Pil. 1:14 - Ebaibul

¹⁴ Nai pa acamit ayoŋ akitiya idiobore alotooma ŋun eriŋa nyecamuna iyoŋ, ikotere nyeruwor ajokis kon ŋina itiŋaunitae, nai torae acamit kon a elope.

Pil. 1:14 Iomraidhean Croise

1 Ŋakiro a ŋirwa 29:17

Akuj kaŋ, ayeni ayoŋ atemar icamit iyoŋ ayenun ŋuna eyakasi lotau a ituŋanan, ido ilakara iyoŋ aŋuna a ŋini iyookino ka aŋuna ka akiyookino ke etau kaŋ, adau ayoŋ alotooma acamit kaŋ, ainakin ŋiboro lu daadaŋ, adau daŋ tokona akiŋolikin ŋituŋa kon, ŋulu tokona eyakasi ne, ŋulu ikiinakis iyoŋ ŋiboro alotooma acamit ka alelyanu.

Ŋikiru. 110:3

Einakinosi ŋituŋa kon anacamit akoloŋit ŋina irikio iyoŋ ŋikajiok kon lojie alokidiama ŋimukura ŋulu asegak. Alopite a ŋolo eponiata ŋakopi taparacu, epote ŋisorok kon neni kon.

1 Ŋikor. 9:17

Ani kalimonok ayoŋ aŋuna ka acamit kaŋ, iŋes atemar aryamuni ayoŋ eropit; nai itemokino ayoŋ etiyae ŋun, anerae ekecikak Akuj ayoŋ akitiya.

1 Ŋikor. 9:7

Emam esigarit itiyae etic keŋ pa etacio. Emam eketan ŋolo nyenyamenene ŋaraito ŋuna ke epiini alomanikor keŋ. Kori alikeyokon nyemasenene ŋakile a ŋamesekin keŋ?

2 Ŋikor. 1:24

Nyikicamit isua akitiŋakin iyes ŋuna itemokino tonupa; ikiyeni isua atemar icasito iyes ananupit kus. Akilo ŋun, ikitiyae isua kaapei ka iyes aŋuna ka alakara kus.

2 Ŋikor. 8:12

Ani kiitanito iyes ainanakin, ecamuni Akuj ainakinet kus alotyae a ŋolo iyakatar iyes ŋiboro kus, meere alotyae a ŋolo nyiyakatar.

2 Ŋikor. 9:5

Aŋun, abu ayoŋ otamu atemar ejok akiŋitakin ŋikaitotoi ŋul aberun neni kus eriŋa ayoŋ, ikotere kitemokis ŋainakineta ŋuna iikinito iyes alemun. Kitemokino nai erae ŋainakineta ŋuna icamito iyes ŋilopeyek alemun, meere ŋuna ikitiŋakinitae.

2 Ŋikor. 9:7

Itemokino nai ŋinituŋanan inak ikwapei etubunitor iŋes elope, meere ka alejeo kori ka akitiŋakinit, anerae emina Akuj ŋini einanakini ka alakara.