Sakar 12:7 - Ebaibul

⁷ “Ayoŋ Ekapolon ainakini akiloun neni a ŋasigarya a Yudaya mono, ikotere apolou ŋina eryamunete ŋipapae a Daudi ka ŋituŋa a Yerusalem nyeruwor ŋina iloit ŋina a ŋituŋa a Yudaya a ŋuluce.

Sakar 12:7 Iomraidhean Croise

Yob 19:5

Ani kire kitopolooro iyes aŋuna ka aremokin ayoŋ, ido ani kituruworito ŋican kaŋ ŋulu ikitepegeta ayoŋ ikiremokino,

Ŋikiru. 35:26

Kimyek daadaŋ ŋulu akakyenatar ayoŋ alocan kaŋ kisurumae ŋileec ka ŋibiler; kimyek daadaŋ ŋulu iturosi alokiŋaren kaŋ kiruma, ŋileec ka tojoŋoi akitopoloorit.

Ŋikiru. 38:16

anerae elipa ayoŋ ebe, “Nyicamak ŋimoe kaŋ akakyenatar ayoŋ, kori tolelyana apaki ŋina asecia ayoŋ.”

Ŋikiru. 55:12

Ani kerae torae ŋimoe ekeyanyete ayoŋ, kedaŋidaŋak ayoŋ ŋiyany kec, ani kerae torae ŋimoe akajamuwarito ayoŋ; kaŋop ayoŋ aneni kec.

Isa. 23:9

Ayeu Ekapolon ŋolo a ŋajoresyo ŋakiro nu, alemar akituro aneni a ŋikapolok a daadaŋ, akisurum ŋileec daadaŋ ŋulu itopolooritae anakwap.

Yer. 30:18

Alimu Ekapolon ŋakiro nu ebe, “Enyakari ayoŋ ŋituŋa kaŋ nakwap kec, ido esyoni ŋikalya daadaŋ, edukokinio Yerusalem nabo, inyakakinio akai ŋina ka apukan nakibois ŋina pei sek ayai.

Amos 9:11

Tema Amos, “Ebala Ekapolon, ‘Ebunit akoloŋit ŋina enyakakinia ayoŋ apukan neni a ŋiletok a Daudi, apukan ŋina abu tomunaar ikwa akai ŋina eritakin kwap. Etowoi ayoŋ nabo ŋarwatatain keŋ, adukokini ayoŋ akai ŋin nabo kikwaanikin ka ŋina koloŋ ayai alorwa a ŋulu a koloŋ,

Sakar 11:11

Aŋun, aponi kikisarae acamunet akoloŋit ŋin. Eteete ŋimucurus a ŋamesekin etiyae ayoŋ ŋun, ido apotu toyenut atemar erworo Ekapolon alotooma ŋuna etiyae ayoŋ.

Sakar 4:6

Aŋun, abu iŋes tema neni kaŋ, “Erae ŋin akirot ke Ekapolon neni a Serubabel. Ebala Ekapolon ŋolo Etiron, nyilouni iŋes alotooma agogoŋu, kori apedor, nai alotooma Etau kaŋ.

Luk. 10:21

Esaa ŋolopei kilelebun Etau ŋolo Asegan neni a Yesu, tolelyan iŋes nooi, tolimu tema, “Alakara ayoŋ neni kon, Papa, Ekapolon ŋolo anakuj ka nakwap, anerae ibu iyoŋ kiwua ŋakiro nu aneni a ŋikaosok ka ŋipiiryanotin; nai kisileereu neni a ŋidwe a ŋulu cicik. Ee, Papa, itiyak iyoŋ ŋun daadaŋ ikwaŋina icamitor iyoŋ elope.

Ŋirom. 3:27

Nyo nai ikisiturokini iwon? Emam ibore ipei daŋ! Ikotere nyo? Erae aŋuna ikiwuapitor iwon Ŋikisila a? Meere, nai aŋuna ikinupitor.

Yak. 2:5

Topupokisi, ŋikaitotoi kaŋ ŋuluminan! Aseu Akuj ŋikulyak anakwap a na, ikotere toruworos ikes ŋulu ebarito ananupit ka ŋulu eryamunete Apukan ŋina iikinit Akuj ŋulu eminasi iŋes.

Yak. 4:6

Nai einanakini iŋes ajokis ŋina alalan; aŋun, elimunit Akigiret ebe, “Itepegi Akuj ŋiketurok, nai einanakini ajokis neni a ŋulu itiditeuna.”