Rus. 2:20 - Ebaibul

²⁰ Tolimok Naomi nateran keŋ tema, “Kiterereŋ Akuj ekile ŋol, anerae nyimuryakina iŋes arimao keŋ neni a ŋulu eyarete ka ŋulu atwaka.” Tema Naomi neni a Rus, “Erae ekile ŋol eyenet yok, epei ŋolo eyakar apedor akiuryar iwon.”

Rus. 2:20 Iomraidhean Croise

2 Sam. 2:5

Kiyakiya Daudi ŋituŋa neni a ŋituŋa a Yabes-Gilead, tema neni kec, “Ikiterereŋ iyes Ekapolon, anerae ipotu iyes kitoodiut akitopoloorit kus Saul ekapolon kus, ido ipotu tonuka iŋes.

2 Sam. 9:1

Kiŋit Daudi ŋituŋa tema, “Eyai mono ituŋanan eriŋa idoŋit alokal a Saul, ŋini apedori ayoŋ arimaanikin aŋuna a Yonasan a?”

Yob 19:25

“Anerae ayeni ayoŋ atemar eyari ekalakunan kaŋ ka ayeni ayoŋ atemar apaki ŋina esidyon ebuni iŋes nakwap akitub ŋakiro kaŋ akaikinit ayoŋ.

Ŋakit. 17:17

Eminin ŋikonei ŋinapaki daadaŋ, nai nyo mono akaitotonu erae pa kiŋaranakinoi apaki ŋina a ŋican?

Ŋilep. 25:25

“‘Ani kekulyakan ipei a ŋituŋa kus, ido togyela ŋalup ŋun keŋ, emaikina iyenet keŋ bu tolaku ŋalup ŋun.

Ŋipil. 4:10

Anakiyar kaŋ alotooma akimorikina ka Ekapolon, alakara ayoŋ nooi, anerae igeut nabo iyes amitakinit ayoŋ kelunyar apaki ŋina alalan. Nyabala ayoŋ ipotu iyes tojoŋoto amitakinit ayoŋ, nai imamukatar ca kire apaki ŋinakitiyaet ŋun.

Rus. 2:21

Tema Rus, “Kire jik abu iŋes okolimok ayoŋ atemar kiboi a ne, alodiyete ŋisorok lu, ŋulu ikiyakar ayoŋ, akitodol ŋina irikakiniata akilem emanikor kaŋ daadaŋ.”

Rus. 3:12

Nai tokona, tari karae ayoŋ kire eyenet, eyai eyenet ece ŋolo eapi ayena keŋ aneni alokile kon nooi akilo ayoŋ.

Rus. 4:14

Tolimokis ŋaberu Naomi temasi, “Kipuroe Ekapolon ŋolo pa abu ikimyek iyoŋ tari tokona emam ekeuryaran; ikigasi torwoniar ikoku en alo Isirael.”

Rus. 4:4

Abu ayoŋ otamak ebe itemokino ekesiira iyoŋ ŋakiro nu, ebe tocamu akiuryar emanikor ŋol epupete lu ŋulu iboiyete a ne ka alokiŋaren ŋikasikou lu ŋulu a ŋituŋa kaŋ. Ani kicamit akiuryar emanikor ŋol, kiurya; nai ani pa kiuryarii, tolimokinae ayoŋ, ikotere oyenu, anerae emam ice epol alokiŋaren kon ŋini iuryari iŋes, ekewuapit ayoŋ iyoŋ.” Tolimu ekile ŋol tema, “Euryari ayoŋ emanikor ŋol.”

Rus. 4:6

Tema eyenet ŋol, “Nyapedori ayoŋ akiuryar, acepaki ajamakini ayoŋ ŋulu kaŋ ke elope; kiurya iyoŋ tari kerae sek ayoŋ emaikina eurya daŋ, anerae emam ayoŋ epite ŋolo kiuryaret.”