Rus. 3:12 - Ebaibul

¹² Nai tokona, tari karae ayoŋ kire eyenet, eyai eyenet ece ŋolo eapi ayena keŋ aneni alokile kon nooi akilo ayoŋ.

Rus. 3:12 Iomraidhean Croise

Mat. 7:12

Kitiyata neni a ŋuluce ŋuna icamito iyes ikes kitiyata neni kus; ŋun ikes erae apolou a Ŋikisila a Moses ka ŋakitatameta ŋuna a ŋikadwarak.

1 Ŋites. 4:6

Anakiro a ŋun nai, nyitemokino idiotuŋanan itiyae ŋuna aronok neni a lokaato keŋ alotooma Ekapolon, kori amodikin iŋes a ediopite. Adaun isua alimokin iyes ŋun ka agogoŋu eriŋa apaki, ikiteyenikin daŋ atemar ebuni Ekapolon akisican ŋulu itiyaete ŋun.

Rus. 2:20

Tolimok Naomi nateran keŋ tema, “Kiterereŋ Akuj ekile ŋol, anerae nyimuryakina iŋes arimao keŋ neni a ŋulu eyarete ka ŋulu atwaka.” Tema Naomi neni a Rus, “Erae ekile ŋol eyenet yok, epei ŋolo eyakar apedor akiuryar iwon.”

Rus. 3:11

Nai tokona nakoku, nyikuryaniar. Ŋuna daadaŋ ilimuni iyoŋ etiyakini ayoŋ neni kon, anerae eyenete ŋituŋa kaŋ daadaŋ atemar irae iyoŋ aberu ŋina ajokan.

Rus. 3:13

Toper tokona nakwaare ne, ido ani moi taparacu oanyutu erae kikiuryaari iŋes iyoŋ, ejok! Itemokino iŋes tocamu ŋun. Nai ani pa kecamit iŋes akiuryar iyoŋ, ŋun nai ekoŋio ayoŋ alokiro ka Akuj a ŋina eyari atemar ekeuryari ayoŋ iyoŋ. Toper akitodol taparacu.”

Rus. 4:1

Tonyou Boas tolot lotemu diyete epuke ke etaun kiboikin nen. Apaki ŋinapei, totubun eyenet ŋolo sek alimokinit Boas Rus. Tema Boas, “Iŋes lo, toriu laalo kiboikin ne.” Toriu ekile ŋol kiboikin.

Rus. 4:4

Abu ayoŋ otamak ebe itemokino ekesiira iyoŋ ŋakiro nu, ebe tocamu akiuryar emanikor ŋol epupete lu ŋulu iboiyete a ne ka alokiŋaren ŋikasikou lu ŋulu a ŋituŋa kaŋ. Ani kicamit akiuryar emanikor ŋol, kiurya; nai ani pa kiuryarii, tolimokinae ayoŋ, ikotere oyenu, anerae emam ice epol alokiŋaren kon ŋini iuryari iŋes, ekewuapit ayoŋ iyoŋ.” Tolimu ekile ŋol tema, “Euryari ayoŋ emanikor ŋol.”