Sakar 13:1 - Ebaibul

¹ “Akoloŋit ŋin, eŋakinio elelya neni a ŋituŋa a ekal a Daudi ka neni a ŋulu iboiyete alo Yerusalem, ikotere kitaleun ikes anasecit ka anaronis.”

Sakar 13:1 Iomraidhean Croise

Ŋikiru. 51:2

kilota aronis kaŋ jik, ido kitesegunae ayoŋ anasecit kaŋ.

Ŋikiru. 51:7

Kitesegunae ayoŋ oruwor ŋini aseg; kilotarae ayoŋ tokwaŋiar etau kya.

Isa. 12:3

“Elakarosi ŋituŋa ka Akuj apaki ŋina eiunia Akuj ikes; elakarosi ikes lopite ŋolo elakarotor ŋituŋa ŋulu enyamit akure emasete ŋakipi.”

Isa. 4:4

Ani kedau Ekapolon akitesegun ŋaberu ŋuna a Sion anasiilyo kec, italeuni ikes anakiar ŋituŋa alo Yerusalem. Italeuni iŋes ikes a etau a ŋolo etubere ŋakiro ka a etau a ŋolo ka akim.

Yer. 17:13

Okoe Ekapolon! okoe akigeno a Isirael! Irumete ŋileec daadaŋ ŋulu ikiŋerito iyoŋ; imarakinio daadaŋ ŋulu ikiŋerete iyoŋ nakibois ŋina a ŋikatwak, anerae aŋero ikes eitanit a ŋakipi a ŋuna ka akiyar, iŋes Ekapolon.”

Yer. 2:13

“Anerae etiyata ŋituŋa kaŋ ŋaronisya ŋaarei: Akaesikis ikes ayoŋ, ŋolo ekoni aneni kec eitanit ŋolo a ŋakipi a ŋuna eteyarak, ido aboka aŋuna kec ŋakare ŋuna ebaabaato, ŋuna nyepedorete ŋakipi ayakau tooma kec.

Yer. 29:26

‘Ikituruwo Ekapolon iyoŋ esacaradoti kilunyokin lorot a Yeoiada, ikotere eyakaunotor ŋikapolok Kai ka Akuj ŋulu iteete atemar ituŋanan daadaŋ ŋini ikerepikinit, ido edwari esibit erae ekadwaran, emaikina kikamunae toenae a ŋiriko kilogakinitetei asuwat lodokole keŋ.

Yer. 33:8

Etaleuni ayoŋ ikes anasecit a daadaŋ a ŋina esecito ikes neni kaŋ, esyoni ayoŋ ikes aŋuna ka asecit kec a daadaŋ a ŋina aponiata okoŋeryoto ayoŋ.

Esek. 36:17

“Lokoku a ituŋanan, apaki ŋina eboiyoto Ŋisirael anakwap kec, apotu ikes tomunaasi akwap kec alopitesyo kec ka aloticisyo kec. Apotu ŋipitesyo kec kikokis eketisiilyanete ayoŋ ŋulu ka aberu a ŋina eyai lolap.

Esek. 36:25

Akawuatakini ayoŋ iyes ŋakipi ŋuna aliwak, ido italeunosi iyes anakiro a ŋuna aronok a daadaŋ ka eketaleuni ayoŋ iyes anakujo kus a daadaŋ.

Esek. 36:29

Akaiuni ayoŋ iyes alopitesyo a daadaŋ a ŋulu nyijoketa iyes aneni kaŋ. Alimuni ayoŋ akirot neni a ŋikinyom ŋina italalauni ikes nooi, ikotere iyes nyiryamut eron ece jik.

Esek. 47:1

Abu ekile ŋol ekenyaku ayoŋ lopuke ŋolo ka Akai ka Akuj, abu ayoŋ eŋolik a nen ŋakipi ŋuna aleleete alokwap epuke ŋolo ka Akai ka Akuj; aleleete ŋakipi ŋun lowae ŋolo alo Kide (anerae eŋoliyarit Akai ka Akuj lowae ŋolo alo Kide); aleleete ŋakipi ŋun alokwap epuke ŋolo ka Akai ka Akuj alowae a ŋolo alo Kwap, etorito diyete namuroet alowae a ŋolo alo Kwap.

Ŋilep. 11:36

Nai ani kerae lolelya, kori kare neni eya ŋakipi ecakakin akuwan a esubuna a idio a ŋini etwanit, erubakini elelya, kori akare pa itoroniyaritae, nai ibore daadaŋ ŋini etapakin akuwan a isubuna a ŋin a idio a ŋini kimasakin nakipi, eruwor ibore ŋin ŋini itoroniyaritae.

Mika 5:12

Amunaari ayoŋ ŋiboorei ŋulu inapito iyes itisibito eyakatar apedor, ekemyek iyes imamukatar ŋimurok.

Sakar 12:14

Igworete ŋatekerin ŋunace daŋ daadaŋ ka ŋaberu kec.”

Sakar 12:3

Akoloŋit ŋina ecunakinotor ŋakwapin a akwap a daadaŋ imanito Yerusalem, esikwaanikini ayoŋ Yerusalem ka ataaba ŋina nyesubanakin. Ewanasi make ŋakwapin daadaŋ ŋuna ikatakinete alemar iŋes.

Yoa. 1:29

Akoloŋit ŋina atupakini ŋin, kiŋolik Yoana ebunit Yesu neni keŋ, ido tolimu tema, “Kiŋolikisi Imesek ŋini ka Akuj, ŋini elemari asecit ŋina ka akwap.

Yoa. 5:4

anerae ŋicesaae abuneene emalaika ŋolo ke Ekapolon nabwal akicakulakin ŋakipi. Ituŋanan ŋini esyauni alomar nakipi icakulakini emalaika, aŋaleuni iŋes alodeke a daadaŋ a ŋolo adyaka iŋes.]

1 Ŋikor. 6:11

Apotu ŋice alokidiŋ kus kitiyata ŋakiro ŋun. Nai adaun akitesegun iyes anasecit; adaun ainakin iyes neni ka Akuj; adau Ekapolon Yesu Kristo ka Etau ka Akuj yok akituruwor iyes ŋulu iyookino alokiŋaren Akuj.

1 Pet. 1:19

arae ŋaokot a Kristo ŋuna epol egyelit, ŋuna ekwaan ka ŋuna a imesek a ŋini emam nyeŋwalit kori nyitoronitae.

1 Yoa. 1:7

Nai ani kikiboi iwon anakica, ikwapei eyakar iŋes nakica, ikiyakar iwon akimorikina ka ŋuluce ka ikitesegunete iwon ŋaokot a Yesu a Lokoku keŋ anasecit a daadaŋ.

1 Yoa. 5:6

Abu Yesu Kristo bu a ŋakipi a ŋuna ke ebatisimu keŋ ka a ŋaokot a ŋuna ka atwanare keŋ. Nyebuno iŋes a ŋakipi bon, nai abu bu a ŋakipi ka ŋaokot. Nabo daŋ elimorit Etau elope atemar erae nu ŋuna a kire, anerae erae Etau ŋolo a kire.