Osea 9:8 - Ebaibul

⁸ Erae ekadwaran eketen akwap aŋuna ka Akuj kaŋ aneni a ŋituŋa a Epuraim, kikote neni daŋ, elokitae iŋes alorotin keŋ a daadaŋ ka imanito iŋes ŋituŋa ŋulu eya Kai ka Akuj.

Osea 9:8 Iomraidhean Croise

1 Ŋirw. 17:1

Tema Eliya Etisibait ŋolo alo Gilead neni ka Aab, “Ikwaŋinapei eyarya Ekapolon Akuj a Ŋisirael, ŋina arae ayoŋ eketiyan keŋ, emamukaun ŋakopi, kori akiru ŋikaru ŋulu eponito, mati kalimu ayoŋ.”

1 Ŋirw. 18:1

Ani kelunyar ŋirwa ŋulu alalak, ekaku a ŋikaru a ŋiuni emam akiru, bu akirot a Ekapolon neni ke Eliya ebala, “Ape, kitoodiyar neni ka Aab, ido eyakiuni ayoŋ akiru nakwap.”

1 Ŋirw. 18:19

Aŋun nai, tonyarau tokona ŋituŋa alo Isirael daadaŋ eryamunos ka ayoŋ lomoru Karimel. Yautu daŋ ŋikadwarak a Baal daadaŋ ŋulu erae ŋamiae ŋaomwon ka ŋatomonikan ka ŋikadwarak ka Asera daadaŋ ŋulu erae ŋamiae ŋaomwon, ŋulu eriito ka Yesebel.”

1 Ŋirw. 22:11

Apaki ŋin, keris Sedekia lokoku a Kenaana kitiyau ŋamomwar a ŋasuwa, ido abu iŋes tema, “Ebala Ekapolon, ‘A ŋamomwar a nu, itiji iyoŋ ŋituŋa ka Aram akitodol ŋina imunyarya.’ ”

1 Ŋirw. 22:22

Kiŋit Ekapolon iŋes tema, ‘Ikwaani?’ Toboŋok etau tema, ‘Alosi ayoŋ oinak ŋikadwarak ka Aab daadaŋ kirworo alyokonu.’ Tema Ekapolon, ‘Ape tomodiya iŋes. Ipedori iyoŋ amodiyar iŋes.’ ”

1 Ŋirw. 22:28

Tolimok Mikaia iŋes tema, “Ani kire kiboŋu iyoŋ alojie emam ŋace, iŋes atemar nyirworo Ekapolon neni kon aneni kaŋ.” Toropak iŋes erwor keŋ tema, “Kiirasi ŋituŋa daadaŋ ŋakiro ŋuna adau ayoŋ alimun!”

1 Ŋirw. 22:6

Aŋun, abu erwosit a Isirael tonyarau ŋikadwarak ŋulu aapikinit ekimar kec ŋamiae ŋaomwon, kiŋit ikes tema, “Ekokini ai? Alosi akitijiore ŋituŋa a Ramos-Gilead, kori nyalosi?” Toboŋokis ikes temasi, “Ape, anerae ikinyakakini Ekapolon iyoŋ Ramos-Gilead.”

2 Ŋirw. 13:21

Akoloŋit apei, apotu ŋituŋa yaasi akinuk ituŋanan ŋini atwani, ani eriŋa ikes edakito ituŋanan ŋin, toanyuwasi ajiore, tosodo tosuros ŋituŋa, tocakakis ekile ŋolo atwan nalyal ŋina ke Elisa. Ŋinapei atapakinor akuwan a ekile a ŋolo atwan nakoyo ke Elisa, toyaru ekile ŋol towo.

2 Ŋirw. 2:14

Ya iŋes ekaaso ke Eliya ŋolo acakun toramya ŋakipi irworo ebala, “Nyali Ekapolon ŋolo erae Akuj ŋina ke Eliya?” Kedau iŋes akiram ŋakipi, totyakas ŋakipi alokidiŋ totyeikis Elisa totubori ekekwaye.

2 Ŋirw. 2:21

Tolot nai iŋes lolelya a ŋakipi, tobukoki acumbi tooma kirworik tema, “Ebala Ekapolon, etojoku ayoŋ ŋakipi nu; ameun tokona, nyeriŋa ikes earete ŋituŋa, kori itesecununeete ŋaberu.”

2 Ŋirw. 4:41

Tolimu Elisa tema, “Inunae ayoŋ ŋakirya ŋadi.” Abu iŋes kipurupurak ŋakirya namot tolimu tema, “Tokorakisi akimuj lotuŋa kimuja.” Todaun ibore ŋini aronon ŋini sek ayai nakimuj ŋina ayai namot.

2 Ŋirw. 4:43

Nai tema eketiyan keŋ, “Ekokini ayoŋ akorakini akimuj na ŋituŋa amiat ai?” Toboŋok Elisa nabo tema, “Tokorakisi ŋituŋa akimuj na kimuja, anerae ebala Ekapolon, imujete ikes topiyanut tari ace.”

2 Ŋirw. 5:14

Aŋun abu iŋes tocamu atiyaar naŋolol Yorodan kiloŋari ŋakiloŋaret ŋakanikaarei lopite ŋolo kirworitor ekadwaran Elisa; tojokyar akuwan keŋ todeletet kikok ŋina a edya a ŋolo cici, toŋaleu.

2 Ŋirw. 5:27

Aŋun, ikitapakin tokona iyoŋ atapon a Naaman; etapakin daŋ loletok kon ŋikaru ka ŋikaru.” Abu Geasi torotoki ekwaŋ akuwan keŋ kia, ileleba atapon.

2 Ŋirw. 7:19

A nen, ekapolokiniton ŋasigarya toboŋok Elisa tema, “Nyitiyakinosi ŋakiro ŋun tari daŋ keyau Akuj akiru atipei!” Apaki ŋin tolimok Elisa iŋes tema, “Iŋolikini iyoŋ elope a ŋakonyen kon itiyakinosi ŋun, nai nyinyami iyoŋ akimuj ŋin.”

2 Ŋirw. 7:2

Tolimu ekapolokiniton ŋasigarya ŋuna ke erwosit tema, “Nyitiyakinosi ŋakiro ŋun tari daŋ keyau Akuj akiru atipei!” Toboŋok Elisa iŋes tema, “Iŋolikini iyoŋ elope a ŋokonyen kon itiyakinosi ŋun, nai nyinyami iyoŋ akimuj ŋin.”

Ŋikiru. 124:7

Aiunoi iwon lopite ŋolo eiunor ikyeny analoc a ekalokan; adaun amunyar ŋimoe yok, ido aiunoi iwon.

Ekal. 9:12

Emam ituŋanan eyeni apaki ŋina eponiata ŋican neni keŋ. Lopite ŋolopei ereikinere ekolya akiriun ka atibait ka ŋolo isurumere ikyeny a atawuatat, ŋituŋa daŋ, ikamaryo apaki ŋina itiyaata aronis, apaki ŋina nyeyenete ikes.

Eete a Ŋie. 3:3

Apotu ŋiketeok a etaun okoryamut ayoŋ apaki ŋina emanimaniata etaun, abu ayoŋ eŋit ikes otema, “Iŋolikinito mono iyes ŋolo emina etau kaŋ a?”

Isa. 62:6

Okoe Yerusalem, ewuak ayoŋ ŋikererok narwatatain kon, nyililiŋete ikes naparan ka nakwaare. Iyes ŋikererok anarwatatain ŋulu inyarito Ekapolon, nyieŋut

Yer. 11:19

Nai ikikwaan ayoŋ ka ikale ŋinimesek ŋini epatana erikoryo akiŋol. Pa ayeni ayoŋ atemar ekemanitae ayoŋ, pa ayeni ayoŋ atemar ayeete ikes ŋakiro kec ebasi, ‘Omunaasi ekitoe ka ŋaraito keŋ, olemasi iŋes anakwap a ŋituŋa a ŋulu eyarete, ikotere tojoŋoi atamunit ekiro keŋ.’

Yer. 14:13

Olimu nai ayoŋ otema, “Okoe, Ekapolon Akuj! Ŋikadwarak lu ŋulu elimonokinete ŋituŋa ebe, ‘Nyikiaryo iyes a ekileŋ, kori nyiyakaunotor iyes eron, nai akainakini ayoŋ iyes ekisil ŋolo a kire anakibois a na.’ ”

Yer. 23:13

“Eŋolik ayoŋ alokadwarak a Samaria ibore ŋini asiilyanan, edwarete ikes aŋuna a Baal ka etooliyosi ŋituŋa kaŋ Ŋisirael.

Yer. 31:6

Ebunit apaki ŋina eceluniata ŋiketeok etaun alokamukumukui a Epuraim ebasi, ‘Potu etipeiyosi Sion neni a Ekapolon Akuj yok,’

Yer. 6:14

Nyimadete ikes ŋajemei a ŋituŋa pa emisito akitojokun, ido ebasi, ‘Emam ŋace, emam ŋace,’ tomam bo ŋuna ejokak.

Yer. 6:17

Abu daŋ ayoŋ oseu aŋuna kus ŋiketeok akwap okolimok iyes ebe, ‘Totenito akiirar eruye amomwara a emesek!’ Nai apotu ŋituŋa temasi, ‘Nyetenio isua.’

Aum. 2:14

Apotu ŋikadwarak kus kirujata aŋuna kus alyokonu ka ŋakiro ŋunacaryo, nyisileerekino ikes iyes ŋasecisya kus, ikotere iyes nyikirikor nakwapin. Nai apotu kirujata aŋuna kus alyokonu, ikiinakis iyes akinup ŋakiro ŋuna nyiyookino.

Aum. 4:13

Nai apotu ŋimoe topedosi, anerae apotu ŋikadwarak keŋ ka ŋisacaradotin keŋ toseca aŋuna aaryata alotooma etaun ŋituŋa ŋulu pa asecito.

Esek. 3:17

“Lokoku a ituŋanan, eketuruwo ayoŋ iyoŋ ekeyokon Ŋisirael, apaki daadaŋ ŋina iirarya iyoŋ ŋakiro aneni kaŋ, emaikina iyoŋ tolimok ikes ŋuna abala ayoŋ tocoikisi.

Esek. 33:7

“Aŋun, iyoŋ lokoku a ituŋanan, eketuruwo ayoŋ iyoŋ eketen Ŋisirael; apaki daadaŋ ŋina iirarya iyoŋ ŋakiro aneni kaŋ, emaikina iyoŋ tolimok Ŋisirael ŋuna abala ayoŋ ikes tocoikis.

Osea 5:1

“Kiirasi ŋakiro nu, iyes ŋisacaradotin! Topupokisi, okoe ŋituŋa a Isirael! Kiirasi, okoe ŋituŋa a erwosit! Ebunit atubokino neni kus; anerae iruworosi iyes aloc alo Misipa ka atibait ŋina elokitae lomoru Tabor

Osea 9:7

Adolut ŋirwa ŋulu ka akisicanio, adolut ŋirwa ŋulu a ŋinyaŋ, igworosi ŋituŋa a Isirael ebasi, “Erae ekadwaran ebaŋ, irumito ŋikerep ituŋanan ŋini eyakar etau ŋolo ka Akuj.” Aŋuna a ŋasecisya kus a ŋuna alalak, elalak daŋ ŋiminan kus.

Osea 9:9

Aroketa ikes nooi aloticisyo a ŋulu itiyaete ikes, etiyata lopite ŋolo etiyaata alo Gibea. Etamuni Ekapolon aronis kec ka isicani ikes aŋuna a ŋasecisya kec.

Mika 7:4

Ekwaanikin ŋulu ajokak aneni kec ka amoni ŋina erae ŋikukwa bon, arokyeta nooi ŋulu iyookino akilo neni eitana alokukwae. Adolu akoloŋit ŋina isicania Akuj ŋituŋa ŋul, lopite ŋolo alimokinitotor ŋikadwarak kec ikes. Adolu tokona neni kec akigurokin.

Yoa. 15:24

Kerae nyetiyat ayoŋ alokidiŋ kec ŋiticisyo ŋulu nyitiya idiotuŋanan, kemam ikes asecit; nai tokona adaut ikes akiŋolikin ŋun ka akitidiŋ ayoŋ ka Papa kaŋ daŋ.

Ŋirom. 3:7

Epedorete ŋice alimun ebe: ani bo kitopoloorit aronis kaŋ Akuj anakisileereunit akiyookino keŋ, kaanukiro erubakinitor iŋes akatubokinit ayoŋ arae ekasecan?

Ŋibur. 13:17

Tokerito ŋikarikok kus ka kiwuapito ŋakiro kec; anerae itemokino ikes tolimosi neni ka Akuj epite ŋolo ikiyokiyoto ikes iyes. Kitiyata ŋun alopite a ŋolo italakari ikes, meere alopite a ŋolo isiyaloloŋi ikes, anerae iyes pei ŋilopeyek itwakiyarete.