Sakar 2:4 - Ebaibul

⁴ Tema neni keŋ, “Tomotun, tolimok esorokit ŋol ŋolo eyakar akipimet ebe, ‘Ebala Ekapolon, eruwor Yerusalem etaun ŋolo emam ŋarwatatain aŋuna alalauniata nooi ŋituŋa keŋ ka ŋibaren keŋ.

Sakar 2:4 Iomraidhean Croise

Esta 9:19

Ŋakiro ŋun nai ecunanakinotor Ŋiyudayan ŋulu iboiyete alorerya ŋirwa ke elap ŋitomon ka ŋiomwon elap ŋolo ka Adar; ituruworitor akoloŋit ŋin ŋina ka alelyan, ŋina a ŋasuban, akoloŋit ŋina ajokan ŋina einanakinere make ŋainakineta.

Isa. 33:20

Kiŋolikisi Sion, etaun ŋolo ikisekinitae iwon akitiya ŋasuban yok. Iŋolikinete iyes Yerusalem, a akibois akwap ŋina ajokan akiboiyo, ikwaan Yerusalem ka eema ŋolo nyelemaryo aneni edupakinitae, ŋolo nyeditaryo ŋases keŋ, ŋolo nyeŋedeŋedeo ŋaunoi keŋ.

Isa. 44:26

Ayoŋ esiyoonokini ŋakiro ŋuna irworosi ŋiketiyak kaŋ ka esiyoonokini ŋakiro ŋuna edwarete ŋikiyakya kaŋ; ayoŋ alimuni aŋuna a Yerusalem ebe, ‘Epote ŋituŋa akiboi alotooma keŋ’ ka ayoŋ alimu aŋuna a ŋitaunio a Yudaya ebe, ‘Edukokinio ikes nabo ka etonyouni ayoŋ ŋarwatatain a ŋakais kec ŋuna eritanakina.’

Isa. 49:20

Elimunete ipupete iyes ŋidwe kus ŋulu auruunio apaki ŋina iyakatar iyes locan ebe, “Edidiŋ akibois na aŋuna kosi, inakinae isua akibois ŋina aloloman kiboikinetei.”

Isa. 54:16

Topupok, erae ayoŋ asubuni eketyakan ŋasuwa, ayoŋ ayaunit ekuwuam ŋolo itule akim, ido neni kaŋ ebunitor aosou ŋina itiyaunere ibore ŋinijiet ŋini itemokino akitiyaa ŋuna itiyaunitere adau daŋ ayoŋ asubun ekenyasan, akitiya ŋuna aronok.

Yer. 1:6

Abu nai ayoŋ otema, “Okoe Ekapolon Akuj! Kire jik, nyayeni ayoŋ erwor, anerae eriŋa ayoŋ arae idya.”

Yer. 31:24

Iboikinosi ŋituŋa a Yudaya lotaunio a Yudaya daadaŋ, eyakaunosi nen ŋiketak ka ŋikeyokok ŋulu irimito ka ŋamesekin kec.

Yer. 31:27

Alimu Ekapolon ebe, “Kire jik, eponito ŋirwa ŋulu elelebikinia ayoŋ nakwap a Isirael ka nakwap a Yudaya ŋityaŋ ka ŋituŋa.

Yer. 33:22

Ikwaŋina nyepedorotor ŋiboorei ŋulu alokidiama akimarun ka nyepedorere asinyon ŋina ka anam akipimun neni etya, ikwaŋinapei etalalauni ayoŋ ŋiletok a eketiyan kaŋ a Daudi ka ŋilepi ŋulu eketiyanakinete ayoŋ.”

Esek. 38:11

Itemari iyoŋ Gog, ‘Alosi ayoŋ akirem akwap ŋina nyewuatae ŋirerya keŋ a ŋarwatatain, alosi ayoŋ esiiryak ŋituŋa ŋulu iboiyete emam awasya ŋulu itumosi, iboiyete ikes daadaŋ aneni emam ŋarwatatain, mam tari ŋipukei, kori ŋasuwa ŋuna egolere ŋipukei.’

Dan. 1:17

Abu Akuj inak ŋisorok ŋuluomwon ŋul aosou ka apiiryanut ayenun ŋakiro ŋuna egiritae lokitaaboi ka ayenun anaosou; abu daŋ Daniel toryamu ayenut ŋina kisileereununeet ŋakitoodyanakineta daadaŋ ka ŋakirujaeta.

Dan. 1:4

ŋikilyok ŋulusorok, ŋulu emam neni eŋwalit, ŋulu ebusak, ŋulu apiiryanak anaosou a daadaŋ, ŋulu epatana aryamun aosou ka ayenut itatamio ka ŋulu epedorito akitiya kai a erwosit, emaikina kitatamae ikes akigir ka akisyom ŋakiro ŋuna igiritae a ŋajep a Ŋibabiloniyae.

Mika 7:11

Ŋituŋa a Yerusalem, ebunit apaki ŋina idukokiniata iyes nabo ŋarwatatain ŋuna ke etaun kus, apaki ŋin, isiyotokinete iyes ŋikorin kus neni alwanan.

Sakar 1:16

Aŋun ŋakiro ŋuna irworo Ekapolon ikes nu, ‘Aboŋuni ayoŋ Yerusalem esyoni iŋes, ido edukokinio nabo Akai kaŋ nen. Ebutari etaun Yerusalem daadaŋ.’

Sakar 1:17

Kisera jik atemar ŋakiro ŋuna irworo Ekapolon ŋolo Etiron ikes nu, ‘Ilelebun nabo ebari lotaunio kaŋ; isirworiuni nabo Ekapolon Sion, ido eseuni nabo Ekapolon Yerusalem ikwapei etaun keŋ.’”

Sakar 12:6

“Apaki ŋin, esikwaanikini ayoŋ ŋatekerin a Yudaya ka akim ŋina enomi amoni, kori ŋina enomi ŋatukon a ŋikinyom. Emunyarete ŋituŋa a Yudaya ŋituŋa a ŋakwapin a ŋuna idunyatar ikes. Idoŋete ŋituŋa a Yerusalem lotaun emam ŋace.

Sakar 14:12

Edeke lo iŋes eyauni Ekapolon neni a ŋakwapin a daadaŋ a ŋuna itijikinete Yerusalem: Ebosete ŋawat kec eriŋa ikes eyarete, ebosikinete ŋakonyen kec nakyes kec, ebosikinete ŋaŋajepa kec nakituka kec.

1 Tim. 4:12

Nyikijamuwa iyoŋ ituŋanan idio aŋuna iraakar iyoŋ esorokit, nai torae akitaanyikinet ŋina a ŋikanupak alorwor kon, alopitesyo kon, anamina kon, ananupit kon ka anasegis ke etau kon.