Sakar 3:1 - Ebaibul

¹ Abu nai Ekapolon eketoodik ayoŋ anakiruja Yosua esacaradoti ŋolo Apolon nooi, ŋolo awoi alokiŋaren emalaika ke Ekapolon. Eketoodik iŋes ayoŋ Satan daŋ ŋolo awoi aloteten a Yosua akisitakin Yosua.

Sakar 3:1 Iomraidhean Croise

Akisy. 3:15

Ekesimanakini ayoŋ iyoŋ ka aberu, imanakin ŋidwe kon ka ŋidwe a aberu; ewani ituŋanan akou kon ka iwani iyoŋ atotinyo a ituŋanan.”

Akisy. 48:16

elipi emalaika ŋolo akalaku ayoŋ anawana a daadaŋ, kiterereŋ ŋidyain lu; ido alodwe a lu, torubakinae etamunitae ekiro kaŋ ka ŋirorwa atapapaa kaŋ Aburaam ka Isaka; elipi toruworos ikes ŋituŋa ŋulu elalak anakwap.”

1 Ŋakiro a ŋirwa 21:1

Tolosik Satan Ŋisirael, ido abu inak Daudi atametait ŋina ka akimar Ŋisirael.

2 Ŋakiro a ŋirwa 29:11

Ŋidwe kaŋ ŋulusapa, nyiruworosi ŋulu ijamaaka tokona, anerae ikiseu iyes Ekapolon aruwor ŋulu iwuasi alokiŋaren keŋ, ido kitiyanakis iŋes, kiŋarenikis ŋituŋa anakilip ka kicunya ekinyate.”

Esir 10:18

Aponi toryamunae aloletok a ŋisacaradotin ŋikilyok ŋulu kepotu kiitut ŋaberu ŋunagelae. Aloletok a Yesua alokoku a Yosadak ka alokaitotoi keŋ, ŋulu ke potu kiitut ŋaberu ŋunagelae ikes lu: Maaseia, Elieser, Yarib ka Gedalia.

Esir 2:2

Aboŋunete ikes kaapei ka Serubabel, Yesua, Neemia, Seraia, Reelaia, Moridekai, Bilisan, Misipar, Bigipai, Reum ka Baana. Erae lo ekimar a Ŋisirael a ŋulu apotu toboŋut nakwap a Yudaya:

Esir 5:2

Tosodo nai Serubabel lokoku a Sealtiel ka Yesua lokoku a Yosadak kisyakis akiduk nabo Akai ka Akuj alo Yerusalem, eŋarakinito ŋikadwarak a Akuj ikes alotic a ŋol.

Ŋikiru. 106:23

Aŋun, abu Akuj tolimu atemar amunyari ikes. Ani kerae nyedyekit Moses ŋolo arae eseuna ŋolo ka Akuj aŋuna kec Akuj, nyemunya ikes ananyunyura keŋ, kemunyarit Akuj ikes.

Ŋikiru. 109:6

Ebasi ebe, “Oseutu ituŋanan ŋini aronon kitepeg iŋes; emyekisi ituŋanan idio towo kisitak iŋes.

Yer. 15:19

Aŋun, abu Ekapolon tema neni kaŋ, “Ani kiboŋunit iyoŋ neni kaŋ, ekejauni ayoŋ iyoŋ nabo, ido ibuni iyoŋ akitiyanakin ayoŋ nabo. Ani kirwor iyoŋ ŋakiro ŋuna ajokak, meere ŋunacaryo, iruwor iyoŋ ekadwaran kaŋ. Eboŋunete ŋituŋa neni kon meere iyoŋ iboŋori neni kec.

Esek. 44:11

Eruwor ikes ŋiketiyak nakibois ŋina asegan alo Kai ka Akuj, ŋulu iyokiyete ŋipukei ŋulu ka Akai ka Akuj ka ŋulu itiyaete Kai ka Akuj; epedorete ikes akiar ŋibaren ŋulu eyaunitae nen erae ŋainakineta ŋuna epeyo ka ŋamuronisya a ŋuna a ŋituŋa. Emaikina ikes kitiyata etic aŋuna a ŋituŋa.

Esek. 44:15

“Nai ŋisacaradotin ŋulu alokabila a Lepi torae ŋiletok a Sadok, ŋulu apotu anakikinyomit ayoŋ kitiyata ŋiticisyo ŋulu ka akibois a ŋina asegan apaki ŋina a ŋeryoto Ŋisirael akiwuap ayoŋ, ikes emaikina toapuut neni kaŋ kitiyata etic kaŋ alokiŋaren kaŋ. Emaikina ikes towua alokiŋaren kaŋ, okoinakis ayoŋ ŋasepwa ka ŋaokot a ŋainakineta.

Agai 1:1

Ani edolete ŋikaru ŋulu araakar Darius erwosit a Perisia ŋiarei, ŋirwa ke elap epei elap ŋolo a ŋikanikapei, bu akirot ka Akuj aneni a ekadwaran a Agai neni a ekepukan a Yudaya a ŋolo anyaritae Serubabel lokoku Sealtiel ta neni a esacaradoti a ŋolo Apolon nooi a ŋolo anyaritae Yosua a lokoku a Yeosadak.

Agai 1:12

Abu nai Serubabel lokoku a Sealtiel ka Yosua esacaradoti ŋolo Apolon nooi, lokoku a Yeosadak kaapei ka ŋituŋa daadaŋ ŋulu kideuna erikoryo ŋuluce nakwapin a ŋimoe kec, tocamut ŋakiro ŋuna erworo Ekapolon Akuj kec ka ŋuna erworo ekadwaran Agai; ikwapei arisyo Ekapolon Akuj kec kiyaku iŋes. Tokuryaketa ŋituŋa aŋuna ke Ekapolon.

Agai 2:4

nai tokona ebala, ‘Okoe, Serubabel totitinyik iyoŋ, Okoe esacaradoti ŋolo Apolon nooi Yosua, lokoku a Yeosadak, totitinyik, iyes ŋituŋa daadaŋ ŋulu ka akwap, totitinyikisi, ido kitiyata, anerae ikirukit ayoŋ ka iyes;

Sakar 1:13

Aŋun, abu Ekapolon kirwor neni ke emalaika a ŋolo ikirworo ka ayoŋ ŋakiro ŋuna etalakarak ka ŋuna esirworiunak.

Sakar 1:19

Abu ayoŋ eŋit emalaika ŋolo ikirworo ka ayoŋ otema, “Nyo ŋiboorei lu?” Abu iŋes okoboŋok ayoŋ tema, “Erae ikes ŋituŋa a ŋakwapin a ŋuna agogoŋok, ŋulu ealasi ŋituŋa a Yudaya, Isirael ka Yerusalem nariet.”

Sakar 1:9

Abu ayoŋ eŋit otema, “Ekapolon kaŋ nyo ŋiboorei lu?” Abu emalaika ŋolo ikirworo ka ayoŋ okoboŋok ayoŋ tema, “Eketoodikini ayoŋ iyoŋ atemar nyo ikes.”

Sakar 2:3

Abu nai emalaika ŋolo ikirworo ka ayoŋ bu kiŋaren, ido abu ecemalaika bu akisiryam iŋes.

Sakar 3:8

Topupok tokona, iyoŋ Yosua ŋolo irae esacaradoti ŋolo Apolon nooi, iyoŋ kaapei ka ŋirukitos kon ŋulu iboiyete alokiŋaren kon, ŋulu erae akitoodiunet a ŋakiro a ŋuna ajokak a ŋuna eponito. Alosi ayoŋ ayaun eketiyan kaŋ ŋolo enyaritae Ateni.

Sakar 4:14

Aŋun, abu nai iŋes tema, “Erae ŋul ŋikilyok ŋiarei ŋulu aseu ka etaleu Akuj akitiyanakin Akuj ŋina erae Ekapolon a akwap a daadaŋ.”

Sakar 6:11

Kitiyau ebokot alosilipa ka alogolid a ŋolo alemut ikes, ido kiwuak ebokot ŋol nakou a Yosua a esacaradoti a ŋolo Apolon nooi, a ŋolo erae lokoku a Yeosadak.

Mal. 3:1

Ebala Ekapolon ŋolo Etiron ebe, “Kiirasi, eyakuuni ayoŋ ekiyakia kaŋ akitemonokin erot eriŋa ayoŋ nyebuno, ido nai bu pa iyenete iyes Kai keŋ, Ekapolon ŋolo iwarito iyes. Ebuni ekiyakia ŋolo icamito iyes aanyun, ido iserae iŋes ŋakiro ŋuna ka Acamunet kaŋ.

Luk. 21:36

Torubakisi ikienyete, nabo kilipete jwi jwi, ikotere toryamut agogoŋu ŋina ibucarotor anakiro a daadaŋ a ŋuna etakanunete ka towueta alokiŋaren Lokoku a Ituŋanan.”

Luk. 22:31

“Simoni, Simoni! Topupok mono iyoŋ! Aryamu Satan apedor ŋina kikeikeet iyes daadaŋ, ikwaŋina ikeikeya eketan ŋimomwa.

Ŋikis. 10:8

Apaki ŋin abu Ekapolon totyaka ekabila a Lepi aŋuna ke etic a ŋolo ka adakit Asaduku ŋina ka Acamunet ke Ekapolon ka aŋuna ke etic ŋolo ka akiwo alokiŋaren Ekapolon akitiyanakin iŋes ta aŋuna ke etic ŋolo ka akiterereŋ ŋituŋa alokiro ke Ekapolon. Tari tokona ŋiticisyo a ŋilepi ikes ŋul.

Ŋikis. 18:15

Ebuni Ekapolon Akuj kus aseun aŋuna kus alotuŋa kus ekadwaran ece ŋolo ikikwaan ka ayoŋ, emaikina iyes kiwuapa ŋakiro a ekadwaran a ŋol.

1 Pet. 5:8

Totenito, tokienyete! Anerae irimit Satan, ŋolo erae emoit kus ikwa eŋatuny ŋolo irurumae iwarit idio ŋini nyamat.

1 Sam. 6:20

Temasi nai ŋituŋa a Bes-Semes, “Ŋae epedori akiwo alokiŋaren Ekapolon Akuj na ŋina Asegan? Neni a ŋae emaikina Asaduku yae aneni yok?”