Sakar 14:10 - Ebaibul

¹⁰ Akwap daadaŋ akisyakin alo Geba tari Rimon, alo Kwap Yerusalem, emamukaun neni edipal, kori emukur nai ikeunio Yerusalem kileŋor kidiama, ido erubakini eyai nenipei sek ayai akisyakin alopuke a ŋolo a Benjamin tari neni koloŋ ayai epuke ŋolo ke ekiŋaren, tomyaa lopuke ŋolo ke ekoona, ido akisyakin anaduketait a ŋina aoyan a ŋina ka Ananel tari neni ecuyere epiini ŋolo ke erwosit.

Sakar 14:10 Iomraidhean Croise

1 Ŋirw. 15:22

Tolimok nai Asa ŋituŋa a Yudaya daadaŋ atemar emaikina ŋituŋa daadaŋ emam akimyekin tari idio, toloto kiwokut ŋamoru ka ŋakito alo Rama ŋuna sek adukio Baasa. Abu erwosit Asa kisitiya ŋamoru ka ŋakito ŋun adukio Geba ka Misipa, ŋitaunio ŋulu aya Benjamin.

2 Ŋirw. 14:13

Abu Yeoas ŋolo a Isirael kikama alo Bes-Semes Amasia erwosit a Yudaya ŋolo arae lokoku a Yoas a ŋolo arae lokoku ka Aasia. Tolot nai Yeoas tobwaŋabwaŋa arwatata a Yerusalem ameun alopuke a ŋolo anyaritae Epuraim akitodol lopuke ŋolo anyaritae Ekoona. Arae aoyau a arwatata a ŋin ŋimitae amiat ka ŋatomonikanikauni ameun alopuke a epei tari ŋoloce.

1 Ŋakiro a ŋirwa 4:32

Apotu daŋ ŋituŋa ŋul kiboiyoto anakiboisyo a ŋakan a ŋace: Alo Etam, alo Ain, alo Rimon, alo Tocen ka alo Asan,

1 Ŋakiro a ŋirwa 6:77

Kepotu Ŋimerari (ŋilepi ŋuluce daadaŋ) toryamut ŋitaunio lu alokabila a Sebulon: Yokineam, Karita ka Rimono ta Tabor kaapei ka ŋadakarisinei kec;

2 Ŋakiro a ŋirwa 25:23

Abu Yeoas erwosit a Isirael kikama alo Bes-Semes Amasia erwosit a Yudaya lokoku a Yoas a ŋolo arae lokoku ka Aasia. Yau Yeoas Amasia Yerusalem, tobwaŋabwaŋaa arwatata a Yerusalem akisyakin alopuke a ŋolo anyaritae epuke ŋolo a Epuraim akitodol lopuke ŋolo anyaritae epuke ŋolo ke Ekoona, aapiyarit aoyau ka arwatata a ŋin ŋimitae amiat ka ŋatomonikanikauni, ameun alopuke ke epei tari ŋoloce.

2 Ŋakiro a ŋirwa 26:9

Abu daŋ Usia toduk ŋaduketa ŋuna aoyak Yerusalem lopuke ŋolo enyaritae epuke ŋolo ke Ekoona, lopuke ŋolo enyaritae epuke ŋolo a Akadipaalat ka neni iryamiryamyata ŋarwatatain, toduk nen ŋaduketa ŋunajiet.

Neem. 12:39

kitoroi kidiama epuke ŋolo a Epuraim, kitoroi diyete Epuke ŋolo Ŋorot ka diyete Epuke ŋolo a Ŋikolya ka diyete aduketait ŋina aoyan ŋina ka Ananel ka diyete aduketait ŋina aoyan ŋina Amiat tari lopuke ŋolo a Ŋamesekin, ido abu atukot ŋin towo alopuke a ŋolo a ŋiketeok.

Neem. 3:1

Apotu nai Eliasib ŋolo arae esacaradoti ŋolo apolon nooi togeikis etic kaapei ka ŋisacaradotin ŋuluce, todukokis Epuke ŋolo a Ŋamesekin nabo. Apotu ikes kitaleut Epuke ŋol, kirikakis daŋ akiduk ŋikekya a ŋipukei; apotu ikes kitaleut arwatata ameun a lopuke a Ŋamesekin akitodol naduketait ŋina aoyan ŋina anyaritae ŋina ka Amiat tari naduketait ŋina aoyan ŋina ka Ananel;

Isa. 10:29

Atuborosi iŋes ka ŋasigarya keŋ alorot, aperiyosi Geba. Abul ŋituŋa ŋulu iboiyete alotaun Rama, aema ŋituŋa ŋulu eboiyete alo Gibea a ŋina a Saul.

Isa. 2:2

Alorwa a ŋulu eponito, ituruworyo ekamukumukut ŋolo ka Akai ke Ekapolon ŋolo eoya nooi akilo ŋimoru, itooyaaryo kileŋ ŋikamukumukui. Ilelebikinosi ŋituŋa a ŋakwapin neni keŋ.

Yer. 20:2

Abu Pasur kidic Yeremia, ido toen a ŋiriko alopuke a ŋolo ayai nenimukur, a ŋolo enyaritae epuke a Benjamin alo Kai a Ekapolon.

Yer. 30:18

Alimu Ekapolon ŋakiro nu ebe, “Enyakari ayoŋ ŋituŋa kaŋ nakwap kec, ido esyoni ŋikalya daadaŋ, edukokinio Yerusalem nabo, inyakakinio akai ŋina ka apukan nakibois ŋina pei sek ayai.

Yer. 37:13

Ani edoli iŋes lopuke ŋolo enyaritae Epuke a Benjamin, abu ekile ŋolo ete epuke, ekile ŋolo anyaritae Irija lokoku a Selemia a ŋolo arae lokoku ka Anania kikamu ekadwaran Yeremia ebala, “Icamit iyoŋ akisii neni a Ŋibabiloniyae.”

Yer. 38:7

Kebu Ebed-Melek Esiopiait ŋolo arae ekolup alokai a erwosit kiira atemar keponi kiwuakinae Yeremia tooma akare. Apaki ŋin eboi erwosit alopuke a Benjamin,

Amos 9:11

Tema Amos, “Ebala Ekapolon, ‘Ebunit akoloŋit ŋina enyakakinia ayoŋ apukan neni a ŋiletok a Daudi, apukan ŋina abu tomunaar ikwa akai ŋina eritakin kwap. Etowoi ayoŋ nabo ŋarwatatain keŋ, adukokini ayoŋ akai ŋin nabo kikwaanikin ka ŋina koloŋ ayai alorwa a ŋulu a koloŋ,

Mika 4:1

Alorwa a ŋulu eponito, ituruworyo emukura ŋolo ka Akai ke Ekapolon ŋolo eoya nooi akilo ŋimoru, itooyaaryo kileŋ ŋikamukumukui, ilelebikinosi ŋituŋa a ŋakwapin neni keŋ.

Sakar 12:6

“Apaki ŋin, esikwaanikini ayoŋ ŋatekerin a Yudaya ka akim ŋina enomi amoni, kori ŋina enomi ŋatukon a ŋikinyom. Emunyarete ŋituŋa a Yudaya ŋituŋa a ŋakwapin a ŋuna idunyatar ikes. Idoŋete ŋituŋa a Yerusalem lotaun emam ŋace.

Sakar 2:4

Tema neni keŋ, “Tomotun, tolimok esorokit ŋol ŋolo eyakar akipimet ebe, ‘Ebala Ekapolon, eruwor Yerusalem etaun ŋolo emam ŋarwatatain aŋuna alalauniata nooi ŋituŋa keŋ ka ŋibaren keŋ.

Sakar 8:3

Aboŋuni ayoŋ Yerusalem lotaun kaŋ ŋolo asegan eboikin nen. Eyenunio iŋes erae etaun ŋolo eyai akikinyoma ka enyarao emukura ŋolo ke Ekapolon a ŋolo Etiron, emukura ŋolo asegan.

Yos. 15:32

Lebaos, Cilim, Ain ka Rimon. Arae ŋul a nen ŋitaunio ŋatomoniarei ka ŋikanikaomwon ka ŋirerya kec.

Yos. 21:17

Aponi alokabila a Benjamin inakinae ŋidwe ka Aron ŋitaunio lu: Geba,

Ŋikat. 20:45

Ani ebwaŋasi ikes eemete lowae ŋolo ka aloŋisat, nataaba ŋina a Rimon, toara Ŋisirael ŋituŋa a ekabila a Benjamin ŋalipyo ŋakan a lorotin a ŋulu apolok, kiritae ikes akitodol Gidom, toarae nabo a nen ŋikilyok ŋalipyo ŋaarei.

Ŋikat. 20:47

Nai apotu ŋikilyok ŋamiae ŋakanikapei toema lowae ŋolo a aloŋisat, nataaba ŋina a Rimon, kiboiyoto a nen ŋilapyo ŋiomwon.

Ŋikat. 21:13

Kiyakiya nai atukot a Ŋisirael ŋituŋa alimokin ŋituŋa ŋulu a ekabila a Benjamin ŋulu eboiyete a nataaba a Rimon atemar esila.