Sakar 1:4 - Ebaibul

⁴ Nyikwaanikinosi ka atapapaa kus, a ŋulu apotu ŋikadwarak paaran kiserakis ŋakiro nu ebe, ‘Ebala Ekapolon ŋolo Etiron, toboŋutu alopitesyo kus a ŋulu ka aronis ka anakitiya aronis. Nai apotu ikes nyiirasi ŋun, kori nyiwuapakis ŋakiro kaŋ.’

Sakar 1:4 Iomraidhean Croise

2 Ŋakiro a ŋirwa 30:6

Analimunet ke erwosit ka ŋikapolok, apotu ŋituŋa ŋulu eyakitae toloto Isirael daadaŋ ka Yudaya daadaŋ, yaasi ŋabaruwae ŋuna egiritae ŋakiro nu, “Okoe Ŋisirael, toboŋutu neni ke Ekapolon Akuj ka Aburaam, a Isaka ka Isirael, ikotere Akuj ebuni neni kus a ŋulu idoŋito, a ŋulu ipotu toiunos anapedor a ŋirwosi a ŋulu ka Asiriya.

2 Ŋakiro a ŋirwa 30:7

Nyikwaanikinosi ka atapapaa kus ka ŋiyeneta kus ŋulu apotu tojoŋoto akikinyomit neni ke Ekapolon Akuj atapapaa kec, ido abu Akuj kituruwo ikes ŋulu ikiinakinete aumokin lopite ŋolo iteoto iyes tokona.

2 Ŋakiro a ŋirwa 34:21

“Toloto toanyutu aneni ke Ekapolon ŋakiro ŋuna ekekamunito ayoŋ ka ŋituŋa ŋulu idoŋito Isirael ka Yudaya, anakiro a ŋuna igirir lokitaabo lo ŋolo arukaun. Ikiŋoikinit nooi Ekapolon iwon, anerae apotu atapapaa yok towout akiwuap ŋakiro ŋuna a Ekapolon, nyitiya ikes lopite ŋolo ecamuna ka ŋuna daadaŋ igiritae tooma lokitaabo lo.”

Esir 9:7

Ameun alorwa atapapaa kosi tari tokona, ikiya isua jik lokaile ŋolo apolon nooi aŋuna a ŋasecisya kosi, aponi ikipotokin isua ka ŋirwosi kosi ka ŋisacaradotin kosi napedor a ŋirwosi a ŋakwapin, ikotere ikiaryo a ekileŋ, ikirikoryo ikirae ŋirikon, ikidemaryo ŋiboro ka ikiteryamunio ŋileec ŋulu apolok nooi, lopite ŋolo eyakatar ŋakiro tokona.

Neem. 9:16

“Nai apotu atapapaa kosi kiturokinos, tosodo kitogogo ŋakyes kec ka nyiwuap ŋakiciketa kon;

Neem. 9:26

“Kikote neni daŋ, apotu ikes nyiwuapa ŋakiro kon ka apotu itoŋero iyoŋ tojamuwasi ŋikisila kon ka toara ŋikadwarak kon ŋulu apotu tolimokis ikes akimyekin ŋuna aronok ŋuna etiyaete ikes ikotere eboŋunete neni kon, apotu daŋ ikes ikiyanya iyoŋ nooi.

Neem. 9:30

Alotooma ŋikaru ŋulu alalak, ibu iyoŋ kidaŋidaŋ ŋakiro kec. Alotooma etau kon, ibu iyoŋ tolimonok ikes aneni a ŋikadwarak akimyekin akitiya ŋuna aronok, nai apotu nyecamut akiirar ŋakiro kon. Aŋun, ibu iyoŋ kipotok ikes napedor a ŋituŋa a ŋakwapin.

Ŋikiru. 78:8

Nyikwaanikinosi ikes ka atapapaa kec, anyamet ŋina a ŋasyanisya ka ŋikaŋerok, ŋulu pa etopoloorito Akuj alotai kec, ŋulu pa ekinyomito Akuj alotai kec.

Isa. 31:6

“Okoe ŋituŋa a Isirael, toboŋosi neni a Akuj a ŋina ipotu iyes tolukis nooi.

Yer. 18:11

Aŋun tokona, tolimok ŋituŋa a Yudaya ka ŋulu iboiyete alo Yerusalem ebe, ‘Alimu Ekapolon atemar, kiirasi, ikikwaan ayoŋ ka ekayan ŋamoti, aye ayoŋ akisicanet aŋuna kus ka etemonokini ŋuna ekemania iyes. Tokona kilocokisi iyes daadaŋ ŋipitesyo kus ŋulu aronok ka kitojokutu ŋipitesyo kus ka ŋiticisyo kus.’ ”

Yer. 23:22

Nai ani kerae toyakas ikes neni erworor ayoŋ, kepedorito ikes akiserakin ŋakiro kaŋ lotuŋa kaŋ ka kisimyekinito ŋituŋa akiwuapit ŋipitesyo kec ŋulu aronok ka akitiya ŋiticisyo kec ŋulu aronok.”

Yer. 25:8

Aŋun, alimu Ekapolon ŋolo a ŋajoresyo ebe, “Aŋuna pa aponere iyes kiwuapae ŋakiro kaŋ,

Yer. 26:5

pa kiirasi ŋakiro a ŋiketiyak kaŋ a ŋikadwarak a ŋulu eyakuununui ayoŋ neni kus atipei, a ŋulu nyiirara iyes ŋakiro kec,

Yer. 3:12

Tolot kiserak ŋituŋa ŋulu alowae a ŋolo alo kuju ŋakiro nu atemar; toboŋutu, iyes ŋituŋa a Isirael ŋulu emam anupit, nyarubakini ayoŋ ekete iyes akaŋoikinit, anerae arae ayoŋ ŋolo esyonion, nyarubakini ayoŋ aŋoit ŋikaru ka ŋikaru.

Yer. 3:14

Okoe ŋidwe ŋulu emam anupit, toboŋutu neni kaŋ, anerae arae ayoŋ Ekapolon kus. Akayaari ayoŋ iyes, ipei alotaun, ŋiarei alokal, okoya iyes lotaun Sion.

Yer. 35:15

Adau ayoŋ akiyakuun neni kus ŋiketiyak kaŋ ŋikadwarak daadaŋ, arubakinit eyakuununui ikes neni kus abala, ‘Iyes daadaŋ kimyekisi ŋiticisyo kus ŋulu aronok, kilocokisi ŋiticisyo kus ŋulu aronok ka nyiwuapa ŋakujo ŋace, nyitiyanakis ikes, ikotere iboiyete anakwap a ŋina abu ayoŋ okoinak iyes ka atapapaa kus.’ Nai nyiirara iyes ŋakiro kaŋ ka nyiwuapa acamit kaŋ.

Yer. 4:1

Irworo Ekapolon ebala, “Okoe ŋituŋa a Isirael, ani kiboŋut iyes neni kaŋ, ani kilemasi iyes asiilyo kus alokiŋaren kaŋ ka pa kikimyekis iyes nabo ayoŋ,

Yer. 44:16

“Nyikicamuni isua akiirar ŋakiro ŋuna idau iyoŋ alimokin isua alokiro ke Ekapolon.

Esek. 14:6

“Aŋun, tolimok Ŋisirael atemar ŋakiro ŋuna irworo Ekapolon Akuj ikes nu, ‘Tokiwa asecit kus, ido toboŋutu aneni aŋakujo kus ka kikoŋosi akitiya ŋuna ka asiilyo daadaŋ ŋuna itiyaete iyes.

Esek. 20:18

“Abu ayoŋ olimok ŋidwe kec analoŋisat ebe, ‘Nyiwuapa ŋakiro ŋuna ebasi ŋikauruunak kus, kori nyiwuapa ŋikisila kec, kori nyimunaasi ŋawat kus a ŋakujo kec.

Esek. 33:11

Tolimok Ŋisirael atemar, ebala Ekapolon Akuj ebe, Ikwapei ayarya ayoŋ, nyalakara ayoŋ etwani ituŋanan toriŋa eyai naronis, nai emaikina ŋini eyai naronis toŋer akiwuapit ŋuna aronok, ido toyar. Toŋero, toŋero akiwuapit ŋuna aronok! Okoe Ŋisirael, kaanukiro icamitotor iyes atwakare?

Esek. 33:4

ani nai kiira ituŋanan eli nai nyeten akitiya ŋadi, ido todolut ŋimoe toara ikes, eruwor atwanare kec nakou kec a ŋilopeyek.’

Dan. 9:6

nyepupokina isua ŋakiro ŋuna irworosi ŋiketiyak kon ŋikadwarak, ŋulu apotu kirworo alokiro kon neni a ŋirwosi kosi, a ŋikarikok, atapapaa kosi ka neni a ŋituŋa a daadaŋ a ŋulu ka akwap a na.

Osea 14:1

Okoe Ŋisirael, toboŋutu neni ka Akuj kus, anerae imunaarosi iyes aŋuna a ŋasecisya kus.

Amos 5:24

Nai, torubakisi itiyaete ŋuna ajokak jwi jwi ka ŋuna iyookino jwi jwi.

Mika 2:6

Ebasi ŋikadwarak kec neni kaŋ ebe, “Nyikilimonok isua ŋakiro ŋun daadaŋ. Nyelemari Ekapolon ajokis keŋ aneni kosi.

Sakar 1:3

Aŋun, tolimok ŋituŋa atemar ebala Ekapolon ŋolo Etiron ebe, ‘Toboŋutu neni kaŋ, ido aboŋuni ayoŋ daŋ neni kus.’

Sakar 7:7

Meere mono ŋakiro ke Ekapolon ŋuna apotu ŋikadwarak ŋulu esyaunak kiserata apaki ŋina eboiyoto alokisil ka anakiyar a ŋina ajokan ŋituŋa ŋulu a Yerusalem ka ŋulu a ŋitaunio a ŋulu edunyatar iŋes kaapei ka ŋituŋa ŋulu a Negeb ta ŋulu alomito nakejen a ŋimukura a ŋulu alo To a?’ ”

Ŋitic. 26:20

Nai abu esileereu nu, neni a ŋituŋa a daadaŋ akisyakin mono alo Damasko, tosodi nai alo Yerusalem ka akwap daadaŋ ŋina a Yudeya tari lobukui ŋulu nyerae Ŋiyudayan. Abu olimonok atemar itemokino ikes tokiwa ŋakecesecisya kibelekinos neni ka Akuj, kitiyata ŋuna itoodiunete atemar kekiwa ikes.

Ŋitic. 3:19

Tokiwa nai, kibelekinos neni ka Akuj, ikotere ikisari iŋes ŋasecisya kus. Kitiyata ŋun, ikotere epote aneni ke Ekapolon ŋarwa ŋuna itogogoŋere ŋitai kus.

1 Pet. 1:18

Anerae iyenete iyes ibore ŋini atacaryo, ikotere itolakunere iyes alopitesyo a ŋulu ka akiyar kus a ŋina amam ajokis, a ŋina iryamunete iyes aneni atapapaa kus. Pa arae ibore ŋin, ŋini epedoryo akinyasun ikwa esilipa kori egolid;