Sakar 10:10 - Ebaibul

¹⁰ Enyakuni ayoŋ ikes nakwap kec, enyakuni ayoŋ ikes alo Ijipit ka Asiriya, esiboik ikes nakwap kec. Esiboikini ayoŋ ikes Gilead ka Lebanon daŋ ilelebunosi ŋituŋa kaŋ nakwap kec daadaŋ.

Sakar 10:10 Iomraidhean Croise

Isa. 60:22

Tari ekal ŋolo sek edit aneni kec, eruwor ateker, eruwor ateker kec ŋina sek edit akwap apei. Arae ayoŋ Ekapolon, esiyookini ayoŋ ŋun atipei anapaki a ŋina itemokino.

Yer. 22:6

Irworo Ekapolon ŋakiro nu aŋuna a akai a apukan a erwosit a Yudaya ebala, “Ikwaan iyoŋ aneni kaŋ ka Gilead, ikwaan iyoŋ ka aita a emoru Lebanon. Nai, ekoŋi ayoŋ atemar eketuruwori ayoŋ iyoŋ aloŋisat, etaun ŋolo emam ŋituŋa iboiyoto.

Yer. 50:19

Enyakuni ayoŋ Ŋisirael nakwap kec, eryamunete ikes akimuj alo Karimel, alo Basan ka alokamukumukui a Epuraim, imwokete ikes alo Gilead.

Osea 11:10

Iwuapakinete ikes Ekapolon, irurumakini Ekapolon lopite ŋolo irurumaa eŋatuny, ani irurumakini iŋes, epote ŋidwe keŋ alo To neni keŋ emaranete.

Osea 11:11

Emotunosi ikes alo Ijipit atipei ikwa atasurui ka emotunosi ikes alo Asiriya ikwa ŋitemeleudio; ido enyakari ayoŋ ikes lorerya kec.

Obad. 1:20

Anyoun alo Poenicia akitodol Sarepat, eruwor nen neni a Ŋisirael a ŋulu eya Kanaan, a ŋulu ielaritae analup kec; eruwor ŋitaunio ŋulu Negeb, ŋulu a ŋituŋa a Yerusalem a ŋulu eya Separad, a ŋulu ielaritae alo Yerusalem.

Mika 7:14

Ekapolon kiyok ŋituŋa kon, ŋulu ibu iyoŋ toseu aruwor ŋulu kon, tari daŋ kiboiyete make anamoni, eyakasi ikes nalup ŋuna ajokak, kimyek ikes toryamut ibore ŋini enyamete alo Basan ka alo Gilead, lopite ŋolopei koloŋ aryamununiata.

Sakar 8:7

Aiuni ayoŋ ŋituŋa kaŋ anakwapin a ŋuna alo Kide ka ŋuna alo To.

Sakar 8:8

Enyakuni ayoŋ ikes kiboikinos Yerusalem; toruwor ŋituŋa kaŋ, ido aruwor ayoŋ ŋolo ekinyoma ka eyookino aneni kec ikwapei Akuj kec.