Rus. 2:13 - Ebaibul

¹³ Tolimu Rus tema, “Torubak ikitojokit ayoŋ ekapolon kaŋ, anerae ikisirworiu iyoŋ ayoŋ ka eira etau kaŋ a aketiyan kon ŋuna irwor iyoŋ. Tari daŋ pa karae ayoŋ apei a ŋaketiyak kon.”

Rus. 2:13 Iomraidhean Croise

Akisy. 32:6

Ani eboŋorete ŋituŋa ŋul neni a Yakob, tolimokis iŋes temasi, “Aponi isua tolotoi neni alokaato kon ke Esau, ebunit iŋes tokona akisiryam iyoŋ, erukunito iŋes ka ŋikilyok ŋamiae ŋaomwon.”

Akisy. 33:10

Toboŋok Yakob tema, “Mam, ani karyamunit ayoŋ ajokis aneni kon, tocamu ainakinet ŋin aneni kaŋ. Ikoni akiŋolikin ereet kon akiŋolikin ereet ŋolo ka Akuj, anerae ikijau iyoŋ ayoŋ anajokis a ŋina etya na.

Akisy. 33:15

Tolimok Esau Yakob tema, “Tocamakinae nai ayoŋ ekemyekinia iyoŋ ŋikilyok ŋice ŋulu ikirukit ka ayoŋ.” Nai tema Yakob, “Kaanukiro itiyaa iyoŋ ŋun? Kimyekinae ayoŋ oruwor ŋolo ajok aneni kon, ekapolon kaŋ.”

Akisy. 33:8

Kiŋit Esau Yakob tema, “Anukiro iakuunitor iyoŋ ŋibaren ŋulu apotu eryama ka ayoŋ?” Toboŋok Yakob tema, “Erae aŋuna ka aryamunia ajokis aneni a ekapolon kaŋ.”

Akisy. 34:3

Tominak Sekem Dina nakoku a Yakob nooi, toruwor apese ŋina amina iŋes, ido isirwori a arimao.

Akisy. 43:14

elipit Akuj ŋina Etiron ikiinak iyes akisyonio alokiŋaren ekile ŋol, ikotere iŋes inyakuni lokaato kus ŋoloce kaapei ka Benjamin. Ani eruwor ayoŋ, adau atwaniyar ŋidwe erae atwaniyar.”

2 Sam. 16:4

Tema nai erwosit neni a Siba, “Ibore daadaŋ ŋini erae ŋini a Mepiboses, eruwor ŋini kon tokona.” Tema Siba, “Arae ayoŋ eketiyan kon, kimyekinae ayoŋ oruwor ŋolo ajok aneni kon ekapolon kaŋ erwosit.”

Ŋakit. 15:33

Akitopoloorit Ekapolon, itatami ituŋanan aruwor ŋini eyakar aosou, ido emaikina mono ituŋanan erae ŋini itiditeuna bon, toryamu nai akitopolooro.

Osea 2:16

Alimu Ekapolon atemar, akoloŋit ŋin, ikinyarae iyoŋ ayoŋ, “Ekile kaŋ”, nyeriŋa nabo iyoŋ ikinyarae ayoŋ, “Baal kaŋ.”

Ŋipil. 2:3

Nyitiyata idiobore anakiloiloa kori anakisupa, nai anakitiditeuna; yaito ŋuluce erae ŋulu ejokak akilo iyes.

Ŋikat. 19:3

Tolot nai ekile keŋ kiwuapa iŋes, akimaimaun iŋes ka akinyakun iŋes. Arukito iŋes ka eketiyan keŋ epei ta ŋisigirya ŋiarei. Ani edoli iŋes lore a papa a aberu keŋ, kiŋolik papa ka aberu a ŋin ekile ŋol, tolot ka alakara akisiryam iŋes.

Rus. 2:12

Ikiropi iyoŋ Akuj aŋuna ke etic kon ka irikakini Akuj ŋina a Isirael akirop iyoŋ, Akuj ŋina erae neni keŋ ibu iyoŋ aryamunia aiuno.”

Rus. 2:14

Ani edoli esaa ŋolokimujet, tolimok Boas Rus tema, “Bua laalo kimuj ŋamugati kilumonok lopiini ŋolo babar.” Abu iŋes bu, kiboikin diye ŋikalemak, kikobak Boas iŋes ŋamugati ŋuna apeitoe, kimuj kimwono topiyanu ŋace.

1 Sam. 1:18

Tema Ana, “Kimyekinae ayoŋ aketiyan kon ojokyar aneni kon.” Torotok nai Ana a nen, tolot nakibois keŋ, kisyak akimuj ka akimat kaapei ka lokile keŋ, todaun asiliyorit ŋina ka akiyaloloŋ aneni keŋ.

1 Sam. 25:41

Tonyou Abigail, toryedik, kijuuru todol ereet kwap, tema, “Ayoŋ na aketiyan kus, etemokino akitiyanakin iyes ka akilot ŋakejen a ŋiketiyak a ekapolon kaŋ.”