Sakar 11:3 - Ebaibul

³ Kiirasi epite ŋolo igworotor ŋikeyokok; anerae amunaar ŋadakarisinei kec ŋuna alibak! Kiirasi epite ŋolo irurumaata ŋiŋatunyo; anerae amunaar amoni ŋina sek eyakasi ikes, ŋina alodiye aŋolol a Yorodan!

Sakar 11:3 Iomraidhean Croise

Ŋikiru. 22:21

toiunae ayoŋ aloŋatunyo a ŋul, toiunae ayoŋ alomoŋin a ŋuludedeŋ a ŋul.

Isa. 5:29

Irurumaete ikes ikwa eŋatuny, irurumaete ikes ikwa ŋiŋatunyo ŋulusorok ŋulu iiligakinete, ido kikamut etyaŋ ŋolo enyamete ikes, ido kiwokosi iŋes a nen yaasi neni nyepedorere ademar ikes.

Isa. 65:15

Imyekinete iyes ŋirorwa kus aneni a ŋuluseuna kaŋ erae ŋulu ilamare; ido ikimunyari Ekapolon Akuj iyes; nai einakini iŋes ŋiketiyak keŋ ekiro ŋolo egelaana.

Yer. 2:15

Erurumata ŋimoe kec neni kec esibito ŋiŋatunyo, erurumata ŋimoe kec ecelasi nooi. Eturuwosi akwap a Ŋisirael acaryoit, enyasun ŋitaunio kec, mam ituŋanan iboi alotooma kec.

Yer. 2:30

Abu ayoŋ esican ŋituŋa kus, nai mam ŋuna ajokak aneni kaŋ apotu kitiyakin; apotu ikes nyecamut ŋuna abala ayoŋ kiwuapa. Ipotu iyes pei toara ŋikadwarak kus a ekileŋ, lopite ŋolo earya eŋatuny ŋolo adedeŋan ŋityaŋ.

Yer. 26:6

esikwaanikini nai ayoŋ Akai na ka Silo ka eturuwori ayoŋ etaun lo ŋolo icenen aŋuna a ŋituŋa a ŋakwapin a daadaŋ anakwap.’ ”

Yer. 49:19

Lopite ŋolo elomunia eŋatuny anamoni a Yorodan toloma neni edakasi ŋibaren, abuni ayoŋ neni a Ŋiedomi erita ikes pa etenito, ido aseuni ayoŋ ŋini acamit ayoŋ kipuka akwap kec. Ŋae ikikwaan ka ayoŋ? Ŋae epedori akisitakin ayoŋ? Alikepukan epedori akitijiore ayoŋ?

Yer. 50:44

“Lopite ŋolo elomunia eŋatuny anamoni a Yorodan, toloma neni a ŋibaren, abuni ayoŋ neni a Ŋibabiloniyae erita ikes alo Babilon, ido aseuni ayoŋ ŋini ecamit kipuka iŋes. Ŋae ikwaan ka ayoŋ? Ŋae epedori akisitakin ayoŋ? Alikepukan epedori akitijiore ayoŋ?”

Yer. 7:4

Nyikinyoma ŋakiro nu ŋuna amodiyo ebe, ‘Erae na Akai ke Ekapolon, Akai ke Ekapolon, Akai ke Ekapolon.’

Esek. 19:2

Ŋakiro a eete nu, “Okoe arae toto kon aŋatuny ŋina eloit ŋanatunyo ŋunace! Amina iŋes auryan alokidiŋ ŋiŋatunyo ŋulusorok ka etani ŋitak keŋ.

Osea 10:5

Ebuli ŋituŋa ŋulu iboiyete alo Samaria aŋuna a etorube a itaok, a etorube a ŋolo eyai Bes-Apen. Igworete ŋituŋa a Samaria aŋuna a etorube a ŋol igworete ikes kaapei ka ŋisacaradotin ŋulu ilipete ka itopoloorito etorube ŋol, elemaryo iŋes aneni kec yaarae nakwap ace.

Yoel 1:13

Tonapa ŋiguniyae, iyes ŋisacaradotin, ido kgiworo; kiwololoto, iyes ŋulu itiyaete Namuroet. Potu, tonapa ŋiguniyae akuwar kya, iyes ŋulu irae ŋiketiyak ŋulu ka Akuj; anerae alemar alo Kai ka Akuj kus ŋainakineta ŋuna a ŋikinyom ka ŋimaten.

Amos 8:8

Aŋakiro a ŋun, nyemaranikini mono akwap a? Nyikalounete mono ŋituŋa ŋulu iboiyete a nen a? Emini akuryanu lotuŋa a akwap, irimokinete ŋituŋa iwarito neni eiunotor.’

Sepan. 1:10

“Akoloŋit ŋin, iiraryo akigworo alopuke a ŋolo a ŋikolya ka akiwolol anakibois a ŋina kitete alotaun ka abilibiliunun ŋina ireta alokamukumukui.

Sepan. 3:11

“Akoloŋit ŋin, nyikisurumyo iyes ŋileec aŋuna a ŋipegeta a ŋulu iponiata iyes ikiŋierioto ayoŋ; anerae alemari ayoŋ aneni kus ŋituŋa ŋulu elelyanete aŋuna ka akituro kec. Nyiboŋokinete nabo iyes akiŋer ayoŋ alomukura kaŋ a ŋolo asegan.

Sepan. 3:3

“Irurumaete ŋikapolok ŋulu eya tooma keŋ ikwa ŋiŋatunyo; ikwaan ŋikatubok keŋ ka ŋipeei ŋulu ka ataboŋ ŋulu emam ibore imyekinete mati kiwala akwap.

Sakar 11:2

Kiololoto iyes ŋikito ŋulu enyaritae Cipres, anerae aukonor ŋikito ŋulu enyaritae Cedar, amunaar ŋikito ŋul ŋulu apolok nooi! Kiololoto iyes ŋikuyono ŋulu alo Basan; anerae ayepakin kwap amoni ŋina amutonon!

Sakar 11:8

Alotooma elap epei, abu ayoŋ oar ŋikeyokok a ŋamesekin ŋiuni anerae abu okoup ayoŋ akidaŋidaŋ ŋakiro kec, apotu daŋ ŋamesekin okoremokin ayoŋ.

Mat. 15:14

Kimyekisi ikes make. Erae ikes ŋikarikok ŋulu emudukaka alokidiŋ ŋimudukanotin ŋuluce. Ani kerik ituŋanan ŋini emudukana emudukanot, imasakinosi ikes daadaŋ nauwuat.”

Ŋitic. 7:52

Eyai mono ekadwaran epei daŋ ŋolo apotu atapapaa kus nyisicana a? Apotu ikes toara tari ŋulu adwarete abunore ŋina a ŋolo Iyookino, a ŋolo tokona idaut iyes alukin ka akiar.