Sakar 10:7 - Ebaibul

⁷ Egogoŋioto ŋituŋa a Isirael ikwa ŋasigarya, elakarosi ikwa ŋituŋa ŋulu emasito epiini, etamununeete ŋipapae kec akiloun ŋin, ido elakarosi aŋuna adau Ekapolon akitiyakin.

Sakar 10:7 Iomraidhean Croise

Akisy. 18:19

Nyemunoni, anerae adau ayoŋ aseun iŋes ikotere iciki ŋidwe keŋ ka ŋituŋa a ekal keŋ ŋulu iwuapete iŋes, kiwuapa erot ŋolo ke Ekapolon anakitiya ŋuna iyookino ka ŋuna ecamakinitae; ikotere nai isiyookini Ekapolon ŋuna adau akiikin Aburaam.”

Akisy. 43:34

Ani ekorakinio ikes akimuj alomesa a Yosepu, alal ŋina akorakinitae Benjamin nooi adeparit etyae ŋina akorakinitae ŋituŋa ŋuluce arae ŋina etya ŋina a ŋituŋa a ŋikan. Apotu ikes kimuja ka tomata, tolakaros kaapei ka iŋes.

Ŋikiru. 102:28

Iboikinoi isua ŋiketiyak kon ka ŋidwe kosi emam ŋace, erubakinete ŋipapae kosi iboiyete emam ŋace.

Ŋikiru. 104:15

toryamuniata epiini ŋolo einakini ikes alakara, toryamuniata akimyet ŋina eninanakinosi tomalumalut, toryamuniata akimuj ŋina einakini ikes agogoŋu.

Ŋikiru. 13:5

Nai abu ayoŋ ekinyom amina kon ŋina nyiryaŋiryaŋa; eyakaun alelyanu lotau kaŋ aŋuna ikiunia iyoŋ ayoŋ.

Ŋikiru. 28:7

Ekapolon iŋes agogoŋu kaŋ ka aupal kaŋ; neni keŋ iŋes ekinyomit ayoŋ a etau kaŋ a daadaŋ; aŋun, ekeŋarakinit ayoŋ Ekapolon, ido elelyani etau kaŋ, tosodi a eete kaŋ, alakar ayoŋ neni keŋ.

Ŋikiru. 33:21

Elelyanete ŋitai kosi aŋuna keŋ, anerae ikikinyomit isua ekiro keŋ ŋolo asegan.

Ŋikiru. 90:16

Kitoodik ŋiketiyak kon ŋiticisyo kon ka kitaanyuwa ŋiletok kec apedor kon ŋina ailiilon.

Isa. 25:9

Akoloŋit ŋin, etemaryo, “Kiŋolikisi, erae na Akuj yok; aponi iwon kidarae iŋes ikotere ikiuni iwon. Erae lo Ekapolon ŋolo aponi iwon kidarae, olakaros ka olelyana aŋuna ikilakunia iŋes iwon.

Isa. 38:19

Ŋituŋa ŋulu eyarete ikes epedorete alakar neni kon, lopite ŋolo eketalakaritor ayoŋ iyoŋ nakoloŋit na; iteyenanakinete ŋikauruunak ŋidwe kec akikinyoma kon.

Isa. 54:13

Itatami Ekapolon ŋituŋa kon daadaŋ ka ebarete ŋituŋa kon nooi.

Isa. 66:14

“Iŋolikinete iyes ka elelyanete ŋitai kus, etumete ŋawat kus totulejejeta ikwa ŋinya, ido eyenunio atemar eyai apedor a Ekapolon neni a ŋiketiyak keŋ ka eŋoikinit iŋes ŋimoe keŋ.”

Yer. 32:39

Ainakini ayoŋ ikes etau epei ka epite epei, ikotere eketopoloorito ikes ayoŋ ŋapakio daadaŋ aŋuna ka ajokis kec ka ajokis a ŋidwe kec ekaku kec.

Esek. 37:25

Iboiyete ikes anakwap a ŋina abu ayoŋ oinak Yakob eketiyan kaŋ, anakwap a ŋina apotu atapapaa kec kiboiyoto. Iboiyete ikes a nen ka ŋidwe kec ta ŋipapae kec ŋikaru ka ŋikaru. Daudi eketiyan kaŋ iŋes eruwor ekepukan kec ŋikaru ka ŋikaru.

Yoel 2:23

Iyes ŋituŋa a Sion, tolelyana neni ke Ekapolon ka Akuj kus, anerae ikiinak iŋes iyes eketataman ŋolo ka akiyookino. Ikiyakiyanakini iŋes iyes akiru ŋina alalan lopite ŋolo pei sek anapakio aŋuna, ieteuni ka iceere, lopite ŋolopei sek ieteunio ka ŋuna iceereo.

Abak. 3:18

arubakini ayoŋ alelyani ka alakara, anerae Ekapolon Akuj kaŋ iŋes erae ekaiunan kaŋ.

Sepan. 3:14

“Toekisi iyes ŋituŋa a Sion! Tocelutu nooi iyes Ŋisirael! Tolakaros ka tolelyana nooi a ŋitai kus a daadaŋ, iyes ŋituŋa a Yerusalem.

Sakar 12:8

Apaki ŋin, iuryari Ekapolon ŋulu iboiyete alo Yerusalem, tari ŋulu epalag alo kidiŋ kec, egogoŋioto lopite ŋolo agogoŋio Daudi. Ipukaete ŋipapae a Daudi ikes lopite ŋolo ipukaa emalaika a Ekapolon, lopite ŋolo ipukator Akuj alope.

Sakar 9:15

Iuryari Ekapolon ŋolo Etiron ŋituŋa keŋ, ido emunyarete ŋituŋa a Ekapolon ŋimoe kec. Ecelunete ikes alo jie esibit ŋituŋa ŋulu emerasi, ido earete ŋituŋa a Ekapolon ŋimoe kec; toleleiyasi ŋaokot a ŋimoe kec ikwa ŋaokot a ŋamuronisya ŋuna ebukokinio Namuroet anabakule.

Sakar 9:17

Ejokyar nooi ka ibusyar nooi akwap kec. Epolounete anakwap a ŋin ŋisorok ka ŋasorok erae ŋulu itogogoŋit ekidikidi ka epiini.”

Luk. 1:47

elelyani etau kaŋ aŋuna ka Akuj Ekaiunan kaŋ,

Yoa. 16:22

Ikote nenipei ŋakiro aneni kus: iyaloloŋete iyes tokona, nai akaanyuni ayoŋ iyes nabo, ido tolelyana ŋitai kus. Emam idiotuŋanan elemari alelyan ŋin aneni kus.

Ŋitic. 13:33

atemar ŋakiro ŋuna eikinit Akuj atapapaa yok, esiyook tokona aneni yok a ŋulu ikirae ŋiletok kec aŋuna eteyarunia Yesu. Ikwaŋinapei igiritere tooma Eete ŋolo a ŋiarei ebe: ‘Irae iyoŋ Lokoku kaŋ; aruwor ayoŋ Papa kon nakoloŋit na.’

Ŋitic. 2:26

Aŋun, elelyani ekaatau ka ikipuro iyoŋ etoil kaŋ. Ayeni ayoŋ atemar atwani, nai ayakar ayoŋ akigeno;

Ŋitic. 2:39

Anerae arae akiikinet ka Akuj ŋina kus ka ŋikusidwe ta neni a ŋituŋa a daadaŋ a ŋulu elwaka a ŋulu enyaraunit Ekapolon yok Akuj neni keŋ.”

Ŋipil. 4:4

Tolelyanete jwi jwi anakimorikina kus ka Ekapolon. Alimuni ayoŋ nabo atemar: tolelyanete!

1 Pet. 1:8

Iminasi iyes iŋes tari pa kianyunito; inupito iyes iŋes tari pa kiteete iŋes. Ilelyanete iyes ka alelyan a ŋina apolon nooi a ŋina nyepedoryo alimun;

1 Sam. 2:1

Kilip nai Ana tema, “Elelyani etau kaŋ Ekapolon; Okoe etya alelyan kaŋ ai aŋuna etiya iŋes! Eturokin tokona ayoŋ erworo neni a ŋimoe kaŋ; Okoe etya alelyan kaŋ ai; anerae ekeŋarak ayoŋ Akuj!