Rus. 4:10 - Ebaibul

¹⁰ Rus daŋ ŋina Moabit, aberu a Malon, adau ayoŋ acamun aruwor aberu kaŋ, torubakinia ekiro a ekasyon aneni a ŋinibore daadaŋ erae ŋini keŋ. Ikotere ekiro a keŋ nyeŋopiya aneni a ŋikaitotoi keŋ ka alotuŋa a ŋulu ka akibois keŋ. Irae iyes ŋisuudae nakuwar na.

Rus. 4:10 Iomraidhean Croise

Akisy. 29:27

Todautu mono esabit epei ka ŋin, ido ikiinakin ŋinace daŋ, kitiya neni kaŋ ŋikaru ŋice ŋikanikaarei.”

Akisy. 38:9

Nai aŋuna ayenia Onan atemar nyepedorete ŋidwe ŋul aruwor ŋulu keŋ, emianakini iŋes ŋaokot keŋ ebukonor kwap apaki daadaŋ ŋina iryamakinotor iŋes ka aberu alokaato keŋ; ikotere nyeuru ŋidwe anaberu alokaato keŋ.

Ŋikiru. 109:15

Emaikina nyimuryakis Ekapolon ŋasecisya keŋ jik, emaikina nyetamun ikes anakwap a na;

Ŋikiru. 34:16

Eremokino Ekapolon ŋulu itiyaete ŋuna aronok; ecamit alemar ikes anakwap, tojoŋoi atamunit.

Ŋakit. 18:22

Ituŋanan ŋini eyakar aberu, ayakaunor ibore ŋini ajokan, ido eryamuni ajokis aneni a Ekapolon.

Ŋakit. 19:14

Erae akai ka ebari ŋiboro ŋulu irumeneneo aneni a ŋikauruunak, nai eryamuni ituŋanan aberu ŋina arimaanan aneni a Ekapolon.

Isa. 48:19

Kelalak ŋidwe kus ikwa asinyon ka kelalak ŋiletok kus lopite ŋolo eyakar asinyon; pa keŋopiya ekiro kec anakwap, kori pa kemunyara ikes alokiŋaren kaŋ.”

Osea 12:12

Abu Yakob tosi nakwap ŋina ka Aram, abu kitiya a nen aŋuna ka aryamunia aberu, abu kiyok ŋamesekin aŋuna ka aryamunia aberu.

Osea 3:2

Aŋun, abu ayoŋ ogyelu aberu ŋin a ŋisilipae a ŋitomon ka ŋikan ka a ŋikinyom a ŋulu esibit erau a ŋulu arae ŋakiloi amiat ka ŋatomonikan.

Sakar 13:2

Ebala Ekapolon ŋolo Etiron ebe, “Akoloŋit ŋin, ekisari ayoŋ anakwap ŋirorwa a ŋakujo, ido nyetamunio nabo ikes jik. Alemari ayoŋ anakwap ŋulu itusubuna ŋikadwarak kaapei ka ŋulu ilipete ŋakujo.

Mal. 2:14

Nai iŋitasi iyes ibasi, ‘Kaanukiro?’ Erae aŋuna eraakar Ekapolon esuuda ŋolo eyeni atemar nyeriŋa iyoŋ ikinyomit aberu ŋina ibu iyoŋ kiit eriŋa irae esorokit. Arae sek aberu ŋin ŋina irukito ka iyoŋ ejok, ido tokona nyeriŋa iyoŋ ikinyomit iŋes tari daŋ ŋina ibunio iyoŋ kiik Akuj ekiŋaren atemar ikinyomi iŋes.

Ŋiep. 5:25

Ŋikilyok, tominas ŋaberu kus, ikwaŋina aminar Kristo Ŋikristo, ido tojal akiyar keŋ aŋuna kec.

Ŋikis. 25:6

Ikoku ŋinisapat ŋini a ekiŋaren ŋini euruunete ikes, elimokinio ekiro a ekile a ŋolo sek atwani, ikotere nyeŋopiya ekiro a ekile a ŋol alo Isirael.

Ŋibur. 13:4

Itemokino ŋituŋa daadaŋ kitopoloorito ekiitanu. Itemokino ŋikilyok ka ŋaberu torae ŋulu ikinyoma make, anerae etubokini Akuj ŋulu emalaaka ka ŋikalomak.

Yos. 7:9

Ŋina tokona edolyoto ŋakiro nu neni a Ŋikanaani ka ŋituŋa ŋulu ka akwap kec daadaŋ, ikirimokinete ikes isua kidiŋ kitiyata ŋuna nyiirarere nabo jik ekiro kosi anakwap. Nyaanu tokona ŋakiro ŋuna itiyae iyoŋ torubakinia ekiro kon itopolooritae?”

Rus. 4:9

Tolimok Boas ŋikasikou ka ŋituŋa daadaŋ tema, “Nakuwar na, irae iyes ŋisuudae ŋulu iyenete atemar acamu ayoŋ akiuryar Naomi ka ibore daadaŋ ŋini sek arae ŋini a Elimelek ka daadaŋ ŋini arae ŋini a Kilion ka Malon.”