Sakar 6:1 - Ebaibul

¹ Abu nabo ayoŋ eŋoliya kidiama, eŋolik alokiŋaren kaŋ ŋagaari ŋaomwon ŋuna eritae a ŋaŋolei, eponito alokidiŋ ŋimoru ŋiarei. Arae ŋimoru ŋul ŋulu a ŋasuwa a ŋuna enyaritae eburonis.

Sakar 6:1 Iomraidhean Croise

2 Ŋirw. 6:17

Kilip nai Elisa Akuj tema, “Okoe Ekapolon, toŋaa ŋakonyen keŋ ikotere iŋes eanyuwari!” Abu Ekapolon toŋaa ŋakonyen ŋuna a eketiyan ke Elisa, toanyuwa ŋaŋolei ka ŋagaari ŋuna eritae a ŋaŋolei, ŋuna anepete ekote akim, arapuwarito ikes emukura daadaŋ, kirikaunito Elisa ŋagaari ŋuna anepete ekote akim.

Yob 34:29

Ani kerubaki Akuj ililiŋi, ŋae epedori akitoroniyar Akuj? Ani kiwua iŋes ereet keŋ, ŋae epedori akiŋolikin iŋes?

Ŋikiru. 33:11

Nai ŋakiro ŋuna eye Ekapolon erubakinete jik ŋikaru ka ŋikaru. erubakinete ananyameta a daadaŋ ŋakiro ŋuna eye iŋes alotau keŋ.

Ŋikiru. 36:6

Ikwaan akiyookino kon itiirae ka ŋimoru ŋulu itiiraete, ikwaan akiyookino kon ŋina itubio iyoŋ ŋakiro epol ka alalau a ŋakipi aloburi a ŋolo ka anam. Okoe Ekapolon iununui iyoŋ ŋituŋa ka ŋityaŋ pa ityakatyakat.

Ŋakit. 21:30

Emam ibore itiyakini ituŋanan aŋuna ka aosou keŋ, ayenut keŋ ka ayere keŋ ŋuna kitiya, erae pa kecamakinit Ekapolon.

Isa. 43:13

Arae ayoŋ Akuj ka arubakini arae Akuj jik, mam ituŋanan epedori aiun iyes anapedor kaŋ. Ani ketiyak ayoŋ ŋadi, ŋae ekesipiyori ayoŋ akitiya ŋun?

Isa. 66:15

Ebuni Ekapolon ecai ikwa a akim ka epote ŋagaari keŋ ŋuna iritae a ŋaŋolei ekerete ikwa ekuwuam ŋolo ipiripiri, ebuni iŋes anaŋoit keŋ enyunyura ka eyakaun akisicanet keŋ ikwaan ka arira.

Yer. 4:13

Topupokisi! Ebunit Ekapolon lopite ŋolo eponiata ŋidouwon, eponito ŋagaari keŋ ekerete ikwa ekuwuam ŋolo ipiripiri ekusi, epiraka ŋaŋolei keŋ akilo ŋigolei. Utukui iwon! Enyasunoi iwon!

Dan. 4:15

Nai kimyekisi apuŋure keŋ ka ŋataagor edupakina kwap, eenen ka asuwat ka eburonis, eyakasi lonya ŋulu ka ariet. Kimyekisi iŋes kitopalala ŋakopi ŋuna alokidiama, kimyekisi iŋes kiboiyoto ka ŋityaŋ ŋulu ka ariet alonya a ŋulu ka akwap.

Dan. 4:35

Erae ŋituŋa daadaŋ ŋulu ka akwap ŋicaryo, itiyae iŋes ŋuna ecamit neni a ŋisubuna a ŋulu eya kidiama ka neni a ŋulu iboiyete anakwap. Mam ituŋanan epedori akiretakin ŋuna ecamit iŋes akitiya, kori epedori akiŋit ebe, “Nyo itiyae iyoŋ?”

Dan. 8:22

Ani eruwor amomwara ŋina aponi topokoroe ŋina apotu ŋace ŋaomwon kilunyokinos neni sek ayai iŋes, eyakaun ŋapukasinei ŋaomwon nakwap a erwosit a ŋolo a ekiŋaren, nai nyegogoŋioto ŋapukasinei ŋun akilo ŋina ke erwosit a ŋolo a ekiŋaren.

Sakar 5:1

Abu nabo ayoŋ eŋoliya kidiama, eŋolik ekitaabo ŋolo ayai kidiama lokuwuam.

Sakar 6:5

Okoboŋok ayoŋ emalaika tema, “Erae ŋul ŋitai ŋiomwon ŋulu anakuj, ŋulu alomut kiŋa, kedaut akitoodiyar neni ke Ekapolon a ŋolo ka akwap a daadaŋ:

Ŋitic. 4:28

Apotu ikes tocunakinos akitiya ŋakiro daadaŋ ŋuna koloŋ itubuni iyoŋ ka apedor ka acamit kon atemar itiyakin.

Ŋiep. 1:11

Itiyao ŋiboro daadaŋ alopite a ŋolo itemokinitor ka etubunitor Akuj ka abu Akuj ikiseu iwon aŋuna ka acamit keŋ aruwor ŋituŋa keŋ ka alope anakimorikina ka Kristo, ikwa kebunio iŋes totubunio ŋinapei anakisyakinet.

Ŋiep. 3:11

Abu Akuj kitiya ŋun ikwapei ayakar alosikinet keŋ ŋina a ŋikaru ka ŋikaru, ŋina ayakar iŋes alotooma Yesu Kristo Ekapolon yok.

1 Sam. 2:8

Einanakini alakara neni a ŋulu a ŋican, einanakini alakara neni a ŋulu eyai akiitanit; ituruwonori ikes ŋikonei a ŋidwe a ŋikapolok, ido itopoloonori ikes. Erae ŋawoeta a akwap ŋuna ke Ekapolon; adau Ekapolon adukokin akwap nawoeta ŋun.