokiŋaren kaŋ ŋagaari ŋaomwon ŋuna eritae a ŋaŋolei, eponito alokidiŋ ŋimoru ŋiarei. Arae ŋimoru ŋul ŋulu a ŋasuwa a ŋuna enyaritae eburonis.

Mat. 18:10

“Tocoito ijamuwarete tari ipei a ŋulu cicik a lu, anerae akalimokini ayoŋ iyes atemar, erukito ŋimalaikan kec jwi jwi ka Papa kaŋ ŋolo eyai nakuj. [

Mat. 24:31

Iyakuuni iŋes ŋimalaikan keŋ apaki ŋina ekutakinere arupepe ŋina apolon, tocunakis ŋiseuna keŋ alowaetin ka akwap a daadaŋ, ameun anakisyakinet tari nasalunet.

Luk. 1:19

Toboŋok emalaika tema, “Ayoŋ Gaburiel, ŋolo awuoi alokiŋaren Akuj. Ekeyakuunitae ayoŋ neni kon, alimokin iyoŋ ŋakiro ŋuna ajokak ŋun.

Ŋibur. 1:14

Erae nai ŋimalaikan nyo? Erae ŋitai ŋulu itiyaete etic ŋolo ka Akuj, ŋulu iyakuunitae akiŋarakin ŋulu eiunio.

Ŋibur. 1:7

Nabo kirwor Akuj ŋuna ikamunito ŋimalaikan tema, “Isikokini Akuj ŋimalaikan keŋ ŋikuwuamin; isikokini ŋiketiyak keŋ arira ŋina ka akim.”

Yos. 3:11

Analosit kus Yorodan, ikiŋarenikini iyes Asaduku ŋina ka Acamunet a Ekapolon Akuj ŋina erae alope akwap daadaŋ.

Akis. 7:1

Kelunyar ŋun, abu oanyuwa ŋimalaikan ŋuluomwon ewuasi alowaetin a ŋuluomwon ka akwap, iretakinito ŋikuwuamin ŋuluomwon ŋulu ka akwap, ikotere nyekutakis akwap kori anam kori ediokitoe.