Sakar 14:16 - Ebaibul

¹⁶ Epote nai ŋituŋa anakwapin a daadaŋ a ŋuna itijiete Yerusalem akitipeiyor a ŋolokaru Yerusalem akilip neni a Erwosit, Ekapolon ŋolo Etiron, ido kinumunuma ŋasuban ŋuna a ŋisakaitei.

Sakar 14:16 Iomraidhean Croise

2 Ŋakiro a ŋirwa 8:13

Etiyae iŋes ŋun ikwapei etic ŋolo amaikina iŋes kitiya a ŋinakoloŋit, lopite ŋolo ecikitor Moses ainanakin edoli akoloŋit ŋina a Sabato, ŋina elomunia elap ka ŋapakio ŋuna a ŋasuban a ŋunauni a ŋuna a ŋolokaru. Ŋasuban ŋun ikes nu: Ŋasuban ŋuna a ŋamugati a ŋuna emam ŋakinyalet, ŋasuban ŋuna a ŋikinyom a ŋulukitet ka ŋasuban ŋuna edukere ŋisakaitei.

Esir 3:4

Ericakinito ikes akitiya ŋasuban ŋuna a ŋisakaitei lopite ŋolo alimunitere, inanakis ŋainakineta ŋuna epeyo a ŋinakoloŋit alotooma ekimar ŋolo atubunitoe, lopite ŋolo amaikina kitiyare a ŋinakoloŋit.

Ŋikiru. 66:4

Ilipete neni kon ŋituŋa daadaŋ anakwap; eeosi ikipurosi iyoŋ. eeosi ipurosi ekiro kon.”

Isa. 18:7

“Apaki ŋin eyaunio ŋainakineta neni ke Ekapolon a ŋolo a ŋajoresyo, eyaunio aneni a ŋituŋa a ŋulu aoyak tosulut ŋawat aneni a ŋituŋa a ŋulu ekeritae alodiye kec ka aneni alwanan, aneni a ŋituŋa a akwap a ŋina agogoŋ ka a ŋina iloununui ŋimoe keŋ, nakwap ŋina etyakito ŋaŋololin. Epote ŋituŋa ŋul lomukura Sion neni enyaritere ekiro a Ekapolon a ŋolo a ŋajoresyo.”

Isa. 19:21

Iteyenikin Ekapolon neni a Ŋijipitian ka eyenunete Ŋijipitian Ekapolon akoloŋit ŋin, ido ilipete ikes neni keŋ inakis ŋamuronisya ka ŋainakineta ŋuna epeyo, ikoŋete daŋ neni ke Ekapolon ido kiwuapa ŋuna adaut ikes akikoŋ.

Isa. 27:13

Akoloŋit ŋin, ekutakinio arupepe ŋina apolon nooi, ido epote ŋulu apotu tooliyosi nakwap ŋina ka Asiriya ka ŋulu aponi tomyaarae nakwap a Ijipit, epote ikes kilipa neni a Ekapolon alokidiama emukura ŋolo aseg alo Yerusalem.

Isa. 6:5

Otema nai ayoŋ, “Oitakoi! Acakar bare ca, anerae arae ayoŋ ituŋanan ŋini nyerworo ŋakiro ŋuna ajokak ka ikiboi ayoŋ ka ŋituŋa ŋulu nyirworosi ŋakiro ŋuna ajokak, nai adau ayoŋ akiŋolikin erwosit, Ekapolon ŋolo a ŋajoresyo!”

Isa. 66:23

Ameun alolap ke epei tari lolap ŋoloce ka ameun anakoloŋit a Sabato ka apei tari ŋinace, epote ŋituŋa daadaŋ akilip neni kaŋ.

Yer. 46:18

Ayoŋ Ekapolon, erwosit ŋolo a ŋajoresyo alimu ebe, ‘Ikwapei ayarya ayoŋ, ebunit ipei ŋini ikwaan ka emoru Tabor alokidiŋ ŋimoru ka ŋini ikwaan ka emoru Karimel alodiyete anam.’

Yer. 48:15

Adolu ekenyasunan Moab ka ŋitaunio keŋ ka aari ŋisorok keŋ ŋulu sek eminae nooi, Erwosit ŋolo erae ekiro keŋ Ekapolon ŋolo a ŋajoresyo iŋes alimu ŋun.

Yer. 51:57

Etemerakini ayoŋ ŋikapolok a Babilon ka ŋikasikou keŋ, kaapei ka ŋikepukak keŋ ka ŋulu iwuapito ŋul anapukan ta ŋikajiok keŋ; ejotoorosi ikes ŋajo ŋuna nyekyenyuniata nabo jik ŋikaru ka ŋikaru.” Erwosit, ŋolo erae ekiro keŋ Ekapolon ŋolo a ŋajoresyo, iŋes alimu ŋakiro ŋun.

Osea 12:9

Arae ayoŋ Ekapolon Akuj kus ŋina abu okoyau iyes anakwap a Ijipit; ekemyekini ayoŋ iyes kiboiyoto nabo aloeemae, lopite ŋolo itiyaeneneeta iyes apaki ŋina a ŋasuban a ŋuna emaikina kitiyaneneete.

Yoel 2:32

Nai ituŋanan daadaŋ ŋini enyarit ekiro ŋolo ke Ekapolon, eiunio; anerae eyakaun lomukura Sion ka Yerusalem ŋulu esiyete anakiro a ŋun, ikwapei alimunio Ekapolon, ido ŋice alokidiŋ ŋulu ideun, eruworosi ŋulu erae Ekapolon enyarae.”

Mika 4:2

Epote ŋituŋa anakwapin nen, ido temasi, “Potu, emaikina iwon etipeiyosi lokamukumukut ŋolo ke Ekapolon, Kai ŋina ka Akuj a Yakob, ikotere Ekapolon ikitatam iwon ŋuna ebala kiwuapa, ido opedosi iwon akiwuap ŋuna ebala iŋes; anerae Sion iŋes elomuniata ŋikisila, ido, Yerusalem iŋes elomunia akirot ke Ekapolon.”

Sakar 14:9

Akoloŋit ŋin, Ekapolon iŋes eruwor erwosit ŋolo ka akwap a daadaŋ, eruwor Ekapolon epei bon ka eruwor ekiro keŋ bon eyai.

Sakar 9:7

Nyerubakinete ikes enyamete akiriŋ ŋina eyakasi ŋaokot, kori ŋamuja ŋuna italeo akinyam. Eruwor ŋipiya kec daadaŋ ŋipei a ŋituŋa kaŋ, ikwaanikin ikes ka ekabila a Yuda. Eruwor ŋituŋa a Ekiron ŋipei ka ŋituŋa kaŋ, lopite ŋolo aponiata Ŋiyebusi toruworotor.

Mal. 1:14

Ilamam ituŋanan ŋini emodiyana, ŋini ani kiik ainakin ayoŋ ibarasit ŋini ajokan alosipan keŋ, yau neni kaŋ ibarasit ŋini nyejok; arae ayoŋ Erwosit ŋolo apol akilo ŋuluce, ido itopolooritae ekiro kaŋ anakwapin.”

Luk. 19:38

“Erereŋ erwosit ŋolo ebunit alokiro ke Ekapolon! Toyai ekisil nakuj ka akipuro neni ka Akuj alokidiama nooi!”

Yoa. 1:49

Toboŋok Nasaniel tema, “Eketataman, irae iyoŋ Lokoku ka Akuj ka irae Erwosit ŋolo a Isirael.”

Yoa. 7:2

Aapuunit apaki ŋina a ŋasuban a Ŋiyudayan ŋina adukere ŋitogoi.

Ŋitic. 15:17

Tosodo ŋituŋa ŋuluce--ŋituŋa daadaŋ ŋulu nyerae Ŋiyudayan ŋulu anyarau ayoŋ aruwor ŋulu kaŋ, ekewara ayoŋ.

Ŋirom. 11:16

Ani keinakin Akuj anyilet ŋina ke ekiŋaren anamugati, erae nai amugati daadaŋ ŋina keŋ ka ani keinakin Akuj ŋataagor ŋuna ke ekitoe, erae ŋaten daŋ ŋuna keŋ.

Ŋirom. 11:26

Erae epite ŋol iŋes eiunotor Ŋisirael daadaŋ, ikwaŋina igiritere Nakigireta ebe, “Ebuni Ekaiunan alo Sion, tolema aronis daadaŋ aneni a ŋiletok a Yakobo.”

Ŋirom. 11:5

Ikote tokona daŋ nenipei: eyakasi ŋituŋa ŋidikudyo ŋulu adau Akuj aseun aŋuna ka ajokis keŋ.

Akis. 11:13

Anapaki a ŋinapei a ŋin, toyakaun amaran ŋina ka akwap ŋina aronon; abu atutubet apei alotooma ŋunatomon ŋuna ke etaun a ŋolo apolon toritakin, totwaka ŋituŋa ŋalipyo ŋakanikaarei. Tobul ŋituŋa ŋuluce, kipuro apedor ŋina ka Akuj a ŋina anakuj.

Akis. 19:16

Egiritae lokaaso ka namuro keŋ ekiro lo, “Erwosit a ŋirwosi ka Ekapolon a ŋikapolok.”