Sakar 13:9 - Ebaibul

⁹ Ekatakini ayoŋ ŋituŋa ŋulu idoŋete, ekatakini ayoŋ ikes oliu ikwaŋina eliyere esilipa, ekatakini ayoŋ ikes, ikwaŋina ipoere egolid toanyunere erae kejok. Enyaraete ikes ekiro kaŋ, ido aboŋokini ayoŋ ikes. Alimokini ayoŋ ikes ebe, ‘Irae iyes ŋituŋa kaŋ,’ ido elimunete ikes ebe, ‘Erae Ekapolon Akuj kosi.’ ”

Sakar 13:9 Iomraidhean Croise

2 Sam. 7:24

Ituruwo iyoŋ Ŋisirael kire jik ŋituŋa kon a alope ŋikaru ka ŋikaru, okoe Ekapolon, idau iyoŋ aruwor Akuj kec.

Yob 23:10

Nai eyeni iŋes neni alosi ayoŋ, ani kekekatak iŋes ayoŋ, eryamuni iŋes atemar aliuna ayoŋ ikwa egolid ŋolo eliitae;

Yob 28:1

“Kire eyai neni ebokununeere esilipa ka eyai neni eliununuyere egolid.

Ŋikiru. 144:15

Elakara ŋituŋa ŋulu eryamunete ŋarereŋisyo ŋun; elakara ŋituŋa ŋulu erae Akuj Ekapolon kec.

Ŋikiru. 43:4

Nen nai alosyo ayoŋ namuroet kon Akuj, neni kon Akuj ŋina ikiinanakini ayoŋ alakara. Ekepuri ayoŋ iyoŋ arami agita, okoe Ekapolon Akuj kaŋ, Akuj ŋina elipi ayoŋ neni keŋ.

Ŋikiru. 50:15

Tonyarae ayoŋ anapakio a ŋuna a ŋican; akaiuni ayoŋ iyes, ido ikitopoloorete iyes ayoŋ.”

Ŋikiru. 91:15

Ani akanyaraete ikes ayoŋ, aboŋokini ayoŋ ikes; ikiruki ikes ka ayoŋ anapaki a ŋina eyakatar locan, aiuni ayoŋ ikes, ido etopoloo.

Ŋakit. 17:3

Eliyo esilipa ka egolid anibore a ŋini ipoere ikes alokitet tojokyata, nai Ekapolon iŋes elii ŋitai a ŋituŋa tojokyata.

Eete a Ŋie. 2:16

Erae ŋolominat kaŋ ŋolo kaŋ ka arae ayoŋ ŋina keŋ; iyoki iŋes ŋamesekin keŋ lonya ŋulu eya neni eya ŋicomocomo,

Isa. 43:2

Apaki ŋina itoryoto iyes kidiŋ ŋakipi, ikirukit ayoŋ ka iyes; kori apaki ŋina itoryoto iyes naŋololin, nyepedorete ŋakipi akiwok iyes; apaki ŋina itoryoto iyes kidiŋ akim, nyikinomi akim iyes ka nyikinomiari iyes arira a akim a ŋin;

Isa. 48:10

Topupokisi, eketojoku ayoŋ iyes nai meere ikwa esilipa; ekekatak ayoŋ iyes anakimyekin ŋimoe ikisican iyes.

Isa. 58:9

Ipote nai iyes anyarare Ekapolon, ido ikiboŋok iŋes iyes; igworete iyes iŋitasi akiŋarakino, ido eboŋokini iŋes tema, “Ayoŋ lo.” Ani kilemasi iyes epite ŋolo iteryamunitotor ŋuluce ŋican, epite ŋolo idoditotor iyes ŋuluce ka irworotor,

Yer. 24:5

“Ŋakiro ŋuna alimu ayoŋ Ekapolon Akuj a Ŋisirael ikes nu, ‘Lopite ŋolo eyakatar ŋaraito ŋuna ajokak, lopite ŋol iŋes eteo ayoŋ ŋituŋa a Yudaya ŋulu aponi torikoroe anakwap kec, ŋituŋa ŋulu abu ayoŋ erita anakibois a na nakwap a Ŋibabiloniyae.

Yer. 30:22

Iruworosi nai iyes ŋituŋa kaŋ ka aruwor ayoŋ Akuj kus.”

Yer. 31:33

Nai erae na acamunet ŋina ikicamunor ayoŋ ka ŋituŋa a Isirael; kelunyar ŋirwa ŋul, ewuakini ayoŋ ŋikisila kaŋ tooma kec ka egirakini lotai kec, aruwor ayoŋ Akuj kec, ido eruworosi ikes ŋituŋa kaŋ.

Yer. 32:38

Eruworosi ikes ŋituŋa kaŋ ka aruwor ayoŋ Akuj kec.

Yer. 9:6

Elal nooi akisicanit ŋuluce, elal nooi amodiyo, awout ikes ayenun ayoŋ.

Esek. 11:20

ikotere nai ikes ikiwuapeta alotooma anupit ŋikisila kaŋ ka iwuapete ŋuna atubunit ayoŋ. Eruworosi ikes ŋituŋa kaŋ ka aruwor ayoŋ Akuj kec.

Esek. 14:11

ikotere nai Ŋisirael nyeoliyosi nabo anakiwuapit ŋakiro kaŋ, kori nyemunaasi nabo ŋawat kec a ŋasecisya kec a daadaŋ. Eruwor nai ikes ŋituŋa kaŋ ka aruwor Akuj kec.’ ”

Esek. 20:38

Alemari ayoŋ aneni a ŋituŋa a ŋulu akaŋerito ayoŋ, ŋulu nyecamito akiwuap ŋakiro kaŋ. Ayauni ayoŋ ikes anakwapin aŋuna iboiyoto tokona erae ŋigelaanotin, nai nyelomarete ikes nakwap a Isirael. Ŋun nai iyenuniata iyes atemar arae ayoŋ Ekapolon.

Esek. 36:28

Ŋun nai iboikinotor iyes nakwap ŋina koloŋ abu ayoŋ oinak atapapaa kus ka iruworosi iyes ŋituŋa kaŋ, aruwor ayoŋ Akuj kus.

Esek. 37:27

“‘Eyakaun akibois kaŋ ŋina eboiyo ayoŋ neni eyakasi ikes, aruwor ayoŋ Akuj kec ka eruwor ikes ŋituŋa kaŋ.

Dan. 11:35

Earyo ŋice a ŋikaosok a ŋul, ikotere ikes itojokunio, italeunio ka itesegunio akitodol apaki ŋina ka asalunet, anerae erae ŋun ŋuna itiyakin anapaki a ŋina etubunitoe.

Dan. 12:10

Italeunio, itesegunio ka itojokunio ŋulu alalak, nai erubakinete ŋulu aronok itiyaete aronis. Mam ipei daŋ aneni a ŋulu aronok ŋini eyenuni ŋakiro, nai eyenunete ŋulu aosok.

Yoel 2:32

Nai ituŋanan daadaŋ ŋini enyarit ekiro ŋolo ke Ekapolon, eiunio; anerae eyakaun lomukura Sion ka Yerusalem ŋulu esiyete anakiro a ŋun, ikwapei alimunio Ekapolon, ido ŋice alokidiŋ ŋulu ideun, eruworosi ŋulu erae Ekapolon enyarae.”

Ŋilep. 26:12

Ikirukori ayoŋ kaapei ka iyes, aruwor Akuj kus, iruworosi iyes ŋituŋa kaŋ.

Sakar 10:6

“Eturuwori ayoŋ ŋituŋa a Yuda ŋulu egogoŋ, aiuni ayoŋ ŋituŋa a Isirael. Esyoni ayoŋ ikes, ido enyaku ikes daadaŋ nakwap kec; ikwaanikin ikes ka ŋituŋa ŋulu sek pa aŋerit ayoŋ. Arae ayoŋ Ekapolon Akuj kec; aboŋokini ayoŋ ŋuna iŋitasi ikes.

Sakar 12:10

“Elelebikini ayoŋ neni a ŋipapae a Daudi ka ŋituŋa ŋuluce ŋulu a Yerusalem etau ŋolo ka akisyon ka ŋolo ka akilip. Iŋoliunete ikes neni kaŋ a ŋolo apotu ikes kicuma, igworete ikes aŋuna kaŋ lopite ŋolo igworor ituŋanan aŋuna a ikoku a ŋini sek arae ipei bon. Iyaloloŋete ikes aŋuna keŋ nooi, lopite ŋolo iyaloloŋio ituŋanan ikoku ŋini erae ikiyae.

Sakar 8:8

Enyakuni ayoŋ ikes kiboikinos Yerusalem; toruwor ŋituŋa kaŋ, ido aruwor ayoŋ ŋolo ekinyoma ka eyookino aneni kec ikwapei Akuj kec.

Ŋitic. 2:21

Ido nai ituŋanan daadaŋ ŋini enyarit ekiro ŋolo ke Ekapolon, eiunio.’

Ŋibur. 8:10

Tokona erae na Acamunet ŋina ikicamunor ayoŋ ka ŋituŋa a Isirael alorwa a ŋulu eponito: Ewuakini ayoŋ Ŋikisila kaŋ natameta kec, egirakini daŋ ikes lotai kec. Aruwor ayoŋ Akuj kec ka eruworosi ikes ŋituŋa kaŋ.

Yak. 1:12

Erereŋ ituŋanan ŋini etitinyikini ŋakikatakineta, anerae kedau iŋes akikatakino, eryamuni ikwa ebokot akiyar ŋina iikinit Akuj ŋituŋa ŋulu eminasi iŋes.

1 Pet. 4:12

Ŋikaakonei ŋuluminan, nyiumokis aŋuna a ŋakikatanakineta a ŋuna apipilak a ŋuna iryamunito iyes; esibit ibore ŋini nyitemokino iyes toryamut.

Akis. 21:7

Ŋini ilouni, eryamuni ŋun aneni kaŋ, aruwor ayoŋ Akuj keŋ ka eruwor iŋes lokoku kaŋ.

Akis. 8:10

Abu emalaika ŋolo a ŋiuni tokutak arupepe keŋ. Tocakun etop ŋolo apolon nooi enoki ikwa agilae, tocakakin natutubet apei ŋina a ŋaŋololin alotooma ŋunauni ka lolelyan.

Akis. 8:11

(Anyaritae etop ŋol “Adwaris”.) Abu atutubet apei ŋina a ŋakipi alotooma ŋunauni todwaryar, totwaka ŋituŋa ŋulu alalak aŋuna amasyata ŋakipi ŋun, anerae kepotu todwaryata.

Akis. 8:12

Abu emalaika ŋolo a ŋiomwon tokutak arupepe keŋ. Aponi atutubet apei ŋina ka akoloŋ alotooma ŋunauni kinyasunae; kinyasunae atutubet apei ŋina ke elap daŋ alotooma ŋunauni, kinyasunae atutubet apei ŋina a ŋitopon daŋ alotooma ŋunauni. Aŋun, kiryoniar atutubet apei alotooma ŋatutubeta kec ŋunauni. Aponi kisiryonae atutubet apei alotooma ŋunauni ŋuna ka apaaran; ikwaŋinapei, aponi kisiryonae atutubet apei alotooma ŋunauni ŋuna ka akuwar.

Akis. 8:7

Abu emalaika ŋolo esyaunan tokutak arupepe keŋ. Potu ŋakako ka akim inyaluna ka ŋaokot tobukunos nakwap. Tonomiya atutubet apei alotooma ŋunauni ŋuna ka akwap, tonomiya nabo ŋikito daŋ apeitutubet alotooma ŋunauni, ka abu tonomiya ŋinya ŋulu alibak daadaŋ.

Akis. 8:8

Abu emalaika ŋolo a ŋiarei tokutak arupepe keŋ. Aponi ibore ŋini ekoni emoru ŋolo apolon nooi, ŋolo anoki akim, kimasakinae nanam. Abu atutubet apei ŋina ka anam alotooma ŋunauni toruwor ŋaokot bon,

Akis. 8:9

totwana apeitutubet ŋina a ŋisubuna a ŋulu eyarete, a ŋulu eya nanam, alotooma ŋatutubeta ŋunauni ka aponi kinyasunae apeitutubet a ŋameeli alotooma ŋatutubeta ŋunauni.