Sakar 6:12 - Ebaibul

¹² Tolimok iŋes atemar, ebala Ekapolon ŋolo Etiron ebe, ‘Ekile ŋolo enyaritae Ateni iŋes lo, epetari iŋes anakibois keŋ, ikwa ateni ŋina ke ekitoe, ido edukokini iŋes Akai ŋina ke Ekapolon.

Sakar 6:12 Iomraidhean Croise

2 Sam. 7:13

Eletonit ŋol iŋes edukokini Akai aŋuna a ekiro kaŋ, ido etogogoŋi ayoŋ ekipukae keŋ torubak ŋikaru ka ŋikaru.

Esir 3:10

Ani edukokinete ŋikadukok akisyakinet a Akai ka Akuj, awuasi ŋisacaradotin enapito ŋilowi kec aŋuna ka akipuro Ekapolon ekusete ŋarupepe, toramete ŋilepi ŋipapae ka Asap ŋitworoi lopite ŋolo alimokinitor erwosit Daudi ŋolo a Isirael.

Esir 3:8

Alokaru a ŋolo a ŋiarei elap ŋolo a ŋiarei ameun anakoloŋit a ŋina adolunioto Ŋisirael Kai ka Akuj Yerusalem, togeikis Serubabel lokoku a Sealitiel ka Yesua lokoku a Yosadak akisyakinet a Akai ka Akuj. Etiyaete ikes kaapei ka ŋituŋa kec ŋuluce: Ŋisacaradotin, ŋilepi ka daadaŋ ŋulu aboŋunete Yerusalem anakwap a ŋina arikoritae ikes. Apotu ikes toseut ŋilepi ŋulu arae ŋikaru kec ŋatomoniarei ka adepar apolokin etic ŋolo ka akiduk Akai a Ekapolon.

Isa. 11:1

Ijojouni ateni aneni a Yese, elomuni ateni anataagor keŋ tora.

Isa. 4:2

Akoloŋit ŋin, idodouni ateni ŋina ke Ekapolon kibusyar ka tojokyar nooi, ido ejokyata nooi ŋaraito ŋuna ka akwap, kibusyata nooi aŋuna a ŋipiya a Isirael.

Isa. 53:2

Abu iŋes topolou alokiŋaren Ekapolon esibit ekitoe ŋolo alomunan ka esibit akipuriteunet ŋina erupunit anakwap a ŋina eonit; amam epite ŋolokitamet iŋes, kori akibuses ŋina ikiinakini iwon akitere iŋes, amam ibore alotakane keŋ ŋini epedori ainakin iwon akiitan iŋes.

Yer. 23:5

Alimu Ekapolon ebe, “Kire jik, eponito ŋirwa ŋulu aseunia ayoŋ aŋuna a Daudi eletonit ŋolo iyookino, ipukae iŋes ikwapei erwosit ka itiyae ka aosou ka akiyookino anakwap.

Yer. 33:15

Alorwa a ŋul ka anapaki a ŋin, etolomuni ayoŋ ateni ŋina iyookino aloletok a Daudi, itiyae iŋes anakwap ŋuna ecamunitae ka ŋuna iyookino.

Esek. 37:25

Iboiyete ikes anakwap a ŋina abu ayoŋ oinak Yakob eketiyan kaŋ, anakwap a ŋina apotu atapapaa kec kiboiyoto. Iboiyete ikes a nen ka ŋidwe kec ta ŋipapae kec ŋikaru ka ŋikaru. Daudi eketiyan kaŋ iŋes eruwor ekepukan kec ŋikaru ka ŋikaru.

Esek. 41:1

Abu nai ekile ŋol okoya ayoŋ nagule ŋina a ŋaarei elomaryo Kai ka Akuj, abu iŋes kipim ŋipirin a agule a ŋin, toryamu erae aoyau kec alowaetin a agule a daadaŋ ŋimitae ŋiuni.

Amos 9:11

Tema Amos, “Ebala Ekapolon, ‘Ebunit akoloŋit ŋina enyakakinia ayoŋ apukan neni a ŋiletok a Daudi, apukan ŋina abu tomunaar ikwa akai ŋina eritakin kwap. Etowoi ayoŋ nabo ŋarwatatain keŋ, adukokini ayoŋ akai ŋin nabo kikwaanikin ka ŋina koloŋ ayai alorwa a ŋulu a koloŋ,

Mika 5:5

Iŋes eyauni ekisil. Ani kepotu ŋituŋa ŋulu ka Asiriya nakwap yok, kitorut naduketa ŋunajiet, iyakiyaryo iwon ŋikarikok yok ŋulu egogoŋ kitijikis ikes.

Sakar 13:7

Ebala Ekapolon ŋolo Etiron ebe, “Okoe ekileŋ toten kicum ekeyokon kaŋ, kicum ekile ŋolo itiyae etic kaŋ! Toar iŋes, ikotere kielar ŋamesekin; etijikini ayoŋ ŋamesekin keŋ ŋuna adaun ekeyokon ŋolo iyoki,

Sakar 3:8

Topupok tokona, iyoŋ Yosua ŋolo irae esacaradoti ŋolo Apolon nooi, iyoŋ kaapei ka ŋirukitos kon ŋulu iboiyete alokiŋaren kon, ŋulu erae akitoodiunet a ŋakiro a ŋuna ajokak a ŋuna eponito. Alosi ayoŋ ayaun eketiyan kaŋ ŋolo enyaritae Ateni.

Sakar 8:9

“Totitinyokiata! Ipupete tokona iyes ŋakiro ŋunapei apotu ŋikadwarak kirworo apaki ŋina esyakinere adukokin nabo Akai ŋina ka Akuj.

Mat. 16:18

Akalimokini ayoŋ iyoŋ atemar, irae iyoŋ Petero, (apolou keŋ atemar ataaba.) Nataaba ŋin iŋes adukokini ayoŋ akai kaŋ ka nyepedori atwanare akiloun iŋes.

Mat. 26:61

temasi, “Abala etuŋanan lo ebe, ‘Apedori akituwor Akai ka Akuj, odukok nabo alotooma ŋirwa ŋiuni.’ ”

Mar. 14:58

“Ikipotu isua eirasi iŋes ebala, ‘Etuwori Akai ka Akuj na ŋina adukete ŋituŋa a ŋakan, ido alotooma ŋirwa ŋiuni, odukok ace ŋina nyepedorete ŋakan a ŋituŋa akiduk’ ”.

Mar. 15:29

Ŋituŋa daadaŋ ŋulu kepotu kitorut nen, kiyanya yesu, kimuŋimuŋete ŋakyes ebasi, “Okoe! Iyoŋ ŋoon ibala ebe ituwori Akai ka Akuj, ido todukok nabo alotooma ŋirwa ŋiuni!

Mar. 15:39

Ŋolopite aanyuwarya ekapolokiniton ŋisigarya amiat ŋolo awuoi a nen atemar eridak Yesu tema, “Kire, kerae ekile lo Lokoku ka Akuj.”

Luk. 1:78

Epatana nooi Akuj yok ka isyoniono. Abu aiuno keŋ neni yok ikoni neni ipiripirunia akoloŋ

Yoa. 1:45

Kiryamunos nai Pilipo ka Nasaniel, tolimok Pilipo iŋes tema, “Ikiryamu isua iŋes ŋolo egirit Moses ŋakiro keŋ Lokisila, ŋolo daŋ igirito ŋikadwarak ŋakiro keŋ. Erae iŋes Yesu ŋolo a Nasaret, lokoku a Yosepu.”

Yoa. 19:5

Tolomu nai Yesu kiŋa enapit aikit ŋina a ŋikukwa anakou keŋ, tonapite elou ŋolo kipurat-areŋan. Tolimok Pilato ikes tema, “Elo ekile ŋolo!”

Ŋitic. 13:38

Aŋun ŋikaitotoi, itemokino iyes toyenut atemar alotooma Yesu, iserao neni kus ŋakiro ŋuna ka akisyon ŋasecisya.

Ŋitic. 17:31

Anerae atubu Akuj akoloŋit ŋina etubokinia ŋituŋa daadaŋ anakwap anakiyookino ka erae ituŋanan ŋini aseu iŋes itiyakini ŋun. Etoodiu iŋes ŋun lotuŋa daadaŋ anakiteyarun ituŋanan ŋin alokatwak!”

1 Ŋikor. 3:9

Anerae ikitiyae isua kaapei ka Akuj. Irae iyes emanikor ŋolo ka Akuj. Iraakasi daŋ Akai ka Akuj.

Ŋibur. 10:12

Nai abu Kristo inak amuronot apei bon ŋina itemokino jik aŋuna a ŋasecisya; ido kiboikin lowae ŋolo aloteten Akuj.

Ŋibur. 7:24

Nai nyikwaan Yesu ka ikes, eyari iŋes jik, nabo erae iŋes esacaradoti ŋoloruba.

Ŋibur. 7:4

Toanyutu mono iyes epite ŋolo etopolooritere Melekisedek nooi, anerae Aburaam daŋ papaa yok ŋolo ayenen nooi, abu inak iŋes atutubet apei anatomon aloboro a daadaŋ a ŋulu aŋatuni iŋes alojiye.

Ŋibur. 8:3

Eseununuyo ŋisacaradotin ŋulu Apolok nooi, ikotere einanakinete Akuj ŋainakineta ka ŋamuronisya. Ikwaŋinapei, itemokino Yesu daŋ Esacaradoti yok ŋolo Apolon nooi toyakar idiobore ŋini einakini.