Sakar 1:12 - Ebaibul

¹² Kiŋit nai emalaika Ekapolon tema, “Ekapolon ŋolo Etiron, tari ori iwounit iyoŋ ainakin akisyon neni a Yerusalem ka lotaunio ŋulu a Yudaya, ŋulu irubak iyoŋ iŋoikinit tari tokona ŋikaru ŋatomonikanikaarei?”

Sakar 1:12 Iomraidhean Croise

2 Ŋakiro a ŋirwa 36:21

Aŋun, apotu ŋakiro ke Ekapolon ŋuna erworo ekadwaran Yeremia kiyookinos. Abala Yeremia ebe, “Idoŋi akwap a Yudaya emam ŋituŋa ŋikaru ŋatomonikanikaarei, ikotere etacakin lorwa ŋulu a Sabato, anerae kepotu ŋituŋa tojoŋoto akieŋunun ŋirwa ŋulu a Sabato.”

Ŋikiru. 102:10

erae ŋun aŋuna ka anyunyura kon ka aŋoit kon, anerae ikilema iyoŋ ayoŋ, ido ikicaka.

Ŋikiru. 102:13

Ibuni iyoŋ, ido kisyoni Sion, anerae adolu apaki ŋina isyonio iyoŋ iŋes. Adolu apaki ŋina etemokinitoe,

Ŋikiru. 69:5

Okoe Akuj, iyeni iyoŋ abaŋao kaŋ; iyeni iyoŋ ŋasecisya kaŋ.

Ŋikiru. 74:10

Okoe Akuj, apaki ŋina etya ai eayete ŋimoe kon ikijamuwarito iyoŋ? Erubakinete mono ŋimoe kon iyanyete ekiro kon ŋikaru ka ŋikaru a?

Ŋikiru. 79:5

Apaki ŋina etya ai okoe Ekapolon irubakinia iyoŋ ikiŋoikinit isua? Irubakini mono iyoŋ ikiŋoikinit isua ŋikaru ka ŋikaru a? Erubakini mono alilit kon enepi ikwa akim a?

Ekal. 3:3

eyai apaki ŋinaaret ka eyai apaki ŋina kitaŋaleet; eyai apaki ŋina etiyaarere ibore min kwap ka eyai apaki ŋina edukokinere;

Isa. 47:6

Abu ayoŋ oŋoik ŋituŋa kaŋ, abu ayoŋ etiya neni kec esibit nyerae ikes ŋituŋa kaŋ; abu ayoŋ oinak ikes napedor kon, ido ibu iyoŋ nyitoodik ikes akisyon; ibu iyoŋ totiŋ erono nooi tari ŋulu amojoŋito.

Isa. 63:9

alocan kec a daadaŋ. Pa arae ekiyakia kori emalaika, nai ayakau a Ekapolon kaapei ka ikes abu toiu ikes; abu iŋes anamina ka anakisyon keŋ tolaku ikes, abu todak ikes, kidar ikes ŋirwa daadaŋ ŋinapei koloŋ sek.

Yer. 12:4

Tari ori eonit akwap ka einito ŋinya anakwap? Aŋuna ka aronis a ŋina itiyaete ŋituŋa ŋulu iboiyete anakwap, adaun ŋityaŋ ka ŋikyeny, alimut ŋituŋa ebe, “Nyite Akuj ŋuna ikitiyae iwon.”

Yer. 15:17

Nyiboikino ayoŋ neni aya ŋulu emwomworete elakara, kori nyelelyana ayoŋ; eboi ayoŋ aneni kaŋ bon, anerae ibu iyoŋ ikisican ayoŋ, ibu iyoŋ kilelebik aŋoit lotau kaŋ.

Yer. 29:10

Ŋakiro a Ekapolon ŋuna alimu Ekapolon ikes nu ebe, “Abuni ayoŋ neni kus kelunyar ŋikaru ŋatomonikanikaarei ikipukat iyes erwosit a Babilon, esiyookini nai ayoŋ akiikinet kaŋ, ido ekenyaku iyes nakibois na.

Yer. 30:18

Alimu Ekapolon ŋakiro nu ebe, “Enyakari ayoŋ ŋituŋa kaŋ nakwap kec, ido esyoni ŋikalya daadaŋ, edukokinio Yerusalem nabo, inyakakinio akai ŋina ka apukan nakibois ŋina pei sek ayai.

Dan. 12:6

Abu epei kec tolimok ekile ŋolo anapit elou ŋolo amilimilan, ŋolo awoi alokidiama ŋakipi tema, “Apaki ŋina etya ai eayete ŋaumonokineta nu nyedauna? ”

Dan. 9:2

abu ayoŋ Daniel, ekaru ŋol oyenu alokitaaboi ŋakiro a Ekapolon aneni a Yeremia a ekadwaran, ŋakiro ŋuna ebookoi idoŋi Yerusalem esil ŋikaru ŋatomonikanikaarei.

Abak. 1:2

Okoe Ekapolon, tari ori akanyarit ayoŋ iyoŋ akiŋarakin ayoŋ nai nyipupi iyoŋ? Kori tari ori egworor ayoŋ abala, “Alalaari aryenyeo,” nai nyikiiuni iyoŋ isua?

Sakar 1:8

Abu Sakariya tema, “Abu ayoŋ anakiruja nakwaare eŋolik ekile emyat aŋole ŋina areŋan. Awoi ekile ŋol alokidiŋ ŋikito ŋulu ikwaan ka ŋikamurya, toyai nakadipaalat. Ayakasi kaku keŋ ŋaŋolei ŋuna areŋak, ŋuna oŋora areŋak ka ŋuna akwaŋak.”

Sakar 7:5

“Kiŋit ŋituŋa ŋulu ka akwap kon ka ŋisacaradotin ebe, ‘Ani mono apaki ŋina iponiata iyes kiredakis akiron ka kigworo elap ŋolo a ŋikan ka ŋolo a ŋikanikaarei ŋikaru ŋatomonikanikaarei ŋulu alunyarosi, arae mono kire aŋuna kaŋ iredakinitotor iyes akiron a?

Ŋibur. 7:25

Aŋun nai, epedori iŋes jik tokona ka jwi jwi aiun ŋulu daadaŋ epote neni ka Akuj itorunito neni keŋ, anerae eyari iŋes jik, ilipenene Akuj aŋuna a ŋituŋa a ŋul.

Akis. 6:10

Apotu ŋitai ŋul kiworout a etoil a ŋolo apolon temasi, “Ekapolon ŋolo etiron, ŋolo Asegan ka ŋolo a kire! Apaki mono ŋina etya ai iyai iyoŋ eriŋa nyebuno atubokin ŋituŋa ŋulu ka akwap, ido kisican ikes aŋuna ikiaryata isua?”