Sakar 1:17 - Ebaibul

¹⁷ Kisera jik atemar ŋakiro ŋuna irworo Ekapolon ŋolo Etiron ikes nu, ‘Ilelebun nabo ebari lotaunio kaŋ; isirworiuni nabo Ekapolon Sion, ido eseuni nabo Ekapolon Yerusalem ikwapei etaun keŋ.’”

Sakar 1:17 Iomraidhean Croise

2 Ŋakiro a ŋirwa 6:6

Nai aseu ayoŋ Yerusalem, ikotere ekiro kaŋ toyakaun nen ka aseu ayoŋ Daudi kipuka ŋituŋa kaŋ Ŋisirael.’

Neem. 11:20

Eboiyete Ŋisirael ŋuluce daadaŋ, ŋisacaradotin ka ŋilepi alotaunio a daadaŋ a ŋulu a Yudaya anakiboisyo a ŋuna sek aponi tokorakinae ikes.

Neem. 11:3

Erae lu ŋikarikok a ŋituŋa akwap a ŋin ŋulu eboiyete alo Yerusalem, nai eboiyete alotaunio a Yudaya Ŋisirael ŋuluce, ŋisacaradotin, ŋilepi ŋiketiyak a Akai ka Akuj ka ŋiletok a ŋiketiyak a Solomon ka analup ka alotaunio kec.

Ŋikiru. 69:35

anerae eiuni Akuj Sion, edukokinio nabo ŋitaunio ŋulu a Yudaya; ido iboikinosi ŋituŋa keŋ nen, toruwor akwap ŋin ŋina kec;

Isa. 14:1

Nai isyoni nabo Ekapolon ŋiletok a Yakob ka eseuni nabo Ŋisirael, iwuakini ikes nabo nakwap kec, epote ŋituŋa ŋulugelae akiboi kaapei ka ŋiletok a Yakob.

Isa. 44:26

Ayoŋ esiyoonokini ŋakiro ŋuna irworosi ŋiketiyak kaŋ ka esiyoonokini ŋakiro ŋuna edwarete ŋikiyakya kaŋ; ayoŋ alimuni aŋuna a Yerusalem ebe, ‘Epote ŋituŋa akiboi alotooma keŋ’ ka ayoŋ alimu aŋuna a ŋitaunio a Yudaya ebe, ‘Edukokinio ikes nabo ka etonyouni ayoŋ ŋarwatatain a ŋakais kec ŋuna eritanakina.’

Isa. 49:13

Okoe iyes ŋisubuna ŋulu alokidiama, toeikisi ka alakara, okoe iyes ŋisubuna ŋulu alokwap, tocelutu ka alelelyanu; okoe iyes ŋisubuna ŋulu iya lomoru tocelutu ieosi, anerae esirworiu Ekapolon ŋituŋa keŋ ka isyoni ŋituŋa keŋ ŋulu eryamunito ŋican.

Isa. 51:12

Arae ayoŋ ŋolo ekesirworiuni iyes; kaanukiro nai ikuryanitotor iyes aŋuna a ŋituŋa a ŋulu epedorete atwakare, a ŋituŋa a ŋulu eŋopiyarete lopite ŋolo eŋopiyareta ŋinya?

Isa. 51:3

Isirworiuni Ekapolon ŋituŋa a Sion; itojokuni ŋakiboisyo kec daadaŋ ŋuna apotu toruworos ŋacaryo ka ituruwori aloŋisat kec akibois ŋina ajokan ŋina ikoni Eden, kikwaanikin aloŋisat kec ka emanikor a Ekapolon. Eyakaun alelyanu ka alakara Sion, eokinete ŋituŋa a nen ŋieosyo ŋulu ka alakara.

Isa. 52:9

Toeikisi iyes daadaŋ kaapei, ŋaduketa a Yerusalem ŋuna eritakinitae kwap, anerae eŋarak Ekapolon ŋituŋa keŋ, ido alaku iŋes Yerusalem.

Isa. 54:8

Abu ayoŋ ananyunyura kaŋ a ŋina alalan ewua ereet kaŋ aneni kon, nai anamina kaŋ a ŋina a ŋikaru ka ŋikaru, ekesyoni ayoŋ iyoŋ.

Isa. 66:13

Ikwaŋina imaimaya toto ikoku keŋ, ayoŋ daŋ ekemaimai iyes, ekemaimai ayoŋ iyes alo Yerusalem.”

Yer. 31:13

Elelyanete nai ŋasorok alodoŋa elakarosi ŋisorok ka ŋikasikou, elocokini ayoŋ akiyaloloŋ kec toruwor alelyanu, esirworiuni ayoŋ ŋitai kec, oinak ikes alakara akilo akiyaloloŋ.

Yer. 33:13

Eyakaun ŋamesekin ŋuna epote ŋikeyokok akimar lotaunio a akwap a ŋina a ŋikamukumukui, Sepela, Negeb, nakwap a Benjamin, nakiboisyo ŋuna alodiyete Yerusalem ka lotaunio a Yudaya.”

Yer. 33:9

Eruwor ŋituŋa a etaun a lo ŋulu eyakatar ekiro ŋolo ka alelyanu, ŋulu ipuroi ka ŋulu itopolooritae alokiŋaren ŋituŋa a ŋakwapin a daadaŋ a ŋuna iirarete ŋakiro ŋuna ajokak daadaŋ ŋuna etiya ayoŋ neni kec. Itopoloorete ŋituŋa a ŋakwapin ŋituŋa a Yerusalem ka emaranete alokiŋaren kec aŋuna ka abaru a daadaŋ a ŋina ainakini ayoŋ ŋituŋa a Yerusalem.

Esek. 36:33

“‘Alimu Ekapolon Akuj atemar, akoloŋit ŋina eketaleunio ayoŋ iyes anasecisya kus a daadaŋ, ewuakini nabo ayoŋ ŋituŋa kiboikinos lotaunio ka edukokinio nabo ŋakiboisyo ŋuna apotu toruwor ŋakoŋinae.

Amos 9:14

Enyakuni ayoŋ ŋituŋa kaŋ Ŋisirael nakwap kec, edukokinete ikes nabo ŋitaunio kec ŋulu aponi kinyasunae, ido kiboikinos tooma ŋitaunio ŋul, itaete ikes ŋimanikorin kec ŋulu ke epiini, ido tomata epiini kec. itaete ikes ŋimanikorin kec, ido tonyama ŋaraito kec.

Obad. 1:20

Anyoun alo Poenicia akitodol Sarepat, eruwor nen neni a Ŋisirael a ŋulu eya Kanaan, a ŋulu ielaritae analup kec; eruwor ŋitaunio ŋulu Negeb, ŋulu a ŋituŋa a Yerusalem a ŋulu eya Separad, a ŋulu ielaritae alo Yerusalem.

Sakar 1:14

Tema nai emalaika ŋolo ikirworo ka ayoŋ neni kaŋ, “Kisera ŋakiro nu, ‘Amina ayoŋ nooi Yerusalem ka Sion,

Sakar 1:18

Abu nai ayoŋ eŋoliya kidiama, eŋolik alokiŋaren kaŋ ŋamomwar ŋaomwon.

Sakar 2:12

Eruwor Yudaya atutubet ŋina erae ŋina ke Ekapolon anakwap a ŋina asegan, ido eseuni iŋes nabo Yerusalem.

Sakar 2:4

Tema neni keŋ, “Tomotun, tolimok esorokit ŋol ŋolo eyakar akipimet ebe, ‘Ebala Ekapolon, eruwor Yerusalem etaun ŋolo emam ŋarwatatain aŋuna alalauniata nooi ŋituŋa keŋ ka ŋibaren keŋ.

Sakar 3:2

Tema Ekapolon neni a Satan, “Okoe Satan, Ekapolon elope ikiyayakini iyoŋ! Ekapolon ŋolo aseu Yerusalem iŋes ikiyayakini iyoŋ! Nyikwaan mono ekile lo ke emacar ŋolo enepi ŋolo elemunio anakim a?”

Ŋiep. 1:4

Tari eriŋa akwap nyesubuna, aris Akuj kikiseu iwon alotooma Kristo aruwor ŋulu keŋ, ikotere nai ikipedori iwon ayakau kiŋaren keŋ ikirae ŋulu ikisegak alotai ka ŋulu ikiyookino alokiŋaren keŋ.