Rus. 2:10 - Ebaibul

¹⁰ Toryedik Rus kijuuru todol ereet kwap, tolimok Boas tema, “Anukiro aryamunia ayoŋ ajokis aneni kon, anerae ikiminak iyoŋ ayoŋ, orae bo ayoŋ agelaanot?”

Rus. 2:10 Iomraidhean Croise

Akisy. 18:2

Kikeu Aburaam ereet keŋ, kiŋolik ŋikilyok ŋiuni ewuasi aneni aapi, kedau akiŋolikin ikes, tokuraun alopuke a eema, toem kisiryam ikes, toryedik, kijuuru.

2 Sam. 19:28

Amaikina tomunyarae ŋituŋa a ekal a papa kaŋ daadaŋ alokiŋaren kon, ekapolon kaŋ; nai ibu iyoŋ ikituruwo ayoŋ epei a ŋulu emujete alomesa kon. Anipedor tokona ayakar ayoŋ, ŋina apedorya akimaimaya erwosit?”

2 Sam. 7:18

Toloma nai erwosit Daudi loeema ŋolo ka Akuj, kiboikin nen kiŋit Ekapolon ilipi tema, “Ŋae ayoŋ, okoe Ekapolon Akuj, ata ŋae ŋituŋa a ekal kaŋ itiyaa iyoŋ ŋakiro ŋuna ajokak ŋun daadaŋ neni kaŋ?

2 Sam. 9:8

Kijuuru Mepiboses itoodiunit akitopoloorit keŋ Daudi tema, “Ŋae ayoŋ eketiyan kon, eŋok ŋolo atwan irimaanikini iyoŋ?”

Ŋilep. 19:34

Emaikina iyes totiŋito ituŋanan ŋin esibit erae ŋini a ekabila kus pei. Tominas iŋes ikwa imininia iyes make, anerae iraakasi paaran iyes daŋ ŋigelaanotin alo Ijipit. Arae ayoŋ Ekapolon Akuj kus.

Mat. 25:35

Anerae akanyamit ayoŋ akoro, ipotu iyes ikiinakis ayoŋ akimuj. Akanyamit ayoŋ akure, ipotu iyes ikitamat ayoŋ. Agelaana ayoŋ, ipotu iyes ikijaut ayoŋ.

Luk. 1:43

Okoe, anukiro apolok etiyakin neni kaŋ nu, ŋuna abunio tari toto ke Ekapolon kaŋ neni kaŋ?

Luk. 1:48

anerae adau iŋes akiŋolikin akitiditeuna a aketiyan keŋ. Ameun tokona, akanyaraete ayoŋ ŋanyameta daadaŋ akarereŋon,

Ŋirom. 12:10

Tominin make ejok ikwaŋina iraakatar ŋikaitotoi alotooma Kristo ka tolelakinito akitoodiunit akitopoloorit ŋuluce.

Rus. 2:11

Toboŋok Boas iŋes tema, “Adaun alimokin ayoŋ ŋakiro daadaŋ ŋuna itiya iyoŋ neni a tata kon ketwana ekile kon. Ibu iyoŋ kimyek papa kon, toto kon ka akwap ŋina ikidounere iyoŋ, ido ibu nakwap ŋina sek pa iyeni ka aŋorot.

Rus. 2:13

Tolimu Rus tema, “Torubak ikitojokit ayoŋ ekapolon kaŋ, anerae ikisirworiu iyoŋ ayoŋ ka eira etau kaŋ a aketiyan kon ŋuna irwor iyoŋ. Tari daŋ pa karae ayoŋ apei a ŋaketiyak kon.”

Rus. 2:19

Kiŋit tata keŋ Rus tema, “Ai isokataa iyoŋ nakuwar na ka neni a ŋae itiyaa iyoŋ? Toyai arereŋu neni a ŋini abu ikisyon iyoŋ.” Tolimok Rus tata keŋ neni etiyae iŋes tema, “Erae ekiro a ekile a ŋolo etiyae ayoŋ neni keŋ nakuwar na Boas.”

Rus. 2:2

Akoloŋit apei tema Rus neni a Naomi, “Kimyekinae ayoŋ olot tokona lomanikor akisokat ŋikinyom alokaku ikaleman ca daadaŋ ŋini ekeŋolikini ayoŋ ekeŋarak.” Tema Naomi neni keŋ, “Nakoku kaŋ, ape.”

Rus. 2:9

Itemokino iyoŋ kitee emanikor ŋolo elosete ikes akilem, ido kiwuapak ikes. Adau ayoŋ akicik ŋisorok lu nyikicana iyoŋ. Ani ikinyami akure, tolot tomat aloboro, aneni eokokinito ŋisorok ŋakipi.”

1 Sam. 25:23

Ani iŋolikini Abigail Daudi, todoku atipei alosigirya keŋ, toryedik alokiŋaren a Daudi, kijuuru todol ereet kwap.