Sakar 2:13 - Ebaibul

¹³ Kililiŋa iyes ŋituŋa daadaŋ alokiŋaren Ekapolon; anerae abu iŋes anakibois keŋ a ŋina asegan a ŋina sek iboiyo.

Sakar 2:13 Iomraidhean Croise

2 Ŋakiro a ŋirwa 30:27

Ekaku nai, apotu ŋisacaradotin ka ŋilepi tonyout, kiterereŋo ŋituŋa, kiira Akuj ŋitoilon kec; todol akilip kec neni ka Akuj nakibois keŋ ŋina iboiyo iŋes.

Ŋikiru. 11:4

Eyai Ekapolon kai keŋ ŋina asegan, ipukat Ekapolon anakuj. Ite iŋes ŋituŋa aneni daadaŋ eya, eyeni ŋakiro ŋuna itiyaete ikes.

Ŋikiru. 46:10

Ebala Akuj, “Tojoŋoto ejie, toyenutu atemar arae ayoŋ Akuj; eketopolooritae ayoŋ anakwapin eketopolooritae ayoŋ anakwap.”

Ŋikiru. 68:5

Akuj ŋina iboi anakibois keŋ a ŋina asegan, iŋes erae papa a ŋikokyok, ekeuryaran a ŋapuseru.

Ŋikiru. 78:65

Tonyou nai Ekapolon esibit ŋinibore kejotoo, tonyou lopite ŋolo enyounio ekajion ŋolo itaŋasete ŋagwe.

Isa. 14:2

Eyaete ŋituŋa a ŋakwapin ikes nakwapin kec, ido kinyakut nabo ikes nakibois kec, epolokinete nabo ŋituŋa a Isirael ŋituŋa a ŋakwapin, ikwaanikin ŋituŋa ŋulugelaanotin ka ŋapi ta ŋipi anakwap a Ekapolon, eyaete ikes erae ŋirikon ŋulu apotu kikamasi ikes ka ipukaete ŋulu apotu kisicana ikes.

Isa. 19:16

Ebunit akoloŋit ŋina ikwaanikinotor ŋituŋa a Ijipit ka ŋaberu ŋuna ekuryaka. Emaranikinete ikes aŋuna a ekabule iŋolikinete atemar ebunit Ekapolon ŋolo a ŋajoresyo akisican ikes a apedor keŋ.

Isa. 41:1

Ebala Akuj ebe; “Okoe ŋituŋa ŋulu iboiyete alodiyete anam, kililiŋa, topupokinae ayoŋ. Emaikina ŋituŋa toryamut agogoŋu kec nabo; emaikina ikes potu kiŋaren kaŋ, ido kirworo; emaikina iwon oyakaun kaapei neni etubere ŋakiro.

Isa. 51:9

Okoe apedor a Ekapolon, tonyou, tonyou kitoodiu agogoŋu kon. Tonyou ikwaŋina ibunio tonyounio koloŋ sek, ikwaŋina ibunio tonyounio ananyameta a ŋuna a koloŋ. Meere mono iyoŋ inyilinyiliyari Raab toruwor ŋanyile ka meere iyoŋ ibu kicum etyaŋ ŋolo adedeŋan a?

Isa. 57:15

Alimu Ekapolon ŋolo iboi alokidiama nooi, ŋolo iboi ŋikaru ka ŋikaru ŋolo erae ekiro keŋ ŋolo asegan ebe, “Eboi ayoŋ alokidiama ka anakibois a ŋina asegan, kaapei ka ŋituŋa ŋulu itiditeuna ka iapara alotai kec, ikotere ainakini ikes nabo ŋitai ŋulu itiditeuna ka oinak ikes nabo ŋitai ŋulu iapara.

Isa. 57:5

Ilipete iyes neni a ŋakujo aneni eya ŋikuyono, ilipete neni a ŋakujo alokwap ŋikito daadaŋ ŋulu alibak, iŋoleneneete iyes ŋidwe kus anakadipaalae ka alokwap ŋatabab ŋunasulut.

Isa. 63:15

Ekapolon kiŋoliu alokidiama, ido ikiŋolik, kiŋoliu anakibois kon a ŋina asegan ka a ŋina ka apolou. Ai eyai alelakinit kon isua ka apedor kon ŋina etiron? Ai eyai arimao ŋina a etau kon ka akisyon kon? Ilema iyoŋ ŋun aneni kaŋ.

Yer. 25:30

“Aŋun, idwari iyoŋ neni kec ŋakiro nu daadaŋ, ido tolimok ikes ebe, ‘Egirokini Ekapolon alokidiama ka irworikini anakibois keŋ a ŋina asegan, egirokini iŋes nooi imanit ŋituŋa keŋ, eceluni lopite ŋolo ecelatar ŋituŋa ŋulu ecuyete epiini, eceluni imanit ŋituŋa ŋulu iboiyete anakwap.

Abak. 2:20

Eyai Ekapolon Kai keŋ ŋina asegan; emaikina ŋituŋa daadaŋ anakwap kililiŋa alokiŋaren keŋ.

Sepan. 1:7

Kililiŋa alokiŋaren Ekapolon Akuj, anerae aapuu akoloŋit ŋina ke Ekapolon; etemok Ekapolon amuronot; adau iŋes akitaleun ŋulu enyarit iŋes.

Sepan. 2:9

Aŋun, ayoŋ Ekapolon ŋolo Etiron, Akuj ŋina a Ŋisirael alimu atemar, ‘Ikwapei ayarya ayoŋ, inyasunio Moab ikwa Sodoma, ikwaanikin Ŋiamoni ka ŋituŋa a Gomora, Sodoma ka Gomora ŋakiboisyo ŋuna aliba ŋinya aneni sek adukitoe ikes, ŋakiboisyo ŋuna aruwor ŋapanya ŋuna ebokere acumbi, ŋakiboisyo ŋuna aruwor ŋacaryo ŋikaru ka ŋikaru. Ikurukurorete ŋituŋa kaŋ ŋulupiya ŋakiboisyo ŋun; eruwor ŋakwapin ŋun ŋuna a ŋituŋa a ŋulu apotu tobucun alomoe kec.’

Sepan. 3:8

Ebala Ekapolon ebe, “Aŋun kidarunae ayoŋ akoloŋit ŋina awuoya okolimonok ŋakiro kus ŋuna ayeni. Adau ayoŋ atubun acunakin ŋakwapin, acunakini ŋapukasinei, ido etaanyuwa ikes anyunyura kaŋ, aŋoit daadaŋ ŋina ka aryenyeo kaŋ. Amunyari ayoŋ ŋituŋa ka akwap a daadaŋ alotooma aŋoit ŋina ka alilit kaŋ.”

Sakar 4:9

“Adau Serubabel adukokin akisyakinet ŋina ka Akai ka Akuj, irikakini iŋes akiduk Akai. Ani itiyakin ŋun, eyenunete nai ŋituŋa kaŋ atemar ayoŋ abu ekeyakiya iyoŋ neni kec.

Sakar 6:15

Emaikina ŋituŋa ŋulu eya neni alwanan potu ikiŋarakis iyes akiduk Akai ke Ekapolon, neni iŋes iyenuniata iyes atemar Ekapolon ŋolo Etiron iŋes akeyakiunit ayoŋ neni kus. Itiyakin ŋakiro ŋun erae kiwuapa iyes imukekinito ŋakiro a Ekapolon Akuj kus.

Ŋirom. 3:19

Ikiyeni nai iwon atemar ŋuna elimunito Ŋikisila, elimunito aŋuna a ŋulu ipukato Ŋikisila, ikotere isililiŋere ŋipegeta daadaŋ ka yaunae ŋituŋa daadaŋ, totubok Akuj ikes.

Ŋirom. 9:20

Nai ŋae mono iyoŋ ituŋanan itepegi Akuj? Nyepedori amot akiŋit ekayan keŋ ebe, “Kaanukiro ikiyeunia iyoŋ ayoŋ ikwana?”

Ŋikis. 18:21

Acepaki itemarete iyes neni kus make, “Ikiyenuni isua ikwaani akirot ŋina nyelimunit Ekapolon?”

Ŋikis. 18:22

Ani kirwor ekadwaran alokiro ke Ekapolon nai nyitiyakin, kori nyiyookin ŋuna alimunit iŋes, iŋes atemar nyelimunit Ekapolon akirot ŋin; irworo ekadwaran ŋol ŋakiro ŋuna pa alimokinit ayoŋ iŋes, nyikibul aŋuna a ŋakiro keŋ.

Ŋikis. 26:15

Kiŋoliu anakibois kon a ŋina asegan, kiŋoliu anakuj, kiterereŋ ŋituŋa kon Ŋisirael ka ŋalup a akwap a ŋina ikiinak iyoŋ isua, lopite ŋolo ibunio iyoŋ kikoŋio neni atapapaa kosi, kiterereŋ akwap kosi ŋina eleleata ŋakile ka ao.”