Sakar 10:1 - Ebaibul

¹ “Kiŋita Ekapolon akiru apaki ŋina ka akicereet. Erae Ekapolon iyakiununui ŋidouwon ŋulu ka akiru iŋes einanakini ŋituŋa akiru, iŋes itilibuni ariet aŋuna a ŋinisubuna.

Sakar 10:1 Iomraidhean Croise

1 Ŋirw. 17:1

Tema Eliya Etisibait ŋolo alo Gilead neni ka Aab, “Ikwaŋinapei eyarya Ekapolon Akuj a Ŋisirael, ŋina arae ayoŋ eketiyan keŋ, emamukaun ŋakopi, kori akiru ŋikaru ŋulu eponito, mati kalimu ayoŋ.”

Yob 29:23

ekedareneneete ŋituŋa ayoŋ lopite ŋolo idaritere akiru; apotu ikes toŋaama iburit alimun ŋakiro lopite ŋolo iburitotor akwap ŋakipi iceere.

Ŋikiru. 104:13

Iyakiununui iyoŋ akiru alokidiama, kilim lomoru, toryamu akwap ŋarereŋisyo a etic kon.

Ŋikiru. 135:7

Eyaununui iŋes ŋidouwon anakisaleta ka akwap; eyaununui iŋes akimilyaa aŋuna ka akiru, ido eyaununui ekuwuam aneni sek eyai.

Ŋikiru. 65:9

Itoodiunit iyoŋ epite ŋolo iminar akwap anainanakin akiru; iwuanakini iyoŋ ebari ŋolo alalan nakwap. Ilelebyanakini iyoŋ ŋakipi naŋololin; itaraenene iyoŋ ŋikinyom anakwap. Epite ŋol iŋes itemonokinio iyoŋ akwap.

Ŋikiru. 72:6

Elipi inak erwosit ajokis anapukan keŋ, ŋina ikoni ŋina einakini akiru ŋikinyom ŋulu elomete elipi kikok iŋes akiru ŋina itojoki akwap.

Ŋakit. 16:15

Ani etakani ereet a erwosit pa itoodiunit aŋoit, apolou keŋ atemar mam atyonis eyai, ikwaan ajokis a erwosit ka ŋidouwon ŋulu eyaunete akiru iceere.

Isa. 30:23

Iyakuuni iŋes akiru a ŋuna a ŋikinyom a ŋulu iekinete iyes nalup, ido akimuj ŋina elomuni analup, eruwor ŋina etuman ka ŋina alalan nooi. Akoloŋit ŋin, epote ŋaatuk kus adak neni ca daadaŋ eya ŋinya;

Isa. 44:3

anerae emyekini ayoŋ ŋakipi pena nakwap ŋina eyakar akure ka epete ŋaŋololin nakwap ŋina aonon; abukuni ayoŋ etau kaŋ neni a ŋiletok kus ka arereŋu kaŋ neni a ŋidwe kus.

Isa. 5:6

Emyekini ayoŋ iŋes toruwor ŋalup ŋunacaryo, nyinyiporyo ŋikito keŋ, kori nyitao iŋes jik, erupunete ŋinya ka ŋamon a ŋikukwa aneni keŋ, alimokini ayoŋ ŋidouwon nyitodoto akiru lomanikor ŋol.

Yer. 10:13

Ani irworikini iŋes, kiguryakin ŋakipi alokidiama, itonyouni iŋes ekuno anakisalet a akwap. Iwuanakini iŋes akimilya toyakaun apaki ŋina eyakar akiru, eyaununui iŋes ekuwuam tokut anakibois a ŋina sek eyai.

Yer. 14:22

Epedorete mono ŋakujo a ŋakwapin ayaun akiru a? Kori epedori mono kidiama akimyekin akiru bu a? Okoe Ekapolon Akuj kosi, meere mono iyoŋ iyauni a? Ikiwuakinit isua akigeno kosi neni kon, anerae iyoŋ itiyae ŋun daadaŋ.

Yer. 5:24

Nyirworosi ikes alotai kec make ebe, ‘Okerito Ekapolon Akuj yok, ŋina ikiinanakini akiru anapaki a ŋina itemokino, iŋes ikiinanakini akiru ŋina ka akiceeret ka ŋina ka atepunet, ŋina itemokinit aŋuna yok ŋisabito ŋulu elemere.’

Yer. 51:16

Ani irworikini iŋes, kiguryakin ŋakipi alokidiama ido bu ekuno anakisaleta a akwap. Iŋes iwuakini akimilya toyakaun apaki ŋina ka akiru ka iŋes eyaununui ekuwuam tokut aneni sek eyai.

Esek. 34:26

Eterereŋi ayoŋ ikes, esilimi ayoŋ akiru edoli apaki nakiboisyo ŋuna irimokinito emukura kaŋ kidiŋ, eruwor akiru ŋin arereŋu aneni kec.

Esek. 36:37

“Alimu Ekapolon Akuj atemar, acamakini daŋ ayoŋ Ŋisirael ekeŋita ayoŋ etiya nu aŋuna kec; akiyatakin ekimar kec tolalaar nooi ikwa esipan a ŋamesekin.

Osea 10:12

Kitiyata aŋuna kus ŋiticisyo ŋulu ka akiyookino, toyakaunotor amina ŋina nyiryaŋiryaŋa. Kikukorikisi ŋimanikorin kus ŋulu idaut iyes akitare, anerae adol apaki ŋina emaikina iyes kiwaryata Ekapolon, ikotere iŋes ebuni ainakin iyes ŋarereŋisyo ŋuna ka akiyookino.

Osea 6:3

Oyenutu, omunikisi jik ayenun Ekapolon, kire jik, etakanuni iŋes, lopite ŋolo iwalanarya akwap, ebuni iŋes neni yok, lopite ŋolo eponiata ŋakipi alokidiama, ebuni iŋes neni yok, lopite ŋolo ilimia akiru iceere kitapalal akwap.”

Amos 4:7

Abu daŋ ayoŋ nyekeyakik iyes akiru apaki ŋina edoŋitor ŋilapyo ŋiuni bon todol apaki ŋina elemere ŋikinyom. Abu ayoŋ eyaku akiru lotaun epei, nai nyeyakik akiru lotaun ece, ayai akiru lomanikor epei nai emanikor ŋolo amam akiru, apotu ŋikinyom keŋ toiniyasi,

Mika 5:7

Epote nai ŋituŋa a Yakob ŋulu apiyanun akiboiyor nakwapin ŋuna alalak, ikwaanikin ikes a nen ka ŋakopi ŋuna eyaunit Ekapolon, ŋuna itojokete akwap, ikwaanikin ikes a nen ka akiru ŋina itilibuni ŋinya. Eruwor Akuj iyoki ikes, meere ituŋanan.

Yoa. 16:23

“Ani ŋina edolunio Akoloŋit ŋin, emam idiobore ipote iyes akiŋit ayoŋ. Nai akalimokini ayoŋ iyes kire atemar, ibore daadaŋ ŋini iŋitasi iyes alokiro kaŋ, ebuni Papa kaŋ ainakin iyes.

1 Ŋikor. 3:6

Abu ayoŋ odupak ekinyomit, tobukok Apolo ŋakipi; nai Akuj iŋes etopolouni.

Ŋikis. 28:23

Nyilimi akiru jik ka eoni akwap kus deu ikwa asuwat.

Yak. 5:7

Ŋikaitotoi, totitinyikisi akitodol ŋina ebunio Ekapolon. Kiŋolikisi epite ŋolo etitinyikinitor eketan idarit emanikor keŋ tora ejok. Idarit iŋes akiru ŋina ka akicereet ka ŋina ka akiporo anatitinyikinit.