Rus. 2:14 - Ebaibul

¹⁴ Ani edoli esaa ŋolokimujet, tolimok Boas Rus tema, “Bua laalo kimuj ŋamugati kilumonok lopiini ŋolo babar.” Abu iŋes bu, kiboikin diye ŋikalemak, kikobak Boas iŋes ŋamugati ŋuna apeitoe, kimuj kimwono topiyanu ŋace.

Rus. 2:14 Iomraidhean Croise

2 Sam. 17:28

yaut neni keŋ ŋiboro ŋuluperyet ka ŋabapwa ta ŋiboro ŋulukimujet ŋulu etiyaunitae ke elupe. Apotu daŋ ikes yaut ŋaganoi, ŋikinyom ŋulu ikwaan ka erau, ŋakirya, ŋikinyom ŋulu iwowatae ka ŋimare ta emaret ŋolo enyaritae ekao.

Ŋikiru. 23:5

Itemonokini iyoŋ ŋasuban aŋuna kaŋ, alokiŋaren ŋimoe kaŋ; ikijauni iyoŋ ayoŋ ikwapei epeyonon ŋolo itopolooritae ka ileleba ekopo kaŋ ilapanar.

Isa. 32:8

Nai eyeete ŋikapolok ŋakiro ŋuna apolok, ido anakiro aŋuna apolok a ŋun, erubakinete ikes erae ŋikapolok.

Isa. 58:7

Aronenen ŋina acamit ayoŋ iŋes akimor akimuj kus ka ŋulu enyamit akoro, akijaun ŋulu a ŋican ŋulu emam ŋakais nakais kus, iŋes akitanap ŋulu iŋolikinete iyes emam ŋilowi ka alemar aŋopenen iŋolikinete ŋiyeneta kus.

Mat. 14:20

Kimuja daadaŋ kimwoko, ido tocunut ŋikasyomak ŋapiyanunet ŋuna apotu kilelebun naditae ŋatomon ka ŋaarei.

Ŋikis. 11:15

ka ikiinakini iŋes iyes ŋinya ŋulu edakasi ŋibaren kus, ido imujete iyes kimwoko.

Ŋikis. 8:10

Imujete iyes kimwoko, ido tolakaros neni a Ekapolon Akuj kus aŋuna ka akwap a ŋina ajokan a ŋina ikiinak iŋes iyes.

Rus. 2:13

Tolimu Rus tema, “Torubak ikitojokit ayoŋ ekapolon kaŋ, anerae ikisirworiu iyoŋ ayoŋ ka eira etau kaŋ a aketiyan kon ŋuna irwor iyoŋ. Tari daŋ pa karae ayoŋ apei a ŋaketiyak kon.”

Rus. 2:15

Tosodi tonyou kisyaki akisokat. Tolimok Boas ŋisorok keŋ tema, “Kimyekisi iŋes kisokata tari alodiyete ŋaeneta ŋuna ewaasi, ido nyisuruma iŋes ŋileec.

Rus. 2:18

Tosodi ya tolot lotaun, kiŋolik tata keŋ akimuj ŋina kebu Rus kisokatau. Tolacu Rus akimuj ŋina sek apiyanuni iŋes inak tata keŋ.

1 Sam. 17:17

Tema Yese neni a Daudi alokoku keŋ, “Ape ya neni a ŋikaitotoi kon ŋikinyom lu ŋulu iwawatae ŋakiloi ŋatomoniarei ka ŋaarei ka ŋamugati nu ŋatomon; ya ikes atipei neni iboiyoto ŋikaitotoi kon.

1 Sam. 25:18

Tonyou nai Abigail atipei a nen, tolot tolemu ŋamugati ŋamiae ŋaarei, ŋitwol a epiini ŋiarei, ŋamesekin ŋakan ŋuna apeitoe ejok, tooku ŋikinyom ŋulu ewawatae ŋakiloi ŋatomon ka ŋakanikaarei, tolemu ŋaraito a epiini ŋuna arukitoe amiat, ŋuna ikwaan ka ŋamugati ka ŋaboboryo ŋuna arukitoe ŋamiae ŋaarei, ŋuna ikwaan ka ŋamugati. Toenik iŋes ŋiboro ŋul daadaŋ kiwoko ŋisigirya.