Sakar 4:7 - Ebaibul

⁷ Eŋopiyarete aneni a Serubabel ŋatyokisyo ŋuna apolok nooi ŋuna etya ŋimoru. Edukokini iŋes nabo Akai ka Akuj, ido apaki ŋina edukokinia iŋes amoru ŋina esidyon, ecelunete ŋituŋa temasi, ‘Ibus nooi! Ibus nooi!’ ”

Sakar 4:7 Iomraidhean Croise

Esir 3:10

Ani edukokinete ŋikadukok akisyakinet a Akai ka Akuj, awuasi ŋisacaradotin enapito ŋilowi kec aŋuna ka akipuro Ekapolon ekusete ŋarupepe, toramete ŋilepi ŋipapae ka Asap ŋitworoi lopite ŋolo alimokinitor erwosit Daudi ŋolo a Isirael.

Ŋikiru. 114:4

apotu ŋimoru tomaranikis, apotu ŋimukura tomaranikis.

Ŋikiru. 114:6

Kaanukiro aponiata ŋimoru tomaranikiniata? Kaanukiro aponiata ŋimukura tomaranikiniata?

Ŋikiru. 118:22

Amoru ŋina aŋeretoe ŋikadukok, iŋes tokona itogogoŋit akai alokoona.

Ŋikiru. 84:11

anerae Ekapolon Akuj iŋes ikitacaikini iwon erot ikwa akoloŋ ka ikiuryari ikwa aupal; ikiinanakini Ekapolon arimao ka apolou; mam ibore ŋini ajokan ŋini ewouni iŋes ainakin ŋulu iboiyete iyookino.

Isa. 28:16

Aŋun, alimu Ekapolon ebe, “Ewuak tokona ayoŋ Sion amoru ŋinakisyakinet aduketait, amoru ŋina agogoŋon nooi, amoru ŋina egogoŋ egyelit ŋina itowoi aduketait jik. Nyekadakini ituŋanan ŋini ikinyomit neni keŋ.”

Isa. 41:15

Kiirasi, ekesikwaanikini ayoŋ iyes ka aramet ŋikinyom, aramet ŋikinyom ŋina eriŋa ekitetena erami ejok; iramete iyes ŋamoru kiryaasi kituruwosi apuwa koŋin, iramete iyes ŋikamukumukui kitiditeut kituruwosi ŋamilo koŋin;

Yer. 33:11

etoil ŋolo ka alelyanu ka ŋolo ka alakara, etoil a eteran ka etoil a ateran, ŋitoilon a ŋituŋa a ŋulu eosi eyaunete ŋainakineta ŋuna ka alakara Kai a Ekapolon ebasi, ‘Tolakaros neni ke Ekapolon a ŋolo a ŋajoresyo, anerae ejok iŋes, erae amina keŋ ŋina nyiryaŋiryaŋa ŋikaru ka ŋikaru!’ Enyakakini ayoŋ ŋarereŋisyo nakwap na lopite ŋolo sek ayakatar ekiŋaren.

Yer. 51:25

Okoe iyes ŋituŋa a Babilon, ikwaan iyes ka emoru ŋolo ikimunyari, emoru ŋolo emunyari akwap daadaŋ. Eopeuni ayoŋ akan kaŋ ekemanit iyes, ekeriu iyes anaŋici a ŋatabab, ekesikwaanik ka emoru ŋolo anomiya akim.

Mika 1:4

Etalarete ŋimoru alokwap keŋ, ikwa etalarya amanok anakim; etiyaarosi ikes nakadipaalae, ikwa etiyaarotor ŋakipi kwap alomukura,

Mika 4:1

Alorwa a ŋulu eponito, ituruworyo emukura ŋolo ka Akai ke Ekapolon ŋolo eoya nooi akilo ŋimoru, itooyaaryo kileŋ ŋikamukumukui, ilelebikinosi ŋituŋa a ŋakwapin neni keŋ.

Abak. 3:6

Ani ewoi iŋes tomaranik akwap; ani eŋoleŋolekini iŋes tomaranikis ŋituŋa. Ielielaari iŋes ŋimoru ŋulurubae; esiporete ŋikamukumukui ŋuluŋorok, ŋulu koloŋ etorenene iŋes.

Sakar 4:8

Abu nabo akirot ace bu neni kaŋ aneni ke Ekapolon ebala,

Sakar 4:9

“Adau Serubabel adukokin akisyakinet ŋina ka Akai ka Akuj, irikakini iŋes akiduk Akai. Ani itiyakin ŋun, eyenunete nai ŋituŋa kaŋ atemar ayoŋ abu ekeyakiya iyoŋ neni kec.

Mat. 21:21

Toboŋok Yesu ikes tema, “Akalimokini ayoŋ iyes kire atemar, ani iyakatar iyes anupit ka nyiŋayaŋayato, itiyaete iyes ŋuna etiyak ayoŋ lobobore. Meere ŋuna bon, ilimokinete tari emoru lo atemar ‘Kiyoto a ne, kimasar nanam,’ itiyakinio.

Mat. 21:42

Tolimok Yesu ikes tema, “Nyesyoma iyes ŋuna igiritae Nakigireta atemar, ‘Amoru ŋina koloŋ aŋerete ŋikadukok, iŋes tokona itogogoŋit akai alokoona a? Ekapolon elope etiyae nu, erae ŋakiro nu ŋuna etalakarak ŋuna ikite iwon!’

Mar. 12:10

Nyesyoma mono iyes Ŋakigireta ŋuna igiritae ebe, ‘Amoru ŋina koloŋ aŋerete ŋikadukok iŋes tokona itogogoŋit akai alokoona.

Luk. 20:17

Kiŋolik Yesu ikes tolimok tema, “Nyo nai apolou a ŋakiro a ŋuna igiritae Nakigireta ikona? ‘Amoru ŋina koloŋ aŋerete ŋikadukok, iŋes tokona itogogoŋit akai alokoona!’

Luk. 3:5

Itemokino nenidipal daadaŋ kitiriyanae, itemokino ŋimukura ka ŋimoru tobwaŋabwaŋae. Itemokino ŋirotin ŋulu ilugilugito kisidiiri ka ŋirotin ŋulu sagam kitusulututae;

Ŋitic. 4:11

Erae Yesu igiritae ŋakiro keŋ Nakigireta atemar, ‘Amoru ŋina koloŋ ipotu iyes ŋikadukok toŋero, iŋes tokona itogogoŋit akai alokoona.’

Ŋirom. 11:6

Eseunit Akuj ikes kire aŋuna ka ajokis keŋ, meere aŋuna adaut ikes akitiya. Anerae kerae toseununuye Akuj ŋituŋa aŋuna a ŋiticisyo kec, pa kerae ajokis keŋ ŋina a kire.

Ŋiep. 2:20

Isikwaanitae Ŋikristo ka aduketait: aŋun, adaun iyes adukokin nakisyakinet ŋina ka aduketait a ŋina esyakinete ŋikiyakia ka ŋikadwarak. Yesu Kristo elope iŋes erae amoru ŋina itogogoŋit akai alokoona.

1 Pet. 2:7

Epol egyelit ŋolo ka amoru a ŋin nooi aneni kus a ŋulu inupito Yesu, nai aneni a ŋulu nyenupito, ebasi Ŋakigireta, “Amoru ŋina aŋerete ŋikadukok, iŋes tokona itogogoŋit akai alokoona;”

Akis. 16:20

Toŋopiyasi ŋiculae daadaŋ, toŋopiyasi ŋimoru daadaŋ;