Sakar 11:5 - Ebaibul

⁵ Ŋituŋa ŋulu egyelununeete ŋamesekin ŋun, eŋolete, ido kimyekinitetei nyisicana; tobasi ŋulu egyelanarete akiriŋ a ŋamesekin a ŋun ebe, ‘Kipuroe Ekapolon, anerae abar ayoŋ.’ Emam akisyon eyakatar tari ŋikeyokok neni a ŋamesekin kec.

Sakar 11:5 Iomraidhean Croise

2 Ŋirw. 4:1

Abu aberu ace ŋina a ekile a ŋolo anatukot a ŋikadwarak tolot neni ke Elisa, kikaloik tema, “Ekapolon, abu ekile kaŋ totwan. Iyeni iyoŋ atemar arae iŋes ekile ŋolo etopoloorit Akuj; nai abu tokona ituŋanan ŋini emican akiya ŋisapa kaŋ ŋuluarei akituruwor ŋipi.”

Neem. 5:8

abu ayoŋ olimok ikes otema, “Alopite a ŋolo ikipedorya isua, ikidau isua agyelun ŋiyeneta yok ŋulu erae Ŋiburaniyae ŋulu keponi togyelarae nakwapin ŋace, nai tokona igyelanarete iyes ŋiyeneta kus pei, ikotere ikitegyelakinio nabo isua.” Apotu ikes daadaŋ kililiŋa, todaun ŋakiro ŋuna elimunete.

Yer. 2:3

Etaleoritae Isirael aŋuna ke Ekapolon apaki ŋin, iyaanarete iyes apaki ŋin ŋaraito ŋuna esyaunak neni a Ekapolon. Aponi ŋituŋa daadaŋ ŋulu apotu tonyama ŋaraito ŋun kimarakinae erae ŋikasecak, apotu ikes toryamut ŋican.”

Yer. 50:7

Amunyasi ŋituŋa ŋulu aryamununeete ikes ŋituŋa kaŋ ka irworosi ŋimoe kec ebasi, ‘Mam ŋuna aronok etiyatae isua, anerae aseca ikes aneni a Ekapolon a ŋolo erae neni keŋ eyarikinito ikes, Ekapolon ŋolo arae akigeno atapapaa kec.’

Esek. 34:10

alimu Ekapolon ebe, ‘Emanit ayoŋ ŋikeyokok a ŋamesekin kaŋ, eŋisi ayoŋ ikes okoinakis ayoŋ ŋamesekin kaŋ, etojoŋo nai ayoŋ ikes akitan ŋamesekin kaŋ, nyerubakinete nabo ŋikeyokok ŋul imujete. Aiuni ayoŋ ŋamesekin kaŋ anakituka kec, ikotere ikes ejoŋoete akinyam ŋamesekin kaŋ.’”

Esek. 34:21

anerae ipotu iyes kijukasi ŋuna asenyak a ŋikorei ka a ŋiseketa ka ipotu iyes kigumugumoosi a ŋamomwar kus ŋuna apalag alobaren daadaŋ, akitodol ŋina ielaryata iyes ikes neni alwanan anamesekin a ŋunace.

Esek. 34:6

Apotu ŋamesekin kaŋ kielaros, apotu kitwaŋata alokidiama ŋikamukumukui daadaŋ ka anawaetin a ŋikamukumukui a daadaŋ a ŋulu aoyak, apotu ŋamesekin kielaros nakwap daadaŋ, todaun ituŋanan iwarari, kori iŋitanari neni eya.

Osea 12:8

Alimu Epuraim ebe, “Aa! Abar ayoŋ, aryamu ayoŋ abaru aŋuna kaŋ a elope, aloboro a daadaŋ a ŋulu aryamu ayoŋ, mam aronis adio erukaun aneni kaŋ ŋina asecitor ayoŋ.”

Osea 12:9

Arae ayoŋ Ekapolon Akuj kus ŋina abu okoyau iyes anakwap a Ijipit; ekemyekini ayoŋ iyes kiboiyoto nabo aloeemae, lopite ŋolo itiyaeneneeta iyes apaki ŋina a ŋasuban a ŋuna emaikina kitiyaneneete.

Amos 2:6

Tema Amos, “Alimu Ekapolon ŋakiro nu ebe, ‘Aŋuna arubakiniata ŋituŋa ka akwap a Isirael itiyaete ŋasecisya ŋuna alalak nooi, nyaesikini ayoŋ akisican ikes, anerae egyelanarete Ŋisirael ŋituŋa kec ŋulu iyookino a esilipa, egyelanarete ikes ŋituŋa ŋulu eyakatar akiitanit a egyelit a ŋamuk a ŋaarei,

Mat. 23:13

“Nai ekaŋ iyes ŋiketatamak a Ŋikisila ka Ŋiparisayon! Ŋikaŋisoswae! Igolokis iyes ekek ŋolo ka Apukan a ŋina anakuj alokiŋaren ŋituŋa, anerae nyilomarete iyes ŋilopeyek ka iretakis ŋulu acamito alomar tooma. [

Yoa. 10:1

Tolimu Yesu tema, “Akalimokini ayoŋ iyes kire atemar, ituŋanan ŋini nyelomari nanok ŋina a ŋamesekin alopuke, nai todoka tooma alowae ke ece, erae ituŋanan ŋin ekokolan ka ekademanaran.

Yoa. 16:2

Ikiritarete ikes iyes alosinagogae; kire ebuni apaki ŋina ikiaryata ŋituŋa iyes ebasi kori ikitiyae ŋuna ecamit Akuj.

2 Pet. 2:3

Aŋuna ka arorokanut kec, eryamunete ŋiketatamak lu epoida aloemuto a ŋulu isudete ikes. Adol tokona apaki ŋina aoyan etenit ekatubokinan kec ka nyejotoe ekamunyaran kec!

Akis. 18:13

Sinamo--ekitoe ŋolo itukukunyi akimuj, eminae ŋolo ke ekinyate ka akimyet ŋina akukunyon ŋina eminae ka eceminae ŋolo akukunyon nooi ŋolo icunyo; epiini ka akimyet, ŋakirya ka ŋaganoi, ŋaatuk ka ŋamesekin, ŋaŋolei ka ŋagaari; ŋipi ka ŋituŋa daŋ.

Akis. 3:17

Anerae ibala iyoŋ, ‘Abarit, ayakar ibore daadaŋ ka emam ibore eitanit.’ Nai nyiyeni iyoŋ atemar icana, irae ekaŋipapan, ekulyakit, emudukanot ka ileri.