Sakar 14:20 - Ebaibul

²⁰ Akoloŋit ŋin, igirakinio ŋakiro nu lokaadoŋoi ŋulu a ŋaŋolei, “Itesegitae aŋuna ke Ekapolon.” Esegeta ŋamoti ŋunakipoet ŋuna eya Kai ke Ekapolon, ikwaanikin ka ŋabakulei ŋuna eya kiŋaren a Namuroet.

Sakar 14:20 Iomraidhean Croise

1 Ŋirw. 7:50

kitiyau a egolid ŋiboro lu: ŋikopoi, ŋasuwa ŋuna kituduŋeet ŋitaae, ŋabapwa, ŋabakulei ŋuna ke ekinyate ka ŋikalaae ŋulu edakere ŋatotol ŋuna enokete. Kitiyau a egolid ŋipetae a ŋipukei a ŋulu a akibois a ŋina Asegan ka ŋulu a ŋipukei a akibois a ŋina Asegan nooi ta ŋulu a ŋipukei a Namuroet alo Kai ka Akuj.

2 Ŋakiro a ŋirwa 4:8

Abu daŋ iŋes kitiyau ŋimesae ŋitomon, kiwuak Kai ka Akuj, ŋikan lowae ŋolo alo Kwap Akai ka Akuj ka ŋikan lowae ŋolo alo Kuju. Kitiyau nabo ŋabesenio amiat ŋuna ewuasere alo Kai ka Akuj.

Ŋikiru. 110:3

Einakinosi ŋituŋa kon anacamit akoloŋit ŋina irikio iyoŋ ŋikajiok kon lojie alokidiama ŋimukura ŋulu asegak. Alopite a ŋolo eponiata ŋakopi taparacu, epote ŋisorok kon neni kon.

Awos. 25:29

Kitiyau ke egolid ŋasaani ka ŋakijikoi ŋuna isitiyao alomesa a ŋol akicunyia ekinyate. Kitiyau ke egolid ŋabakulei ka ŋikalaae ikwapei ŋiboro ŋulu einanakinere epiini neni ka Akuj.

Awos. 37:16

Kitiyau Besalel ke egolid bon ŋiboro ŋulu ewuanakinio kidiama emesa, ikwapei ŋasaani ka ŋakijikoi ŋuna isitiyao alomesa a ŋol akicunyia ekinyate, ŋabakulei ka ŋikalaae ikwapei ŋiboro ŋulu einanakinere epiini neni ka Akuj.

Awos. 39:30

Kitiyau iŋes ke egolid bon akaparaparat ŋina ka akou, ido kiciek nen ŋakiro nu: “Itesegunitae aŋuna ke Ekapolon.” Arae ŋun ŋuna ecikit Ekapolon Moses kitiya.

Isa. 23:18

Italeikinio neni ke Ekapolon ŋiboro keŋ ŋulu egyelanari iŋes ka ŋisiliŋa ŋulu eryamununui iŋes anagyelanar, nyiŋadaaryo ŋiboro ŋulu eryamuni iŋes anagyelanar, kori nyituruworete ikes ŋulu kec, nai eryamunete ŋulu itopoloorito Ekapolon akimuj kec ŋina alalan ka ŋilowi kec aloboro a ŋulu a Tiro.

Isa. 52:1

Okoe ŋituŋa a Sion, tonyoutu, tonyoutu kitoodiutu agogoŋu kus! Okoe ŋituŋa a Yerusalem, a etaun a ŋolo asegan, tonapa ŋilowi kus ŋulu ebusak, anerae nyeriŋa ŋituŋa ŋulu nyesegak, ŋulu nyileŋeritae elomunete lotaun kus nabo.

Yer. 31:40

Akadipaalat daadaŋ ŋina enukio ŋikatwak ka neni etukonokinio ekuron, ŋimanikorin daadaŋ todol tari nayonae Kidiron kiropo lokoona a epuke a ŋaŋolei ŋolo eyai Kide, eruwor nen daadaŋ akibois ŋina italeoritae aŋuna a Ekapolon. Nyemunaaryo nabo etaun, kori nyikamaryo.”

Esek. 45:1

“Ani ikorakini iyoŋ Ŋisirael akwap ŋina eruwor ŋina a ŋolokabila, emaikina iyoŋ totyaka nawae aŋuna a Ekapolon akwap ŋina erae aoyau keŋ ŋakilomitae ŋatomon ka ŋaarei ta atutubet, torae auruwuanut ŋakilomitae ŋatomon. Emaikina akwap ŋin daadaŋ erae ŋina eseg.

Ŋilep. 6:28

Emaikina tobwaŋabwaŋaarae amot ŋina esitiyao akipoo ainakinet ŋin, nai ani kerae eborosit ŋolo itiyaunitae ke eburonis epotere, emaikina kirigaarae, ido kilotarae a ŋakipi.

Ŋilep. 8:9

Kitanapik nai Moses akopiya nakou ka Aron, ido todapak ebokot ŋolo ke egolid kiŋaren nakopiya, arae ebokot ŋol ŋolo asegan ŋolo ke etal. Abu Moses kitiya ŋun, lopite ŋolo ecikitor Ekapolon iŋes.

Obad. 1:17

“Nai eyakaun ŋulu esiyete anatyokisyo a ŋun lomukura ŋolo a Sion, ido eruwor nen neni eseg; eryamunete ŋituŋa a ekal a Yakob ŋiboro a ŋulu apotu sek ŋimoe kec todemasi ikes.

Sepan. 2:11

Eryenyaanikini Ekapolon ikes nooi; kire jik, emunyari iŋes ŋakujo daadaŋ ŋuna eya nakwapin. Ilipete neni ke Ekapolon ŋituŋa daadaŋ ŋulu iboiyete alodiyete ŋanamyo ka ŋulu iboiyete aloculeta a ŋanamyo.

Sakar 14:19

Eruwor ŋin akisicanet a Ijipit ka ŋakwapin daadaŋ ŋuna ewounete akitipeiyor akinumunum ŋasuban ŋuna a ŋisakaitei.

Sakar 8:3

Aboŋuni ayoŋ Yerusalem lotaun kaŋ ŋolo asegan eboikin nen. Eyenunio iŋes erae etaun ŋolo eyai akikinyoma ka enyarao emukura ŋolo ke Ekapolon a ŋolo Etiron, emukura ŋolo asegan.

Sakar 9:15

Iuryari Ekapolon ŋolo Etiron ŋituŋa keŋ, ido emunyarete ŋituŋa a Ekapolon ŋimoe kec. Ecelunete ikes alo jie esibit ŋituŋa ŋulu emerasi, ido earete ŋituŋa a Ekapolon ŋimoe kec; toleleiyasi ŋaokot a ŋimoe kec ikwa ŋaokot a ŋamuronisya ŋuna ebukokinio Namuroet anabakule.

Mal. 1:11

Itopoloorete ŋituŋa a ŋakwapin ekiro kaŋ taparacu ka eboŋ. Alotooma ŋinakibois daadaŋ, eyaunete ŋituŋa ekinyate ka ŋainakineta ŋuna ajokak neni kaŋ, anerae epol ekiro kaŋ anakwapin.

Ekim. 4:14

ka kiwuakis kidiama namuroet ŋiboro daadaŋ ŋulu sek isitiyao a namuroet lu: Ŋasipiryae ŋuna edakere akim, ŋiboro ŋulukuret akim, ŋikitiyoi, ŋabesenio ŋunawuaset ka ŋiboro daadaŋ ŋulu isitiyao a namuroet, ido kimukokis ejamu ŋolo edaitae ka kiwuakis ŋipirin neni emaikina eya.

Ekim. 4:7

Emaikina ikes topetakis elou ŋolopus kidiama emesa ŋolo ka amugati a ŋina ka ayakau a Ekapolon, kidokokis nen ŋasaani, ŋakalaae ŋuna ke ekinyate, ŋabakulei ka ŋicupae ŋulu a ŋainakineta a ŋuna emasyo, emaikina daŋ ikes kiwuakis nen amugati ŋina sek eyai nen a ŋinapaki,

Ekim. 7:13

Ŋainakineta keŋ ikes nu: Asaani apei ŋina etiyaunitae ke esilipa ŋina arae apotis keŋ apei kilo ka atutubet, abesen ŋina etiyaunitae a esilipa ŋina aapiyarit apotis keŋ akilo apei. Epimitae ŋiboro ŋul alotyae a ŋicekelya a ŋulu ecamunito ŋituŋa daadaŋ isitiyao anakibois a ŋina asegan. Elelebikinitae nasaani ka nabesen ŋakirya ŋuna ajokak ŋuna eguritoe ka akimyet, arae ŋin ainakinet ŋina a ŋikinyom,

Ekim. 7:19

Ŋainakineta keŋ ikes nu: Asaani ŋina etiyaunitae a esilipa ŋina arae apotis keŋ apei kilo ka atutubet, abesen ŋina etiyaunitae a esilipa ŋina aapiyarit apotis keŋ akilo apei, epimitae ŋiboro ŋul alotyae a ŋicekelya a ŋulu acamunito ŋituŋa daadaŋ isitiyao anakibois a ŋina asegan, elelebikinitae nasaani ŋakirya ŋuna ajokak ŋuna eguritoe ka akimyet, arae ŋin ainakinet ŋina a ŋikinyom,

Luk. 11:41

Nai inakisi ŋiboro ŋulu eya tooma kus lokulyak, ikotere tosegyar ibore daadaŋ aneni kus.

Ŋitic. 10:15

Kirworik nabo etoil neni keŋ tema, “Ibore ŋini etesegu Akuj, nyitemokino iyoŋ ibala nyeseg.”

Ŋitic. 10:28

Tolimok ikes tema, “Iyenete iyes ŋilopeyek epite ŋolo italeere ituŋanan ŋini Yudayat akipeyokin kori arukit ka ituŋanan ŋini gela. Nai eketoodik Akuj ayoŋ atemar nyitemokino abala idiotuŋanan erono kori nyeseg.

Ŋitic. 11:9

Nai kirworik nabo etoil anakuj tema, ‘Ibore ŋini etesegu Akuj, nyitemokino iyoŋ ibala nyeseg.’

Ŋitic. 15:9

Abu nyiwuak atyaketait kidiŋ yok ka ikes, nai abu kitesegu ŋitai kec anakisyon ŋasecisya, anerae apotu tonupa.

Ŋikol. 3:17

Ŋinibore daadaŋ itiyaete kori irworosi iyes, itemokino kitiyata alokiro ke Ekapolon Yesu, tolakara neni ka Akuj Papa alotooma Yesu.

1 Pet. 2:5

Kimyekisi Akuj ikidukyo iyes ikwa ŋamoru ŋuna eyarete Akai keŋ ŋina ke etau, neni itiyaata iyes iraakasi ŋisacaradotin keŋ, ŋulu iinanakinete ŋamuronisya ŋuna eyaunit Etau, ŋuna ecamit Akuj alotooma Yesu Kristo.

1 Pet. 2:9

Nai irae iyes ebuku ŋoloseuna, ŋisacaradotin ŋulurwosi, ŋituŋa ŋulu etyakaritae neni ka Akuj, ŋituŋa keŋ ka alope. Ikiseu iŋes iyes akisera ŋiticisyo ŋulu apolok nooi, ŋulu a ŋolo ikinyarau iyes anakiryonut tooma nakica keŋ, ŋina ka aumokin.

1 Pet. 4:11

Ituŋanan ŋini itatami, itemokino kitatam ŋakiro ŋuna ka Akuj; ituŋanan ŋini itiyae etic, itemokino iŋes kitiya ka agogoŋu a ŋina einanakini Akuj iŋes, ikotere ipuroe Akuj aloboro a daadaŋ, alotooma Yesu Kristo, ŋolo eyakar apolou ka apedor ŋina a ŋikaru ka ŋikaru. Amen.

Akis. 1:6

Ikituruwo iŋes iwon apukan ŋina a ŋisacaradotin a ŋulu itiyaete neni ka Akuj a Papa keŋ. Toyai apolou ka apedor neni a Yesu Kristo ŋikaru ka ŋikaru! Amen.

Akis. 20:6

Elakara ka erereŋ nooi ŋulu imarakinitae nayarun alokatwak ŋina esyaunan! Nyetapi atwanare ŋina a ŋaarei ikes, eruworosi ikes ŋisacaradotin ŋulu ka Akuj ka ŋulu a Kristo, kipukata ka iŋes ŋikaru aliput apei.

Akis. 5:10

Ituruwo iyoŋ ikes apukan a ŋisacaradotin ŋulu ka Akuj yok, ipukaete ikes akwap.”

1 Sam. 2:14

Erepanakini iŋes auma ŋin nasipirya ŋina epoere akiriŋ, kori lobinika, kori nakalaat, kori namot. Akiriŋ daadaŋ ŋina iriuni auma a nen, aayenene esacaradoti toruwor ŋina keŋ. Etiyaete ikes ŋakiro ŋun alo Silo neni a Ŋisirael a daadaŋ a ŋulu aponeneete nen.