Sakar 1:16 - Ebaibul

¹⁶ Aŋun ŋakiro ŋuna irworo Ekapolon ikes nu, ‘Aboŋuni ayoŋ Yerusalem esyoni iŋes, ido edukokinio nabo Akai kaŋ nen. Ebutari etaun Yerusalem daadaŋ.’

Sakar 1:16 Iomraidhean Croise

Yob 38:5

Ŋae ewuakini alalau a akwap? Kire jik, iyeni iyoŋ a? kori ŋae epimi etyae keŋ?

Isa. 12:1

Ebuni akoloŋit ŋina eokinioto ŋituŋa ebasi, “Okoe Ekapolon, alakar ayoŋ neni kon, anerae tari ŋina iŋoitor iyoŋ aŋuna kaŋ, ibu iyoŋ tojoŋo aŋoit aŋuna kaŋ ka ibu iyoŋ ikisirworiu ayoŋ.

Isa. 34:11

Nai eruwor nen akibois a ŋitulae ka ŋapupui; iboiyete a nen ŋitulae ka ŋikurukwa. Ituruwori Ekapolon akwap a Edom neni eburusiyarit akiguro, eruwor nen neni igerokino egurigur ka neni igerokino ekasile.

Yer. 30:18

Alimu Ekapolon ŋakiro nu ebe, “Enyakari ayoŋ ŋituŋa kaŋ nakwap kec, ido esyoni ŋikalya daadaŋ, edukokinio Yerusalem nabo, inyakakinio akai ŋina ka apukan nakibois ŋina pei sek ayai.

Esek. 40:3

Ani akayauni ayoŋ Ekapolon nen, abu ayoŋ eŋolik ekile a nen ŋolo amilimili ikwa eburonis, awoi iŋes alopuke, ayakar nakan keŋ ausi ŋina amilimilan ka eoot ŋolokipimet.

Esek. 47:3

Abu ekile ŋol torotok a nen etiŋit akipimet, tolot lowae ŋolo alo Kide, kipimu ŋimitae ŋamiae ŋakan aneni aya ŋakipi, ido okoriko ayoŋ eketoryo nakipi, adolito ŋakipi ŋun lotobolae kaŋ.

Esek. 48:35

Emaikina alolomu a etaun irimokini cib erae ŋimitae ŋalipyo ŋakanikaomwon. Akisyakin apaki ŋin, enyarao ekiro a etaun ebe, “Eyai Ekapolon nen.”

Agai 1:14

Aŋun, abu Ekapolon kisimukek ekepukan a Yudaya ŋolo anyaritae Serubabel, lokoku a Sealtiel ka esacaradoti ŋolo Apolon nooi ŋolo anyaritae Yosua lokoku a Yeosadak ta ŋituŋa daadaŋ ŋulu kideuna erikoryo ŋuluce nakwapin a ŋimoe kec, tocunakin ikes daadaŋ, kisyakis akiduk Akai ke Ekapolon Akuj kec ŋina Etiron.

Sakar 10:6

“Eturuwori ayoŋ ŋituŋa a Yuda ŋulu egogoŋ, aiuni ayoŋ ŋituŋa a Isirael. Esyoni ayoŋ ikes, ido enyaku ikes daadaŋ nakwap kec; ikwaanikin ikes ka ŋituŋa ŋulu sek pa aŋerit ayoŋ. Arae ayoŋ Ekapolon Akuj kec; aboŋokini ayoŋ ŋuna iŋitasi ikes.

Sakar 2:4

Tema neni keŋ, “Tomotun, tolimok esorokit ŋol ŋolo eyakar akipimet ebe, ‘Ebala Ekapolon, eruwor Yerusalem etaun ŋolo emam ŋarwatatain aŋuna alalauniata nooi ŋituŋa keŋ ka ŋibaren keŋ.

Sakar 2:5

Ayoŋ elope aruwor arwatata ŋina ikwaan ka akim, arwatata ŋina irimokinit Yerusalem kidiŋ, ido ayoŋ elope apolokini.’ ”

Sakar 2:6

Tolimok Ekapolon ŋituŋa keŋ tema, “Potu! Potu! Tomotunos anakwap a ŋina alo Kuju, anerae abu ayoŋ ekeala iyes lowaetin ka akwap daadaŋ.

Sakar 4:9

“Adau Serubabel adukokin akisyakinet ŋina ka Akai ka Akuj, irikakini iŋes akiduk Akai. Ani itiyakin ŋun, eyenunete nai ŋituŋa kaŋ atemar ayoŋ abu ekeyakiya iyoŋ neni kec.

Sakar 8:3

Aboŋuni ayoŋ Yerusalem lotaun kaŋ ŋolo asegan eboikin nen. Eyenunio iŋes erae etaun ŋolo eyai akikinyoma ka enyarao emukura ŋolo ke Ekapolon a ŋolo Etiron, emukura ŋolo asegan.