Sakar 12:8 - Ebaibul

⁸ Apaki ŋin, iuryari Ekapolon ŋulu iboiyete alo Yerusalem, tari ŋulu epalag alo kidiŋ kec, egogoŋioto lopite ŋolo agogoŋio Daudi. Ipukaete ŋipapae a Daudi ikes lopite ŋolo ipukaa emalaika a Ekapolon, lopite ŋolo ipukator Akuj alope.

Sakar 12:8 Iomraidhean Croise

Ŋikiru. 8:5

Ibu iyoŋ kitiditeu ikes iwadio akilo iyoŋ, ibu iinak ikes apolou ka akerit.

Ŋikiru. 82:6

Abala ayoŋ, “Irae iyes ŋakujo, irae iyes daadaŋ ŋidwe ka Akuj a ŋina alokidiama nooi.

Awos. 14:19

Abu nai emalaika ka Akuj ŋolo sek eŋarenikinit ajore a Ŋisirael toboŋo kaku ajore. Toboŋo adis daŋ kaku towo alokaku ajore a Ŋisirael,

Awos. 33:2

Eyakuuni ayoŋ emalaika ikitena iyes, ido eritari ayoŋ anakwap a ŋin Ŋikanaani, Ŋiamori, Ŋiitaiti, Ŋiperisi ka Ŋiipi ta Ŋiyebusi.

Isa. 30:26

Akoloŋit ŋina imadya Ekapolon neni ewanan alotuŋa keŋ ka ŋina itaŋaleunio Ekapolon ŋajemei ŋuna abu iŋes kiteryamu ŋituŋa keŋ, ecauni elap ikwa akoloŋ ekwaŋiar akica a akoloŋ akilo tari ŋarwa ŋakanikaarei, ikwaanikin akica ŋin bon ka ŋina a ŋirwa a ŋikanikaarei.

Isa. 31:4

Abu Ekapolon okolimok ayoŋ tema, “Ikwaŋina ipopolaa eŋatuny, kori eŋatuny ŋolosorokit alokidiama ityaŋ ŋini adau akikamun, ŋolo ani tari kenyaraun ŋikeyokok ŋulu alalak akiar iŋes, nyeryaŋakin aŋuna ke ecelet a ŋikeyokok, kori nyesuro aŋuna a ecelet kec, aŋun ebuni Ekapolon ŋolo a ŋajoresyo ajiore alo Sion, ajiore anaitae a ekamukumukut Sion.

Isa. 33:24

Mam ituŋanan ŋini iboi a nen ŋini etemari, “Adyaka ayoŋ,” isyoniyo ŋasecisya a ŋituŋa a ŋulu iboiyete a nen.

Isa. 49:7

Alimu Ekapolon Ekalakunan a Ŋisirael, Akuj a Isirael ŋina asegan, Akuj ŋina apotu ŋituŋa a ŋakwapin tojamuwasi ka toŋero, alimu iŋes ŋakiro nu neni a eketiyan a ŋikapolok ebe, “Ikiŋolikinete iyoŋ ŋirwosi, ido towua alokiŋaren kon, ikiŋolikinete iyoŋ ŋikapolok, ido eryedikete ikitopoloosi iyoŋ, anerae ikiseu iyoŋ Ekapolon ŋolo eyai akikinyoma, ikiseu iyoŋ Akuj a Isirael ŋina asegan.”

Isa. 53:3

Ajamuwarito ka aŋerito ŋituŋa iŋes, arae iŋes ituŋanan ŋini eyaloloŋi, ŋini ayeni ŋakiro ŋuna a ŋican. Arae iŋes ituŋanan ŋini pa acamito ŋituŋa akiŋolikin, ajamuwaritae iŋes, eteete ŋituŋa iŋes erae ecaryoit.

Isa. 63:9

alocan kec a daadaŋ. Pa arae ekiyakia kori emalaika, nai ayakau a Ekapolon kaapei ka ikes abu toiu ikes; abu iŋes anamina ka anakisyon keŋ tolaku ikes, abu todak ikes, kidar ikes ŋirwa daadaŋ ŋinapei koloŋ sek.

Yer. 27:10

anerae edwarete ikes alyokonu neni kus, ŋuna ikilemarete iyes anakwap kus, ekeritari ayoŋ iyes anakwap kus, ido tomunyaros.

Osea 1:7

Nai esyoni ayoŋ ŋituŋa a Yudaya aiuni ayoŋ ikes, nyaiuni ayoŋ ikes a akau a ŋina a ŋikaleŋeleŋe, kori a ekileŋ, kori a ŋiboro a ŋulujiet; nyaiuni ayoŋ ikes a ŋaŋolei, kori a ŋasigarya a ŋuna edokito ŋaŋolei nai aiuni ayoŋ ikes a apedor a Ekapolon Akuj kec.”

Osea 12:3

Ani eriŋa Yakob eyai nakook a toto keŋ, abu kikamu atotinyo alokaato keŋ ka ani eruwor iŋes ekile, abu kisilek Akuj.

Osea 3:5

Ekaku, eboŋunete Ŋisirael, kiwara Ekapolon Akuj kec ka Daudi erwosit kec; epote ikes anakuryanu neni ke Ekapolon ka epote ikes najokis keŋ ŋirwa ŋulu esidyok.

Yoel 3:10

Kityekutu ŋileŋia alomelekes kus ka ŋakwaaras aloboro a ŋulu iŋeryata iyes ŋinya; emaikina ŋini a ŋileleny tema, ‘Arae ayoŋ ekajion ŋolo agogoŋon.’

Ŋilep. 26:8

Irisete ŋikan bon alokidiŋ kus ŋimoe amiat, ido irisete amiat alokidiŋ kus ŋimoe ŋalipyo ŋatomon, ido imunyarete iyes ikes alokiŋaren kus.

Mika 5:8

Alokidiŋ ŋakwapin eyakaun ŋipiya a Yakob, eyakaun ikes kidiŋ ŋituŋa ŋulu alalak, ededeŋiata ikwa eŋatuny alokidiŋ ŋityaŋ ŋulu ka amoni, ikwaanikin ka iŋatuny ŋini eyai kidiŋ esipan a ŋamesekin, ŋini ani eporokini amesek, iimakini kwap toryeta ka tonyilinyiliya, todaun ikaiunan amesek.

Mika 7:16

Iŋolikinete ŋakwapin ŋakiro ŋuna itiya iyoŋ, ido kiruma ŋileec, tari sek daŋ kerae ŋakwapin ŋun ŋuna egogoŋ, ebunete ikes ŋakituka kec ka erapete ŋaki kec.

Mika 7:8

Okoe iyes ŋimoe kaŋ, nyilelyana aŋuna ka akiloun ayoŋ; ani apapanuni ayoŋ, aryamuni nabo agogoŋu, ani amini ayoŋ nakiryonut, Ekapolon eruwor akica kaŋ.

Sakar 10:7

Egogoŋioto ŋituŋa a Isirael ikwa ŋasigarya, elakarosi ikwa ŋituŋa ŋulu emasito epiini, etamununeete ŋipapae kec akiloun ŋin, ido elakarosi aŋuna adau Ekapolon akitiyakin.

Sakar 2:5

Ayoŋ elope aruwor arwatata ŋina ikwaan ka akim, arwatata ŋina irimokinit Yerusalem kidiŋ, ido ayoŋ elope apolokini.’ ”

Sakar 9:14

“Etakanuni Ekapolon eyai kidiama ŋituŋa keŋ; egumuni iŋes ŋikaleŋeleŋe keŋ ikwaan ka akimilyaunet. Ekutakini Ekapolon ŋolo Etiron arupepe; ebuni iŋes alokuwuamin a ŋulu alo Kwap a ŋulu ipiripirete.

Sakar 9:8

Euryari ayoŋ akwap kaŋ, eretakini ŋajorei tojoŋoto akitorunun nen. Nyacamakini ayoŋ ŋiryenyaanotin ebolyatar ŋituŋa kaŋ nabo. Adau ayoŋ akiŋolikin epite ŋolo aponiata ŋituŋa kaŋ toryamuniata ŋican.”

Mal. 3:1

Ebala Ekapolon ŋolo Etiron ebe, “Kiirasi, eyakuuni ayoŋ ekiyakia kaŋ akitemonokin erot eriŋa ayoŋ nyebuno, ido nai bu pa iyenete iyes Kai keŋ, Ekapolon ŋolo iwarito iyes. Ebuni ekiyakia ŋolo icamito iyes aanyun, ido iserae iŋes ŋakiro ŋuna ka Acamunet kaŋ.

Mat. 1:23

“Epotiuni ka idouni apese ŋina nyiryamakina ka ekile ikoku ŋini sapat, enyarao ekeekiro Emmanuel.” (Apolou keŋ atemar, “Ikirukit iwon ka Akuj.”)

Ŋirom. 9:5

Erae ikes ŋiletok ŋulu atapapaa yok a ŋulu apolok nooi a ŋulu elimokinitae ŋirorwa kec lokabilae a ŋituŋa ka Kristo daŋ alopite a ŋolo araakar iŋes ituŋanan, arae ŋolo anateker kec. Kipuroe Akuj ŋina ipukat daadaŋ, ŋikaru ka ŋikaru! Amen.

1 Tim. 3:16

Ikilimorit iwon ebe, epol kire jik akimunono ŋina ke edin yok: “Abu iŋes totakanu erae ituŋanan, abu Etau kitoodiu iŋes erae ŋolo iyookino, apotu ŋimalaikan kiŋolikis iŋes. Aponi tolimonokinae ŋakiro keŋ lobukui, apotu ŋituŋa ŋulu alalak anakwap tonupa iŋes, aponi yaarae iŋes kidiama napolou ŋina ka Akuj.”

Ŋibur. 11:34

Kituduŋeto ikes ŋakimya ŋuna ariraete nooi, tobucunos anatumyo. Apalag ikes, nai apotu togogoŋioto; ajioko ikes nooi akilo, tobwaŋa ŋajorei a ŋakwapin a ŋunace.

Yos. 23:10

Abu epei alokidiŋ kus kirit ŋimoe aliput, anerae abu Ekapolon ŋolo erae Akuj kus toji aŋuna kus lopite ŋolo eikinitor.

Akis. 22:13

Arae ayoŋ Alpa ka Omega, ŋolo Eŋarenon ka ŋolo Esidyon--Akisyakinet ka Asalunet.”

Akis. 22:16

“Ayoŋ Yesu eyakuunit emalaika kaŋ akiteyenun iyes ŋakiro nu anatukon a Ŋikristo. Arae ayoŋ ataagoroit ka alyasit--eletonit ŋolo anateker a Daudi; arae ayoŋ etop ŋolo ka ataparacu ŋolo enepi nooi.”