Rus. 1:5 - Ebaibul

⁵ totwaka Malon ka Kilion daŋ. Kidoŋ Naomi esilikinit emam ŋisapa keŋ ŋuluarei ka ekile keŋ daŋ.

Rus. 1:5 Iomraidhean Croise

Isa. 49:21

Itamakinete nai iyes alotai kus ebe, “Ŋae keuri ŋidwe lu aŋuna kosi? Aponi isua ikiteryamun ŋican, ikitusubun ŋikolupanotin, aponi isua ikirikor nakwapin, ikilemar a ne, ŋae nai kitopolouni ŋidwe lu? Aponi kimyekinae Sion esil, nai ai aponiata ŋituŋa lu etya ne?”

Yer. 2:19

Ikisicani iyes aronis kus ka ikitubokinio iyes aŋuna iŋeryoto ŋuna abala ayoŋ kiwuapa. Toyenutu ka kiŋolikisi epite ŋolo eronia ka epipilya iyes aesikin Ekapolon Akuj kus; nyikitopoloorito iyes ayoŋ. Ŋakiro ŋun irworo Ekapolon Akuj ŋina etiron.

Luk. 7:12

Ani eapuuni iŋes lokek ŋolo ke etaun, kiryamas ka ŋituŋa ŋulu elepilepito edya ŋolo atwanit edakarete kiŋa; kerae iŋes epei bon idounitoe, nabo arae toto keŋ apuserut. Arukito toto keŋ ka asepic a ŋituŋa a ŋulu ke etaun.

Ŋikis. 32:39

Toyenutu tokona atemar ayoŋ arae Akuj, emam Akuj ace mati ayoŋ, aari ayoŋ ka eteyari, awani ayoŋ ka etaŋaleuni, emam ituŋanan elakuni ituŋanan anapedor kaŋ,

Rus. 1:2

Arae ekiro a ekile a ŋol Elimelek, ŋolo ka aberu keŋ arae Naomi, ka ŋulu a ŋisapa kec araakasi Malon ka Kilion.

Rus. 1:4

Kiitut ŋisapa ŋul ŋaberu ŋuna arae Ŋamoabi, arae ekiro ka apei Orupa ka ŋina a ŋaarei arae Rus. Ani kiboiyoto ikes alo Moab ŋikaru ŋulu aapiyarito ŋitomon,

Rus. 1:6

Tonyout Naomi kaapei ka ŋaterak keŋ toboŋosi alo Moab, anerae kebu iŋes kiira ebe adau Akuj atamun ŋituŋa keŋ Ŋisirael, ainakin akimuj.