Rus. 4:6 - Ebaibul

⁶ Tema eyenet ŋol, “Nyapedori ayoŋ akiuryar, acepaki ajamakini ayoŋ ŋulu kaŋ ke elope; kiurya iyoŋ tari kerae sek ayoŋ emaikina eurya daŋ, anerae emam ayoŋ epite ŋolo kiuryaret.”

Rus. 4:6 Iomraidhean Croise

Akisy. 38:8

Tolimok nai Yuda Onan tema, “Ape kirum aberu alokaato kon, kitiya ŋun ikwapei eraakar iŋes aberu alokaato kon. Touru ŋidwe aŋuna alokaato kon.”

Ŋilep. 25:25

“‘Ani kekulyakan ipei a ŋituŋa kus, ido togyela ŋalup ŋun keŋ, emaikina iyenet keŋ bu tolaku ŋalup ŋun.

Ŋikis. 25:7

Nai ani pa kecamit ekile ŋol akirum aberu alokaato keŋ a ŋolo abu totwan, elosi apuserut ŋin neni a ŋikasikou, lopuke ŋolo ke etaun, tolimok ikes tema, “Ewounit lokaato a ekile kaŋ akiturubakin ekiro alokaato keŋ eyai Isirael, nyecamit iŋes akirum ayoŋ.”

Ŋikis. 25:8

Enyaraunete nai ŋikasikou lokaato keŋ a ekile a ŋolo abu totwan, ido kirworo neni keŋ. Ani kerubaki eŋerit ebala, “Nyacamit ayoŋ akiya iŋes toruwor aberu kaŋ,”

Ŋikis. 25:9

elosi nai apuserut ŋin neni alokaato alokile keŋ iteete ŋikasikou, tolacu amukat a ekile a ŋol apei, kimwaak ŋakimul loreet a ekile a ŋol, ido tolimu tema, “Ŋun itiyakinio neni a ekile a ŋolo nyecamit akiturubakin ekal alokaato keŋ eyai.”

Rus. 2:20

Tolimok Naomi nateran keŋ tema, “Kiterereŋ Akuj ekile ŋol, anerae nyimuryakina iŋes arimao keŋ neni a ŋulu eyarete ka ŋulu atwaka.” Tema Naomi neni a Rus, “Erae ekile ŋol eyenet yok, epei ŋolo eyakar apedor akiuryar iwon.”

Rus. 3:13

Toper tokona nakwaare ne, ido ani moi taparacu oanyutu erae kikiuryaari iŋes iyoŋ, ejok! Itemokino iŋes tocamu ŋun. Nai ani pa kecamit iŋes akiuryar iyoŋ, ŋun nai ekoŋio ayoŋ alokiro ka Akuj a ŋina eyari atemar ekeuryari ayoŋ iyoŋ. Toper akitodol taparacu.”

Rus. 3:9

Kiŋit iŋes aberu ŋin tema, “Ŋae iyoŋ?” Toboŋok Rus tema, “Ekapolon arae ayoŋ Rus, ido kimyekinae ayoŋ oruwor aberu kon, anerae irae iyoŋ eyenet alokile kaŋ. Aŋun, iyoŋ emaikina ikiurya ayoŋ.”