Sakar 14:11 - Ebaibul

¹¹ Iboikinosi ŋituŋa Yerusalem, mam nabo nyemunaaryo iŋes jik; erubakini Yerusalem eyakar akinapakina.

Sakar 14:11 Iomraidhean Croise

Isa. 26:1

Akoloŋit ŋin, eeikinio eete lo anakwap a Yudaya: Ikiyakar isua etaun ŋolo agogoŋon, Akuj ikiinanakini isua akiloun, lopite ŋolo ikiinakinia arwatata, kori aduketait ŋinajiet.

Isa. 60:18

Nyiiraryo nabo ŋuna ka aryenyeo anakwap kus, kori ŋinyas ka amunyoro alokukoryo ka akwap kus. Enyarao iyes ŋarwatatain kus ŋuna ikiunete ka enyarao iyes ŋipukei kus ŋulu ka akipuro.

Isa. 66:22

Erubakinio enyaritae ekiro kus ka ŋiletok kus lopite ŋolo erubakiniata nakuj ka akwap ŋunakitet eyakasi.

Yer. 31:40

Akadipaalat daadaŋ ŋina enukio ŋikatwak ka neni etukonokinio ekuron, ŋimanikorin daadaŋ todol tari nayonae Kidiron kiropo lokoona a epuke a ŋaŋolei ŋolo eyai Kide, eruwor nen daadaŋ akibois ŋina italeoritae aŋuna a Ekapolon. Nyemunaaryo nabo etaun, kori nyikamaryo.”

Yer. 32:37

Topupokisi, alosi ayoŋ acunun ikes anakwapin a daadaŋ a ŋuna abu ayoŋ erita ikes anaŋoit ka ananyunyura ta analilit kaŋ a ŋina apolon. Enyakuni ayoŋ ikes nakibois na, ido esiboikini ayoŋ ikes emam ŋace.

Esek. 37:26

Ewuakini ayoŋ acamunet kaŋ ka ikes ŋina a ekisil, eruwor acamunet kaŋ ŋin ka ikes ŋina a ŋikaru ka ŋikaru, eterereŋi ayoŋ ikes ka etipituni, ido ewuakini ayoŋ akibois kaŋ ŋina asegan neni kec ŋikaru ka ŋikaru.

Yoel 3:17

“Aŋun, iyenunete iyes atemar, eboi ayoŋ Ekapolon Akuj kus alomukura kaŋ a ŋolo asegan. Eruwor Yerusalem akibois ŋina asegan, ido nyilounete nabo ŋituŋa ŋulugelae kidiŋ iŋes jik.

Yoel 3:20

Nai iboikinosi ŋituŋa Yudaya ŋikaru ka ŋikaru, ka iboikinosi ŋituŋa a ŋanyameta ka ŋanyameta Yerusalem.

Amos 9:15

Iyes Ŋisirael, ekewuakini ayoŋ iyes nakwap kus, mam ituŋanan ikilemari iyes nabo anakwap a ŋina akewuak ayoŋ iyes.’ Ekapolon Akuj iŋes alimu ŋun.”

Sakar 12:6

“Apaki ŋin, esikwaanikini ayoŋ ŋatekerin a Yudaya ka akim ŋina enomi amoni, kori ŋina enomi ŋatukon a ŋikinyom. Emunyarete ŋituŋa a Yudaya ŋituŋa a ŋakwapin a ŋuna idunyatar ikes. Idoŋete ŋituŋa a Yerusalem lotaun emam ŋace.

Sakar 2:4

Tema neni keŋ, “Tomotun, tolimok esorokit ŋol ŋolo eyakar akipimet ebe, ‘Ebala Ekapolon, eruwor Yerusalem etaun ŋolo emam ŋarwatatain aŋuna alalauniata nooi ŋituŋa keŋ ka ŋibaren keŋ.

Sakar 8:13

Ŋituŋa a Yudaya ka Isirael! Ikwapei paaran iraakatar iyes ŋulu ikilamete ŋigelaanotin, akaiuni tokona ayoŋ iyes toruworos arereŋu. Aŋun, totitinyokiata, Nyikuryaketa!”

Sakar 8:4

Iboikinosi nabo nalapatui ŋuna a Yerusalem ŋikasikou ka ŋakimak ŋulu elosete icogeete a ŋibelae.

Sakar 8:8

Enyakuni ayoŋ ikes kiboikinos Yerusalem; toruwor ŋituŋa kaŋ, ido aruwor ayoŋ ŋolo ekinyoma ka eyookino aneni kec ikwapei Akuj kec.

Ekim. 21:3

Abu Ekapolon kiira ŋakiro a Ŋisirael kipotok Ŋikanaani napedor a Ŋisirael ka apotu Ŋisirael tomunyasi Ŋikanaani, kinyasut daŋ ŋitaunio kec. Aŋun, aponi tonyarae akibois ŋin Orima

Ŋikis. 33:28

Aŋun, iboiyete Ŋisirael eiuna, mam ŋican eryamunito ŋiletok a Yakob anakibois kec a ŋina eya ŋikinyom ka epiini anakwap a ŋina etepi akiru.

Akis. 21:4

Emyetari iŋes ŋakiyo daadaŋ anakonyen kec, nyeyakaun nabo atwanare, nyeyakaun nabo akiyaloloŋ kori akigworo kori aryeba. Aŋopiyasi ŋiboro ŋulu ŋorok.”

Akis. 22:3

Emam ibore ŋini icenen aneni ka Akuj ŋini eyakaun lotaun ŋolo apolon. Eyakaun ekicoloŋ ŋolo ka Akuj ka ŋolo a Imesek lotaun ŋolo apolon, ilipete ŋiketiyak keŋ neni keŋ.