Rus. 2:4 - Ebaibul

⁴ Apaki ŋin, bu Boas alo Betelem, kimala ŋikalemak tema, “Toyai Akuj neni kus.” Toboŋokis ikes temasi, “Ikiterereŋ iyoŋ Akuj.”

Rus. 2:4 Iomraidhean Croise

Akisy. 18:19

Nyemunoni, anerae adau ayoŋ aseun iŋes ikotere iciki ŋidwe keŋ ka ŋituŋa a ekal keŋ ŋulu iwuapete iŋes, kiwuapa erot ŋolo ke Ekapolon anakitiya ŋuna iyookino ka ŋuna ecamakinitae; ikotere nai isiyookini Ekapolon ŋuna adau akiikin Aburaam.”

Akisy. 28:3

Elipi Akuj ŋina Etiron ikiterereŋ iyoŋ ikiinak ŋiletok ŋulu alalak, ikotere toruwor papa a ŋituŋa a ŋakwapin.

1 Ŋakiro a ŋirwa 2:51

Saluma ŋolo abu kisyak Betelem ka Arep ŋolo abu kisyak Bes-Goder.

Ŋikiru. 118:26

Erereŋ ŋini ebunit alokiro ke Ekapolon. Ikilakar isua neni kus a ŋulu iponito Kai ke Ekapolon.

Ŋikiru. 134:3

Elipi neni ke Ekapolon a ŋolo abu tosub nakuj ka akwap, ikiterereŋ iyes alo Sion.

Yer. 31:23

Alimu Ekapolon ŋolo a ŋajoresyo, Akuj a Ŋisirael ebe, “Apaki ŋina enyakunia ayoŋ ŋituŋa kaŋ nakwap kec, elimunete nabo ikes ŋakiro nu anakwap a Yudaya ka alotaunio a Yudaya ebe, ‘Ikilipi kiterereŋ Ekapolon ekamukumukut a Yerusalem ŋolo asegan, akibois ŋina asegan ŋina iboiyo iŋes.’

Ekim. 6:24

Ikiterereŋ Ekapolon iyes ka ikiyok;

Luk. 1:28

Tolot emalaika toloma kai ŋina ayai Maria, kimala iŋes tema, “Maata iyoŋ ŋina ikitojokit Akuj! Iyakasi iyoŋ ke Ekapolon!”

2 Ŋites. 3:16

Ikilipit isua Ekapolon ŋolo ke ekisil ikiinak iyes ekisil jwi jwi alopitesyo a daadaŋ. Toyai Ekapolon neni kus a daadaŋ.

1 Tim. 6:2

Nyejok ŋipi ŋulu erae ŋikapolok kec Ŋikristo ejamuwarito ikes, aŋuna eraakatar ŋikepukak kec ŋikaitotoi alotooma Kristo. Nai akilo, itemokino ikes kitiyanakis ikes ejok nooi, anerae ŋulu itiyanakinio eraakasi ŋikanupak ŋuluminan.

2 Tim. 4:22

Toyai Ekapolon lotau kon! Toyai neni kus daadaŋ ajokis ŋina ka Akuj.

Yos. 24:15

Nai ani pa kejok aneni kus akitiyanakin Ekapolon, toseutu nai iyes ŋilopeyek nakoloŋit na ŋini itiyanakinete; kerae ŋakujo ŋuna etiyanakinete atapapaa kus Alokekwaye Aŋolol Eupurate, kori ŋakujo a Ŋiamori a ŋulu iboiyete iyes nakwap kec. Ani ayoŋ ka ekal kaŋ, ikitiyanakini Ekapolon.”

Ŋikat. 6:12

Totakanu emalaika ŋolo ke Ekapolon neni a Gideon, tolimok iŋes tema, “Iyakasi iyoŋ ke Ekapolon, iyoŋ ekajion ŋolo etiron.”

Ŋikat. 6:16

Tolimok Ekapolon iŋes tema, “Ikiruki ayoŋ ka iyoŋ, ido iari iyoŋ Ŋimidian, iari iyoŋ ikes daadaŋ.”

Rus. 2:3

Torotok nai Rus todol lomanikor kisyak akisokat alokaku ŋikalemak. Abu arereŋu min neni a Rus alomar lomanikor a Boas a ŋolo arae ekanateker a Elimelek.

Rus. 2:5

Kiŋit Boas neni a esorokit keŋ ŋolo apolokinit ŋikalemak tema, “Ŋina a ŋae asorokit na?”

Rus. 4:11

Temasi ŋituŋa daadaŋ ŋulu aya lotemu diyete epuke kaapei ka ŋikasikou ebe, “Ikirae isua ŋisuudae. Kisikwaanik Akuj aberu ŋin ŋina elomuni lokal kon ka Rakel ka Lea ŋuna apotu kitatakanut ŋituŋa ŋulu a Isirael. Iyoŋ daŋ touri ŋidwe alo Epurata kiturubak ekiro a Ekapolon alo Betelem.

1 Sam. 17:37

Tema Daudi, “Akaiuni ayoŋ Ekapolon anakan a Epilistait a ŋol lopite ŋolo abunio okoiunia ayoŋ alomoyo a eŋatuny ka alomoyo a etyaŋ ece a ŋolo adedeŋan.” Aŋun, tema Saul neni a Daudi, “Ape, toyai Ekapolon kaapei ka iyoŋ.”