Sakar 1:6 - Ebaibul

⁶ Ani bo ŋakiro kaŋ ka ŋikisila kaŋ, ŋulu abu ayoŋ olimok ŋikadwarak kaŋ, ŋulu arae ŋiketiyak kaŋ, pa mono apotu ŋun kiduposi atapapaa kus toryamut ŋican aŋun a? Aŋun, apotu ikes tokiwa temasi, ‘Adau Ekapolon ŋolo Etiron akitiya neni yok ŋuna emaikina iwon oryamutu aŋuna ka aronis yok ka aŋuna a ŋiticisyo yok a ŋulu aronok. Etiya iŋes ŋun lopite ŋolo sek ayeunitor akitiyakin.’ ”

Sakar 1:6 Iomraidhean Croise

2 Ŋirw. 15:12

Arae ŋun ŋakiro ŋuna eikinit Ekapolon Yeu atemar, ipukaete ŋidwe keŋ Isirael akitodol anyamet ŋina a ŋaomwon. Apotu kiyookinos ikote nenipei.

Yob 6:29

Totamatamata nabo, ekelipit ayoŋ iyes, nyicamakis ŋuna nyiyookino kitiyakin. Totamatamata tokona, eriŋa akiyookino kaŋ ikoni nenipei sek.

Isa. 21:17

ekudyokunete ŋikajiok a Kedar ŋulu ejiete a ŋikaleŋeleŋe. Ekapolon Akuj a Ŋisirael adau alimun ŋun.”

Isa. 44:26

Ayoŋ esiyoonokini ŋakiro ŋuna irworosi ŋiketiyak kaŋ ka esiyoonokini ŋakiro ŋuna edwarete ŋikiyakya kaŋ; ayoŋ alimuni aŋuna a Yerusalem ebe, ‘Epote ŋituŋa akiboi alotooma keŋ’ ka ayoŋ alimu aŋuna a ŋitaunio a Yudaya ebe, ‘Edukokinio ikes nabo ka etonyouni ayoŋ ŋarwatatain a ŋakais kec ŋuna eritanakina.’

Isa. 55:1

Okoe, potu daadaŋ ŋulu ikinyamit akure, potu neni eya ŋakipi ka iyes ŋulu imamukatar ŋisiliŋa potu, potu togyela ka kimuja! Potu togyela epiini ka ŋakile emam ŋisiliŋa ka emam etyae a ŋisiliŋa.

Isa. 55:11

ikokini nenipei akirot kaŋ ŋina alimuni ayoŋ, nyeboŋuni neni kaŋ emam ibore eyakar, nai isiyookini ŋakiro ŋuna sek alimunitor ayoŋ iŋes ka kisiyook ŋuna eyakitor ayoŋ iŋes.

Yer. 23:20

Nyimyekini Ekapolon anaŋoit keŋ akisican, akitodol ŋina isiyookinio ka itiyakinia ŋakiro ŋuna eya natameta keŋ. Alorwa a ŋulu esidyok, iyenunete iyes ŋakiro ŋun ejok.

Yer. 26:15

Nai toyenete kire jik atemar, kikiar iyes ayoŋ, eyakaun ekaile ŋolo ka akiar ituŋanan ŋini nyesecit neni kus ka neni a etaun a lo ta neni a ŋituŋa a daadaŋ a ŋulu iboiyete alotaun a lo, anerae ŋuna a kire ikes nu, erae Ekapolon iŋes ekeyakuunit ayoŋ neni kus alimokin iyes ŋakiro ŋun kiirasi iyes.”

Yer. 28:17

Ekaru ŋolopei ŋol, elap ŋolo a ŋikanikaarei, abu ekadwaran Anania totwan.

Yer. 32:24

Kiŋolik, ŋakititisyo ŋuna edukunitoe kidiama, ŋuna irikaunitere etaun ecamitae akikamar. Kiŋolik etaun neni ikoni, aapiki ŋituŋa a etaun ejie, akoro ka edeke, aapuu etaun akipotokin napedor a Ŋibabiloniyae a ŋulu itijiete iŋes. Eyookin ŋakiro ŋuna ibu iyoŋ tolimu lopite ŋolo iteo iyoŋ alope.

Yer. 36:28

“Tolemu ekitaabo ece ikigir ŋakiro ŋunapei egiritae lokitaabo ŋolo ke ekiŋaren ŋolo abu Yeoiakim erwosit a Yudaya kicunya.

Yer. 39:16

“Tolot, tolimok Ebed-Melek Esiopiait ebe, ‘Ebala Ekapolon ŋolo a ŋajoresyo, Akuj a Ŋisirael, alosi ayoŋ akisiyookin ŋakiro kaŋ aŋuna ke etaun a lo aŋuna ka aronis keŋ meere aŋuna ka ajokis keŋ, iyookin ŋakiro ŋun akoloŋit ŋin toyai iyoŋ.

Yer. 4:4

Okoe ŋituŋa a Yudaya ka ŋulu iboiyete alo Yerusalem, kiricakisi acamunet kus ka ayoŋ Ekapolon kus, kitaleutu ŋawat kus aŋuna kaŋ. Ani pa kitiyata iyes ŋun, ebuni anyunyura kaŋ neni kus erirae ikwa akim, enomiyari ibore daadaŋ ka emam ituŋanan ituduŋe iŋes, itiyakinosi ŋun aŋuna ka aronis a ŋina itiyaete iyes.”

Yer. 44:2

Tema Yeremia, “Alimu Ekapolon ŋolo a ŋajoresyo, Akuj a Ŋisirael ebe, ‘Iŋolikis iyes ŋilopeyek ŋican ŋulu abu ayoŋ oyau neni a ŋituŋa a Yerusalem ka lotuŋa ŋulu a ŋitaunio a Yudaya a daadaŋ. Kiŋolikisi ŋakiboisyo ŋun tokona, erae ŋireŋoroto, mam ituŋanan iboi alotooma kec,

Yer. 44:28

Ani ŋulu epuunosi alokileŋ eboŋorete anakwap a Ijipit Yudaya, erae ŋidikudyo, tosodi nai eyenunete ŋipiya a Ŋiyudayan ŋulu apotu toloto akiboi alo Ijipit ŋakiro ŋun atemar ŋakiro a ŋae eyookin aŋuna kec, kori aŋuna kaŋ.

Yer. 44:29

Ebala Ekapolon, ‘Erae akitoodikinet atemar abuni ayoŋ akisican iyes anakibois a na, ikotere iyenuniata iyes atemar iyookin kire jik ŋakiro kaŋ ŋuna alimu ayoŋ aŋuna kus:

Yer. 44:6

Aŋun, abu anyunyura kaŋ ka aŋoit kaŋ toyakaun lotaunio a Yudaya daadaŋ ka lorotin a Yerusalem, apotu ŋitaunio ŋul toruworos ŋicaryo ka ŋireŋoroto lopite ŋolo eyakatar tokona.

Yer. 5:14

Aŋun, alimu Ekapolon Akuj ŋina etiron ŋakiro nu, “Aŋuna alimunioto ŋituŋa ŋakiro ŋun, esikwaanikini ayoŋ akirot ŋina ilimuni iyoŋ ka akim, esikwaanikini ayoŋ ŋituŋa ŋul ka ŋakito, ido enomiyari akim ikes.

Aum. 1:18

Ebasi ŋituŋa a Yerusalem, “Erae Ekapolon ŋolo iyookino, nai isua aŋeri ŋakiro keŋ. Topupokisi mono iyes ŋituŋa daadaŋ; kiŋolikisi ŋican ŋulu ikiryamunit isua. Arikor nakwapin ŋisorok ka ŋasorok kosi.

Aum. 2:17

Etiya tokona Ekapolon ŋuna sek acamit akitiya; esiyook ŋakiro keŋ ŋunakoloŋ aris kitemok atemar kitiyakin. Ikimunya iŋes iwon emam akisyon, ainaki ŋimoe alelyan aŋuna ka akiloun iyes, ainaki agogoŋu neni a ŋimoe kus.

Aum. 3:42

“Ikisec isua ka adaun isua akiŋer iyoŋ, ido nyisyonio iyoŋ isua.

Esek. 20:43

Itamunete nai iyes a nen ŋipitesyo ŋulu kipotu iyes toyakaunotor ka ŋakiro daadaŋ ŋuna imunaaryata iyes ŋawat kus. Ikiinakinete iyes ŋakiro ŋuna aronok daadaŋ ŋuna itiyata iyes ajamakin ŋawat kus.

Esek. 37:11

Tema nai Ekapolon neni kaŋ, “Lokoku a ituŋanan, isikwaanitae ŋakoyo nu ka Ŋisirael daadaŋ. Ebasi Ŋisirael, ‘Aoko ŋakoyo kosi deu ka adaun akigeno aneni kosi, nyeriŋa ikimisitae isua.’

Dan. 4:28

Apotu ŋakiro ŋun daadaŋ kitiyakinos neni a erwosit Nebukadinesar.

Osea 5:9

Akoloŋit ŋina ka atubokino, eruwor Epuraim ereŋorot. Alimu ayoŋ ŋuna erae kire neni a ŋikabilae a Isirael.

Osea 9:15

Ageuni aronis kec daadaŋ alo Giligal, abu ayoŋ ogeu akitidiŋ ikes a nen. Aŋuna ka aronis a ŋiticisyo kec, eritari ayoŋ ikes alo Kai kaŋ, nyeriŋa nabo ayoŋ aminakini ikes, akaŋero ayoŋ ŋikapolok kec daadaŋ.

Amos 9:10

Earyo a ekileŋ ŋikasecak daadaŋ alotuŋa kaŋ, earyo ikes daadaŋ ŋulu irworosi atemar, nyecamakini Akuj ŋican epote neni kec.’ ”

Sakar 1:7

Ani edoli ŋirwa ke elap ŋatomoniarei ka ŋiomwon, elap ŋolo a ŋitomon ke epei, ŋolo enyaritae Sebat, torae ekaru ŋol ŋolo a ŋiarei ipukat Darius, abu akirot ke Ekapolon bu neni a Sakariya alokoku a Berekia aŋolo arai lokoku a Ido.

Mal. 3:18

Iŋolikinete nai iyes nabo atyaketait ŋina eyai kidiŋ ŋulu iyookino ka ŋulu nyiyookino, kidiŋ ŋulu itiyanakinete Akuj ka ŋulu nyitiyanakinete.”

Ekim. 23:19

Nyirworo Akuj alyokonu ikwa ituŋanan, ka nyiloconokini Akuj ikwa ituŋanan ŋatameta keŋ. Ŋuna daadaŋ iikini iŋes isiyookini, ŋuna daadaŋ elimuni iŋes, itiyakini

Ekim. 32:23

Nai ani pa kitiyata iyes ŋun, isecete iyes aneni ke Ekapolon, ido emaikina toyenete atemar ikisicanio iyes aŋuna ka asecit kus.

Ekim. 33:56

Tosodi pa kiritasi iyes ŋituŋa ŋul etiyae ayoŋ neni kus ŋuna sek ayeunit ayoŋ akitiya neni kec.’ ”

Mat. 24:35

Edaunosi nakuj ka akwap, nai nyedaunosi ŋakaakiro jik.

Ŋikis. 28:15

“Ani pa kiwuapa iyes ejok ŋakiro ŋuna ke Ekapolon Akuj kus kirica ŋakiciketa keŋ ka ŋikisila keŋ, ŋakiro ŋuna etubunit iŋes ŋuna ekecik ayoŋ iyes akiwuap nakoloŋit na, iryamunete nai iyes ŋilam lu daadaŋ:

Ŋikis. 28:2

Ani Kiwuapa iyes ŋakiro ŋuna ke Ekapolon Akuj kus iryamunete iyes ŋarereŋisyo nu ka eruwor ŋuna kus:

Ŋikis. 28:20

“Ikiyakikini Ekapolon iyes ŋican, akuryanu ka akadanakin aloticisyo a daadaŋ a ŋulu ikatakinete iyes akitiya, tari ŋina imunyarotor iyes todaunos atipei, aŋuna a ŋiticisyo kus a ŋulu aronok, anerae ikiesikis iyes ayoŋ.

Ŋikis. 28:45

“Iryamunete iyes ŋilam ŋul daadaŋ, ikiwuapete ka eyakaun neni kus tari ŋina imunyarotor iyes, anerae nyiwuapa iyes ŋakiro ŋuna ke Ekapolon Akuj kus, anakiricakinit ŋakiciketa keŋ ka ŋikisila keŋ ŋulu abu iŋes ikicik iyes akiricakin.

1 Ŋites. 5:4

Nai ŋikaitotoi, nyiyakasi iyes nakiryonut, aŋun nyikiŋesari iyes Akoloŋit ŋin ikwa ekokolan.