Sakar 4:9 - Ebaibul

⁹ “Adau Serubabel adukokin akisyakinet ŋina ka Akai ka Akuj, irikakini iŋes akiduk Akai. Ani itiyakin ŋun, eyenunete nai ŋituŋa kaŋ atemar ayoŋ abu ekeyakiya iyoŋ neni kec.

Sakar 4:9 Iomraidhean Croise

Esir 5:16

Abu nai Sesabasar todukok akisyakinet a Akai ka Akuj alo Yerusalem, tosodi ameun akoloŋit ŋin tari tokona edukio Akai ŋin ka eriŋa nyirikakina.’

Isa. 48:16

Potu diyete kaŋ, kiirasi ŋakiro nu! Ŋinapei anakisyakinet nyirworo ayoŋ anakimunono, ayai ayoŋ ŋinapei anakisyakinet. Ekeyaku tokona ayoŋ Ekapolon kaapei ka etau keŋ.”

Agai 2:18

Nai ageun akoloŋit na, ŋina eraakar ŋirwa ke elap ŋatomoniarei ka ŋiomwon, elap ŋolo a ŋikanikaomwon, totamatamata nooi ŋuna ka akoloŋit a ŋina egeunere akiduk Akai ke Ekapolon.

Sakar 1:16

Aŋun ŋakiro ŋuna irworo Ekapolon ikes nu, ‘Aboŋuni ayoŋ Yerusalem esyoni iŋes, ido edukokinio nabo Akai kaŋ nen. Ebutari etaun Yerusalem daadaŋ.’

Sakar 2:11

Epote ŋakwapin ŋuna alalak akoloŋit ŋin neni ke Ekapolon, eruwor ikes ŋituŋa keŋ, iboikin Ekapolon kaapei ka ikes. Iyenunete nai iyes atemar Ekapolon ŋolo Etiron iŋes ekeyakuunit ayoŋ neni kus.

Sakar 2:13

Kililiŋa iyes ŋituŋa daadaŋ alokiŋaren Ekapolon; anerae abu iŋes anakibois keŋ a ŋina asegan a ŋina sek iboiyo.

Sakar 4:8

Abu nabo akirot ace bu neni kaŋ aneni ke Ekapolon ebala,

Sakar 6:15

Emaikina ŋituŋa ŋulu eya neni alwanan potu ikiŋarakis iyes akiduk Akai ke Ekapolon, neni iŋes iyenuniata iyes atemar Ekapolon ŋolo Etiron iŋes akeyakiunit ayoŋ neni kus. Itiyakin ŋakiro ŋun erae kiwuapa iyes imukekinito ŋakiro a Ekapolon Akuj kus.

Mat. 16:18

Akalimokini ayoŋ iyoŋ atemar, irae iyoŋ Petero, (apolou keŋ atemar ataaba.) Nataaba ŋin iŋes adukokini ayoŋ akai kaŋ ka nyepedori atwanare akiloun iŋes.

Yoa. 17:21

Elipit ayoŋ atemar toruworos ikes daadaŋ ŋipei. “Papa! [Ikwaŋinapei iyakar iyoŋ tooma kaŋ, ka ayoŋ daŋ tooma kon,] pena ikes tooma yok, ikotere enupi akwap atemar, ikiyakuunit iyoŋ ayoŋ.

Yoa. 3:17

Anerae pa eyakuunit Akuj Lokoku keŋ atubokin akwap, nai ikotere eunio akwap aŋuna keŋ.

Ŋibur. 12:2

Orubakisi ikite Yesu ŋolo erae neni keŋ ebunitor anupit yok daadaŋ, ŋolo ilelebikini anupit yok. Abu iŋes todaŋ atwanare alomusalaba, nyemitak ŋileec, anerae apol alelyan ŋina edarit iŋes. Iboi tokona alowae a ŋolo aloteten ekicoloŋ ŋolo ka Akuj.