Sakar 2:11 - Ebaibul

¹¹ Epote ŋakwapin ŋuna alalak akoloŋit ŋin neni ke Ekapolon, eruwor ikes ŋituŋa keŋ, iboikin Ekapolon kaapei ka ikes. Iyenunete nai iyes atemar Ekapolon ŋolo Etiron iŋes ekeyakuunit ayoŋ neni kus.

Sakar 2:11 Iomraidhean Croise

Ŋikiru. 72:17

Elipi nyimuryakin ekiro ke erwosit ŋikaru ka ŋikaru, elipi torubakis erwosit ka ŋiletok keŋ ipukatoŋikaru ka ŋikaru. Eryamunete ŋakwapin daadaŋ arereŋu aŋuna keŋ, ido enyaraete ikes iŋes ŋolo erereŋ.

Awos. 12:49

Erae ŋun ŋuna emaikina kiwuapa ŋituŋa daadaŋ, kerae ŋini anakwap kus, kori kerae igelaanot ŋini iboiyete ka iyes.”

Isa. 45:14

Alimu Ekapolon ebe, “Eyaunio neni kon ebari a Ijipit ka ŋiboro ŋulu egyelanaryo alo Esiopia ta ŋiboro a Ŋisabean a ŋituŋa a ŋulu aoyak, eyaunio neni kon ka eruworosi ŋiboro ŋul daadaŋ ŋulu kon, epote ŋituŋa ŋul akiwuap iyoŋ irae ekapolon kec; epote ikes neni kon eenitae a ŋiriko, toryediko alokiŋaren kon. Ikilipete ikes iyoŋ ebasi, ‘Iyoŋ bon irukito ka Akuj, emam ice erukito ka Akuj, emam akuj ace mati ŋina irukitotor iyoŋ.’

Isa. 48:16

Potu diyete kaŋ, kiirasi ŋakiro nu! Ŋinapei anakisyakinet nyirworo ayoŋ anakimunono, ayai ayoŋ ŋinapei anakisyakinet. Ekeyaku tokona ayoŋ Ekapolon kaapei ka etau keŋ.”

Isa. 52:10

Etoodik Ekapolon apedor keŋ, neni a ŋituŋa a ŋakwapin a daadaŋ; iŋolikinete ŋituŋa a ŋakwapin a daadaŋ aiuno ŋina ka Akuj yok.

Isa. 52:11

Torotokisi, torotokisi toloto a nen! Nyitapa ibore idio ŋini itoroniyaritae, toloto aneni eya ŋiboro ŋulu itoroniyaritae, kitaleutu ŋawat kus iyes ŋulu iyakatar ŋiboro ŋulu ke Ekapolon.

Isa. 66:19

Ewuakini ayoŋ neni kec akitoodikinet, ido eyakiyari ayoŋ ŋipiya kec nakwapin, eyakiyari ikes Tarisis, Put ka Lud nakwapin a ŋituŋa a ŋulu eyenete akisitiya ŋikaleŋeleŋe; eyakiyari ikes Tubal ka Yapan nakwapin ŋuna alwanak ŋuna idunyito anam, neni a ŋituŋa a ŋulu nyiirarito ŋuna ka arwonu kaŋ, kori nyiŋolikina apolou kaŋ, elimorete ŋikiyakia ŋul apolou kaŋ nakwapin.

Yer. 16:19

Okoe Ekapolon, agogoŋu kaŋ ka aduketait kaŋ ŋina ajio alotooma, neni aŋopya ayoŋ akoloŋit ŋina a ŋican. Epote neni kon ŋituŋa a ŋakwapin anakisaleta a akwap. Elimunete ebe, “Mam ibore aryamut atapapaa kosi, nai amodiyo bon, aryamut ikes ŋiboro ŋulucaryo ŋulu emam akiŋarakinet iryamunia.

Yer. 50:8

“Toema alo Babilon, toloto anakwap a Ŋibabiloniyae, kitiyata ikwa ŋikorwa ŋulu erikito ŋakinei,

Esek. 33:33

Ani apaki ŋina iyookinotor ŋakiro daadaŋ ŋuna irworo iyoŋ, ido kire jik iyookinosi ŋun, eyenunete nai ŋituŋa kon atemar ayai neni kec ekadwaran.”

Mika 4:2

Epote ŋituŋa anakwapin nen, ido temasi, “Potu, emaikina iwon etipeiyosi lokamukumukut ŋolo ke Ekapolon, Kai ŋina ka Akuj a Yakob, ikotere Ekapolon ikitatam iwon ŋuna ebala kiwuapa, ido opedosi iwon akiwuap ŋuna ebala iŋes; anerae Sion iŋes elomuniata ŋikisila, ido, Yerusalem iŋes elomunia akirot ke Ekapolon.”

Sakar 1:16

Aŋun ŋakiro ŋuna irworo Ekapolon ikes nu, ‘Aboŋuni ayoŋ Yerusalem esyoni iŋes, ido edukokinio nabo Akai kaŋ nen. Ebutari etaun Yerusalem daadaŋ.’

Sakar 2:5

Ayoŋ elope aruwor arwatata ŋina ikwaan ka akim, arwatata ŋina irimokinit Yerusalem kidiŋ, ido ayoŋ elope apolokini.’ ”

Sakar 3:10

Akoloŋit ŋin, ebuni ŋinituŋanan alokidiŋ kus anyarare ikidunyet keŋ akiboikin ka iŋes lotolim ke epiini keŋ ka ŋolo ke ebobore keŋ.’”

Sakar 8:3

Aboŋuni ayoŋ Yerusalem lotaun kaŋ ŋolo asegan eboikin nen. Eyenunio iŋes erae etaun ŋolo eyai akikinyoma ka enyarao emukura ŋolo ke Ekapolon a ŋolo Etiron, emukura ŋolo asegan.

Sakar 8:8

Enyakuni ayoŋ ikes kiboikinos Yerusalem; toruwor ŋituŋa kaŋ, ido aruwor ayoŋ ŋolo ekinyoma ka eyookino aneni kec ikwapei Akuj kec.

Mal. 1:11

Itopoloorete ŋituŋa a ŋakwapin ekiro kaŋ taparacu ka eboŋ. Alotooma ŋinakibois daadaŋ, eyaunete ŋituŋa ekinyate ka ŋainakineta ŋuna ajokak neni kaŋ, anerae epol ekiro kaŋ anakwapin.

Luk. 2:32

Akica ŋina ecaikini lobukui ŋulu nyerae Ŋiyudayan, ka ŋina erae akipuro ŋina a ŋituŋa kon Isirael.”

Yoa. 17:21

Elipit ayoŋ atemar toruworos ikes daadaŋ ŋipei. “Papa! [Ikwaŋinapei iyakar iyoŋ tooma kaŋ, ka ayoŋ daŋ tooma kon,] pena ikes tooma yok, ikotere enupi akwap atemar, ikiyakuunit iyoŋ ayoŋ.

Yoa. 17:23

Ayai ayoŋ tooma kec, iyai iyoŋ tooma kaŋ, ikotere toruworos ikes ŋipei jik, ikotere nai toyenu akwap atemar ikiyakuunit iyoŋ ayoŋ ka atemar imina iyoŋ ikes, ikwaŋinapei ikiminar iyoŋ ayoŋ.

Yoa. 17:25

Okoe Papa ŋolo ka akiyookino! Nyikiyeni iyoŋ akwap kire, nai akayeni ayoŋ iyoŋ; eyenete lu atemar ikiyakuunit iyoŋ ayoŋ.

Ŋitic. 28:28

Toŋetaki Paulo tema, “Toyenete nai atemar, eyakiya tokona Akuj ŋakiro ŋuna ka aiuno a ŋituŋa neni a ŋulu nyerae Ŋiyudayan. Nai iirarete ikes!” [

Akis. 11:15

Abu nai emalaika ŋolo a ŋikanikaarei tokutak arupepe keŋ. Toyakaunos ŋitoilon ŋulu acelasi anakuj ebasi, “Tokona, erae apedor ŋinakipukaet akwap ŋina ke Ekapolon yok ka ŋina a Kristo keŋ, ipukae iŋes ŋikaru ka ŋikaru!”