Rus. 1:17 - Ebaibul

¹⁷ Neni itwanikini iyoŋ, atwanikini ayoŋ ka nen iŋes akanukakinio ayoŋ. Aŋun, ekoŋi ayoŋ kitiya Akuj neni kaŋ erono erae kikityak iwon ibore ice pa kerae atwanare.”

Rus. 1:17 Iomraidhean Croise

2 Sam. 15:21

Nai abu Itai toboŋok erwosit tema, “Ekoŋi ayoŋ alokiro ke Ekapolon a ŋolo eyari ka alokiro a ekapolon kaŋ a erwosit atemar, neni daadaŋ ilosi iyoŋ ekapolon kaŋ erwosit, kerae natwanare, kori nakiyar, nen iŋes alosi ayoŋ daŋ eketiyan kon.”

2 Sam. 19:13

Kicik Daudi ŋikiakia ŋul tema, ‘Kiŋita Amasa atemar, meere mono iyoŋ akuwan ka ŋaokot kaŋ a? Elipi ayoŋ Akuj kitiya ŋuna aronok neni kaŋ, tari daŋ kerae ŋuna aronok nooi, erae keketuruwo ayoŋ iyoŋ ekarikon a ŋasigarya kilunyokin lorot a Yoab.’ ”

2 Sam. 3:35

Ani ekaku, potu ŋituŋa daadaŋ neni a Daudi akimaima iŋes kimuj akimuj adio eriŋa apaaran. Nai abu Daudi kikoŋ tema, “Elipi ayoŋ Akuj kitiya ŋuna aronok neni kaŋ, ata keroko nooi adepar daŋ; erae keir ayoŋ amugati adio, kori idiobore daadaŋ eriŋa akoloŋ nyedoiyoro!”

2 Sam. 3:9

Elipi ayoŋ Akuj kitiya ŋuna aronok neni kaŋ, ata keroko nooi adepar daŋ! Erae pa keŋarak ayoŋ Daudi etiya ŋakiro ŋuna abu Akuj kiik iŋes ikoŋi nu:

1 Ŋirw. 13:31

Ani kedau ekadwaran akinuk iŋes tolimok ŋidyain keŋ tema, “Ani atwani ayoŋ tonukakinae ayoŋ nakipany ŋina enukakinitae ekile ŋol ŋolo arae ituŋanan ŋini ka Akuj, kiperikis ŋakoyo kaŋ diyete ŋakoyo keŋ,

1 Ŋirw. 19:2

Aŋun, abu Yesebel kiyakiya ituŋanan neni ke Eliya alimokin iŋes ebe, “Elipi ayoŋ ekesican ayoŋ ŋakujo, nai nooi, erae pa kesikwaanik ayoŋ akiyar kon ka ŋina a ekadwaran a epei a ŋul moi taparacu esaa lopei lo.”

1 Ŋirw. 2:23

Kikoŋ nai erwosit Solomon alokiro a Ekapolon tema, “Elipi kitiya Akuj neni kaŋ erono nooi tari kerae apaki ŋina aoyan, erae pa ketwana Adoniya aŋuna a ŋakiro a ŋuna iŋita.

1 Ŋirw. 20:10

Kiyakia nai Benadad akirot ace neni ka Aab tema, “Kitiyata ŋakujo neni kaŋ ŋuna aronok, nai nooi, erae kidoŋ Samaria ibore idio ŋini ilelebun tari akan, ŋini eryamuni ŋinituŋanan aŋasigarya kaŋ.”

2 Ŋirw. 6:31

Tocelu iŋes tema, “Kimyekisi Akuj okoar ayoŋ erae pa ketubor akou ke Elisa eriŋa akoloŋ nyedoiyoro!”

Ŋikiru. 45:10

Topupok okoe ateran, totamatama ido kiira; kimyek ikimuriakis ŋuna a ŋituŋa kon ka ekal a papa kon,

Ŋitic. 11:23

Ani edoluni iŋes ka iŋolikini epite ŋolo kebunio Akuj kiterereŋio ikes, tolakar iŋes. Kicikak ikes arubakin anupit Ekapolon a ŋitai kec a daadaŋ.

Ŋitic. 20:24

Nai aneni kaŋ nyepol akiyar nooi akilo aŋetakin akerit na ŋina erae etic ŋolo akainakinit Ekapolon Yesu ayoŋ akitiya. Etic ŋol iŋes akiteyenun Ŋakiro ŋuna Ajokak ŋuna ka ajokis a ŋina ka Akuj.

Rus. 1:16

Tema Rus, “Nyikidyek ayoŋ akimyekin iyoŋ, aboŋor emyek akiwuapit iyoŋ, anerae neni ilosi iyoŋ, alosi ayoŋ daŋ. Neni iboikin iyoŋ, eboikin ayoŋ daŋ. Ŋituŋa kon eruwor ŋituŋa kaŋ ka Akuj kon eruwor Akuj kaŋ.

Rus. 4:15

Ikigasi daŋ toruwor iŋes ŋini eiuni akiyar kon ka ŋini ikidari iyoŋ alorwa a ŋulu ka amojoŋu kon, anerae adau nateran kon, ŋina ikimina iyoŋ akidoun isapat ŋini ejok nooi aneni kon akilo tari ŋisapa ŋulu alalak.

1 Sam. 14:44

Tema Saul, “Kitiya Akuj neni kaŋ, tari kerae ŋuna aronok nooi daŋ, erae kire jik pa kitwana iyoŋ Yonasan.”

1 Sam. 20:13

Nai ani kecamit papa kaŋ akitiya aronis neni kon, itemokino Ekapolon kitiya aronis neni a Yonasan daŋ; nooi adepar erae pa kakalimok ayoŋ iyoŋ ŋakiro a papa kaŋ, eketisi iyoŋ tolot emam ŋace. Elipa toyai Ekapolon kaapei ka iyoŋ, lopite ŋolo ayakar kaapei ka papa kaŋ.

1 Sam. 25:22

Akuj bon itiyae ŋuna ecamit neni a Daudi, kitiya Akuj neni kaŋ erono nooi, erae kemyek ayoŋ moi taparacu ŋisaae ŋulu ka ataparacu ituŋanan a Nabal daadaŋ ŋinisapat eyari.”

1 Sam. 3:17

Kiŋit Eli iŋes tema, “ Anukiro abu Ekapolon ikilimok iyoŋ? Nyimunon ŋakiro ŋun aneni kaŋ. Elipi ayoŋ kitiya Akuj ŋuna aronok neni kon kitiya ŋun erono nooi, erae kikimunon iyoŋ ayoŋ ŋuna abu iŋes itolimok iyoŋ.”