Sakar 2:5 - Ebaibul

⁵ Ayoŋ elope aruwor arwatata ŋina ikwaan ka akim, arwatata ŋina irimokinit Yerusalem kidiŋ, ido ayoŋ elope apolokini.’ ”

Sakar 2:5 Iomraidhean Croise

Ŋikiru. 125:2

Lopite ŋolo irimokinitotor ŋimoru Yerusalem, irimokinit Ekapolon ŋituŋa keŋ kidiŋ tokona ka ŋikaru ka ŋikaru.

Ŋikiru. 3:3

Nai okoe Ekapolon, iyoŋ irae aupal ŋina ipakarit ŋican kaŋ, iyoŋ ikiinakini ayoŋ akiloun iyoŋ ikinyakakini ayoŋ atitinyu.

Ŋikiru. 46:5

Eyai Akuj tooma etaun ŋol, nyielar etaun ŋol jik, iŋarakini Akuj etaun ŋol apaki ŋina iwalarya akwap.

Ŋikiru. 48:12

Iyes Ŋisirael, toloto kirimokis Sion, kirimokisi Sion daadaŋ, kimara ŋaduketa keŋ ŋuna aoyak,

Ŋikiru. 48:3

Etoodiu Akuj atemar eiun ŋituŋa a nen, aneni eyai iŋes;

Ŋikiru. 85:9

Kire, etenit Akuj aiun ŋulu itopoloorito iŋes, ikotere erubakini apolou keŋ eyai nakwap yok.

Isa. 12:6

Tocelutu nooi aŋun ka toeikisi ilelyanete iyes ŋituŋa daadaŋ ŋulu iyakasi Sion, anerae epol Akuj ŋina asegan ŋina a Isirael ŋina iboi alokidiŋ ŋituŋa keŋ.”

Isa. 31:9

Eritakin aduketait kec ŋinajiet aŋuna ke ekabule kec, eemete ŋikapolok kec kimyekis ŋabenderae a nen. Alimu Ekapolon ŋun, Ekapolon ŋolo ilipyo neni keŋ alo Sion ka ŋolo enokia akim keŋ ŋina a ŋamuronisya alo Yerusalem.”

Isa. 32:18

Erubakinete ŋituŋa kaŋ eyakasi nakibois ŋina eyai ekisil, iboiyete ikes anakiboisyo a ŋuna eiunotor ka neni epedoryata ikes akieŋunia emam ŋace.

Isa. 33:21

Eyakaun Ekapolon nen aŋuna yok erae ŋolo ailiilon, erae nen akibois ŋina a ŋaŋololin ka ŋayona ŋuna apolok, ŋuna emam ŋatakerin itorete, ŋuna emam ŋameeli itorete;

Isa. 4:5

Iwuakini nai Ekapolon edou ka apuru naparan ta akica a akim a ŋina enepi nakwaare kidiama emoru Sion ka kidiama ŋakiboisyo daadaŋ ŋuna ecunanakin ŋituŋa. Kire, erapuwari Ekapolon etaun keŋ daadaŋ.

Yer. 31:39

elosi ekukoru a nen kiŋa neni alwanan, kidiiriyar lokamukumukut Gareb, kilugok a nen todol Goa.

Esek. 38:14

“Aŋun lokoku a ituŋanan, todwar, tolimok Gog atemar, iŋita Ekapolon Akuj ebe, ‘Ilosi iyoŋ kire akitijikin ŋituŋa kaŋ Ŋisirael apaki ŋina iboiyoto ikes emam ŋace a?

Esek. 42:20

Abu iŋes kipim ŋiwaetin ŋuluomwon daadaŋ ŋulu ka arwatata a ŋina ka Akai ka Akuj. Eryamit arwatata ŋin nen cib, arae aoyau arwatata a ŋin alosepyon ŋimitae ŋamiae ŋaarei ka ŋatomonikan ka arae anakou ka neni iteotor ŋimitae ŋamiae ŋaarei ka ŋatomonikan. Adukitoe arwatata ŋin nen aŋuna ka atyakarya ŋulu asegak aneni a ŋulu nyesegak.

Esek. 47:3

Abu ekile ŋol torotok a nen etiŋit akipimet, tolot lowae ŋolo alo Kide, kipimu ŋimitae ŋamiae ŋakan aneni aya ŋakipi, ido okoriko ayoŋ eketoryo nakipi, adolito ŋakipi ŋun lotobolae kaŋ.

Sakar 1:16

Aŋun ŋakiro ŋuna irworo Ekapolon ikes nu, ‘Aboŋuni ayoŋ Yerusalem esyoni iŋes, ido edukokinio nabo Akai kaŋ nen. Ebutari etaun Yerusalem daadaŋ.’

Sakar 2:10

Ebala Ekapolon, “Iyes ŋituŋa a Sion, toeoto ka tolelyana, anerae abunit ayoŋ, ido eboiyoto kaapei ka iyes.”

Sakar 2:11

Epote ŋakwapin ŋuna alalak akoloŋit ŋin neni ke Ekapolon, eruwor ikes ŋituŋa keŋ, iboikin Ekapolon kaapei ka ikes. Iyenunete nai iyes atemar Ekapolon ŋolo Etiron iŋes ekeyakuunit ayoŋ neni kus.

Sakar 9:14

“Etakanuni Ekapolon eyai kidiama ŋituŋa keŋ; egumuni iŋes ŋikaleŋeleŋe keŋ ikwaan ka akimilyaunet. Ekutakini Ekapolon ŋolo Etiron arupepe; ebuni iŋes alokuwuamin a ŋulu alo Kwap a ŋulu ipiripirete.

Sakar 9:8

Euryari ayoŋ akwap kaŋ, eretakini ŋajorei tojoŋoto akitorunun nen. Nyacamakini ayoŋ ŋiryenyaanotin ebolyatar ŋituŋa kaŋ nabo. Adau ayoŋ akiŋolikin epite ŋolo aponiata ŋituŋa kaŋ toryamuniata ŋican.”

Luk. 2:32

Akica ŋina ecaikini lobukui ŋulu nyerae Ŋiyudayan, ka ŋina erae akipuro ŋina a ŋituŋa kon Isirael.”

Akis. 21:23

Nyiitanit etaun ŋol akica ŋina ka akoloŋ kori ŋina ke elap, anerae ecaikinit akica ŋina ka Akuj neni keŋ ka erae Imesek etaa keŋ.