Sakar 12:5 - Ebaibul

⁵ Etemarete nai ŋatekerin a Yudaya make ebe, ‘Itogogoŋit Ekapolon ŋituŋa keŋ ŋulu iboiyete alo Yerusalem.’

Sakar 12:5 Iomraidhean Croise

Ŋikiru. 144:1

kipuroe Ekapolon ŋolo erae ataaba kaŋ ŋina aiunor ayoŋ, ŋolo abu eketatam ayoŋ epite ŋolo ejiere.

Ŋikiru. 18:32

iŋes abu okoinak ayoŋ agogoŋu, iŋes abu kituruwo ŋuna etiyae ayoŋ ŋuna iyookino.

Ŋikiru. 18:39

anerae ibu iyoŋ ikiinak ayoŋ agogoŋu ŋinajiet; ikiinak ayoŋ akiloun ŋimoe kaŋ.

Ŋikiru. 46:1

Akuj iŋes erae akaiunan ka agogoŋu yok, akeŋarakinan anapakio a daadaŋ a ŋuna a ŋican.

Isa. 1:10

Kiirasi ŋakiro ŋuna irworo Ekapolon, iyes ŋikepukak a Sodoma! Topupokisi ŋakiro ŋuna itatami Akuj kosi, iyes ŋituŋa a Gomora!

Isa. 1:23

Aruworosi ŋikapolok kon ŋikaŋerok, ido aruwor ŋirukitos a ŋikokolak. Emina ŋinituŋanan akaluŋuluŋut ka iwarito aryamun ŋainakineta. Nyeikinito ikes ŋikokyok ka nyetamunito ikes akitub ŋakiro a ŋapuseru aloikiikoe.

Isa. 1:26

Enyakakini ayoŋ ŋikatubok ŋulu ajokak neni kon ikwapei ayakatar ekiŋaren ka ŋikesirworiunak ŋulu ajokak neni kon ikwapei ayakatar ekiŋaren. Ekaku a ŋun, ikinyarao iyoŋ Yerusalem etaun ŋolo ka akiyookino ka ŋolo a akikinyoma.

Isa. 28:5

Akoloŋit ŋin eruwor Ekapolon ŋolo a ŋajoresyo aikit a ŋatur ŋina apolon ka ebokot ŋolo ka akibuses aneni a ŋipiya a ŋituŋa keŋ,

Isa. 28:6

einakini etau ŋolotubet ŋakiro anakiyookino neni a ŋini etubi ŋakiro ka agogoŋu neni a ŋulu ebwaŋete ŋimoe alopuke apaki ŋina ke ejie.

Isa. 29:10

Ikiinak Ekapolon iyes etau ŋolo ijotoorotor nooi; agol iŋes ŋakonyen kus, iyes ŋikadwarak, emuko iŋes ŋakyes kus, iyes ŋiketeyenunak.

Isa. 32:1

Topupokisi, ebuni erwosit ŋolo ipukae a akiyookino ka ipukaete ŋikapolok a akiyookino.

Isa. 45:24

Etemarete ŋituŋa aŋuna kaŋ ebe, “Neni ke Ekapolon bon eya akiyookino ka agogoŋu. Ŋituŋa daadaŋ ŋulu apotu toŋero Ekapolon, epote neni keŋ, ido isurumyo ŋileec.

Isa. 60:17

Akainuni ayoŋ iyes egolid akilo eburonis, esilipa akilo ŋasuwa, eburonis akilo ŋakito, ŋasuwa akilo ŋamoru. Ewuakini ayoŋ ekisil ikipuka iyes ka akiyookino ikiyok iyes.

Yer. 30:21

Ebuni erwosit kec alotuŋa kec pei, ebuni ekepukan kec alotuŋa kec pei. Ebuni iŋes neni kaŋ apaki ŋina anyaraa ayoŋ iŋes, anerae mam ituŋanan ebuni neni kaŋ pa kenyaritae.

Yer. 33:26

Ikwaŋinapei, nyaŋeri ayoŋ acamunet kaŋ ka ŋiletok a Yakob ka ŋiletok a eketiyan kaŋ a Daudi, ido aseuni ayoŋ epei a ŋiletok a Daudi kipuka ŋiletok ka Aburaam, Isaka ka Yakob, anerae enyakakini ayoŋ ikes ŋarereŋisyo kec ka esyoni ayoŋ ikes.”

Yoel 3:16

Ipopolakini Ekapolon alomukura a ŋolo a Sion, egirokini etoil keŋ alo Yerusalem, ido emaranikinete nakuj ka akwap. Nai neni ke Ekapolon iŋes emecete ŋituŋa keŋ, neni keŋ eyakaun Ŋisirael pa iryaŋiryaŋasi.”

Sakar 10:12

Etogogoŋi ayoŋ ŋituŋa kaŋ; ilipete neni kaŋ ka iwuapete ŋakiro kaŋ.” Adau Ekapolon alimun ŋakiro ŋun.

Sakar 10:6

“Eturuwori ayoŋ ŋituŋa a Yuda ŋulu egogoŋ, aiuni ayoŋ ŋituŋa a Isirael. Esyoni ayoŋ ikes, ido enyaku ikes daadaŋ nakwap kec; ikwaanikin ikes ka ŋituŋa ŋulu sek pa aŋerit ayoŋ. Arae ayoŋ Ekapolon Akuj kec; aboŋokini ayoŋ ŋuna iŋitasi ikes.

Sakar 12:4

Apaki ŋin, ewuakini ayoŋ akuryanu naŋolei ŋuna a ŋimoe a Yerusalem daadaŋ ka esimatimataari ŋikametok a ŋaŋolei a ŋun daadaŋ. Eyoki ayoŋ ŋituŋa a Yudaya, nai etumudukani ŋaŋolei a ŋimoe kec.

Sakar 12:6

“Apaki ŋin, esikwaanikini ayoŋ ŋatekerin a Yudaya ka akim ŋina enomi amoni, kori ŋina enomi ŋatukon a ŋikinyom. Emunyarete ŋituŋa a Yudaya ŋituŋa a ŋakwapin a ŋuna idunyatar ikes. Idoŋete ŋituŋa a Yerusalem lotaun emam ŋace.

Sakar 14:14

Ejiete ŋituŋa a Yudaya daŋ aiun Yerusalem. Ecununio ebari a ŋakwapin a daadaŋ a ŋuna idunyatar Yerusalem, egolid ŋolo alalan nooi ka esilipa ŋolo alalan nooi ta ŋilowi ŋulu alalak nooi.

Ŋikat. 5:9

Eyai etau kaŋ neni a ŋikarikok a ŋajorei a Isirael ka ŋituŋa ŋulu apotu inakinos aŋuna ka ajiore. Kipuroe Ekapolon!