Pil. 1:5 - Ebaibul

⁵ Anerae apupi ayoŋ ŋuna ka amina ka anupit kon Ekapolon Yesu ka ŋituŋa ŋulu ka Akuj daadaŋ.

Pil. 1:5 Iomraidhean Croise

Ŋikiru. 16:3

Ejokak nooi ŋituŋa ŋulu ikinyomito Ekapolon, akajoikinit ayoŋ nooi arukit ka ikes.

Ŋitic. 20:21

Abu ayoŋ eteyenik Ŋiyudayan ka Ŋigirik daŋ atemar etemokino ikes tokiwa ŋasecisya kec alokiŋaren Akuj ka tonupa Ekapolon yok Yesu Kristo.

Ŋirom. 12:13

Tomora ŋiboro kus ka ŋikanupak ŋuluce ŋulu ekulyakaka ka toŋaununutu ŋituŋa ŋulugelae lorerya kus.

1 Ŋikor. 16:1

Acamit tokona akirwor ŋakiro ŋuna etapito ŋuna a ŋisiliŋa a ŋulu erae tocunakinae kiŋaranakinere ŋituŋa ŋulu ka Akuj ŋulu eyakasi Yudeya. Itemokino iyes kitiyata ŋuna abu ayoŋ olimok ŋatukon ŋuna a Ŋikristo a ŋulu anakwap a Galatia.

Ŋigal. 5:6

Anerae ani ikimorikina iwon ka Yesu Kristo, emam ajokis ikiryamuni iwon anakileŋeryo kori anamamukau akileŋeryo, mati ananupit bon a ŋina itoodiuna alotooma amina.

Ŋiep. 1:15

Aŋuna a ŋakiro a ŋun ka aŋuna adaunia ayoŋ akiirar anupit kus neni ke Ekapolon Yesu, ka amina ŋina iyakatar iyes aŋuna a ŋituŋa a ŋulu ka Akuj a daadaŋ,

Ŋikol. 1:4

Anerae ikiira isua ŋuna ka anupit kus neni a Yesu Kristo ka ŋuna ka amina a ŋina iyakatar iyes aŋuna a ŋituŋa a ŋulu ka Akuj a daadaŋ.

1 Ŋites. 3:6

Nai tokona, aboŋu Timoteo aneni kus, ikilimok iŋes isua ŋakiro ŋuna ka alakara ŋuna ka anupit ka ŋuna ka amina kus. Ikilimok iŋes isua atemar ikitamunito iyes isua jwi jwi ka alakara; nabo ikiburakinit iyes aanyun ka isua lopite ŋolopei ikiburakinitor isua daŋ aanyun ka iyes.

Pil. 1:7

Lokaato, aryamu ayoŋ alelyan ŋina alalan ka atitinyu aŋuna ka amina kon, anerae italaka iyoŋ ŋitai a ŋituŋa a ŋulu ka Akuj.

1 Yoa. 3:23

Akiciket ŋina ka Akuj iŋes na ebe, itemokino iwon onupa alokiro a Lokoku keŋ, Yesu Kristo ka ominin make, ikwapei ikicikakinitor iŋes iwon.