Sakar 10:9 - Ebaibul

⁹ Tari daŋ kealarit ayoŋ ikes nakwapin, keyakasi daŋ tari nakwapin ŋuna alwanak, akatamunete ikes ayoŋ. Nyemunyar ikes ka ŋidwe kec, ido eboŋunete ka ŋidwe kec nakwap kec.

Sakar 10:9 Iomraidhean Croise

Neem. 1:9

nai ani kiboŋut iyes neni kaŋ, ido kiwuapa ŋakiciket kaŋ kitiyata ikes, tari keyakasi ŋituŋa kus ŋulu aponi torikoroe nakwapin ŋuna alwanak, acununi ayoŋ ikes aina, enyaku ikes nakibois ŋina aseu ayoŋ atemar kilipere neni kaŋ.’

Esta 8:17

Alotooma ŋinakwap daadaŋ ka ŋolotaun daadaŋ neni aponi tolimokinae akirot a erwosit ka ekisil ŋolo abu iŋes kitutub, apotu Ŋiyudayan tolelyana ka tolakaros. Kiwuanakis ŋasuban ka kieŋut aloticisyo. Kibelekinos ŋituŋa ka akwap a ŋin ŋulu alalak toruwor Ŋiyudayan, anerae apotu ikes tokuryaketa aŋuna a Ŋiyudayan.

Isa. 44:21

Okoe ŋiletok a Yakob, totamunito ŋakiro nu, okoe ŋiletok a Isirael, totamunito ŋakiro nu, anerae irae iyes ŋiketiyak kaŋ; ayoŋ akasubuni iyes, irae iyes ŋiketiyak kaŋ. Okoe Ŋisirael, nyimuryakinosi iyes aneni kaŋ.

Isa. 64:4

Ŋinapei koloŋ mam ituŋanan eira, mam ituŋanan ayenu, mam ituŋanan eŋolik akuj ace, iyoŋ bon ikiŋolikin, Akuj ŋina itiyae aŋuna a ŋulu idarito iŋes.

Isa. 65:23

Nyitiyaete ikes ikoŋin, kori nyeuruunete ŋidwe ŋulu eryamunete ŋican, anerae eruwor ikes ŋiletok ŋulu iterereŋit Ekapolon kaapei ka ŋipapae kec.

Isa. 65:9

Ayauni ayoŋ ŋiletok aneni a Yakob ka ayauni aneni a Yuda ŋulu einakinio emoru kaŋ toruwor ŋolo kec, eruwor nen neni a ŋituŋa kaŋ a ŋuluseuna ka iboikinosi ŋiketiyak kaŋ nen.

Yer. 31:27

Alimu Ekapolon ebe, “Kire jik, eponito ŋirwa ŋulu elelebikinia ayoŋ nakwap a Isirael ka nakwap a Yudaya ŋityaŋ ka ŋituŋa.

Yer. 51:50

Iyes ŋulu iunosi alokileŋ toloto, nyirimirimo. Totamutu Ekapolon anakwap a ŋina alwanan, ka emaikina Yerusalem eyai natameta kus.

Esek. 6:9

Ikes ŋulu ebucarosi akatamunete ayoŋ anakwapin a ŋuna erikoryo erae ŋirikon. Etamunete ikes epite ŋolo abunio ayoŋ oŋoya aŋuna aponiata ikes tomalaaketa alotai kec toŋero anupit ayoŋ ka ŋuna aponiata ikes okoŋero ayoŋ toloto neni a ŋakujo kec. Nyepedorete nabo ikes acamun akitiya ŋuna aronok ŋuna etiyata ka ŋuna ka asiilyo daadaŋ ŋuna adaut ikes akitiya.

Osea 2:23

Tosodi ewuakini ayoŋ ŋituŋa kaŋ nakwap ka ainakini ayoŋ ikes arereŋu. Etoodikini ayoŋ amina kaŋ neni a ŋini sek anyaritae ebe, ‘Lo-Ruami,’ ido atemari neni a ŋini sek anyaritae ‘Lo-ami’ ebe, ‘Irae iyoŋ ŋini kaŋ’. Etemari iŋes ‘Irae iyoŋ Akuj kaŋ.’”

Amos 9:9

“Ebala Ekapolon, ‘Kire jik, epukae ka eloilookini ayoŋ Ŋisirael kaapei ka ŋituŋa a ŋakwapin a daadaŋ, ekeike ikes lopite ŋolo ikeikea ituŋanan ŋikinyom, otyaka ŋituŋa ŋulu aronok daadaŋ aneni a ŋulu ajokak.

Mika 5:7

Epote nai ŋituŋa a Yakob ŋulu apiyanun akiboiyor nakwapin ŋuna alalak, ikwaanikin ikes a nen ka ŋakopi ŋuna eyaunit Ekapolon, ŋuna itojokete akwap, ikwaanikin ikes a nen ka akiru ŋina itilibuni ŋinya. Eruwor Akuj iyoki ikes, meere ituŋanan.

Ŋitic. 8:1

Ayai Saulo nen, kitojokite atwanare a Stepano. Akoloŋit ŋin, tolomu akisicanio ŋina aronon nooi natukot a ŋikanupak a Yesu ŋina ayai Yerusalem. Kielarae ŋikanupak daadaŋ, toloto ikes Yudeya ka Samaria; kidoŋo Ŋikiyakia bon.

Ŋitic. 8:4

Apotu ŋikanupak ŋulu aponi kielarae tolimonokis Ŋakiro ŋuna Ajokak nakwapin daadaŋ ŋuna apotu ikes toloto.

Ŋirom. 11:24

Iyes ŋituŋa ŋulu nyirae Ŋiyudayan, ikote iyes ateni ŋina ebilaryo ŋina ke ekitoe a ŋolo ka ariet a ŋolopei erae ŋolo ka akimyet, ŋina ereikinio kiderakinae lokitoe ŋolo edupio ŋolo ka akimyet tari sek pa kitiyaeneneo ikoŋina. Ikote Ŋiyudayan ŋaten ŋuna ke ekitoe a lo a ŋolo edupio; iŋes atemar epatanikini Akuj nooi akiderakin ŋaten ŋun ŋuna ebilaritae pena lokitoe kec.