Osea 9:7 - Ebaibul

⁷ Adolut ŋirwa ŋulu ka akisicanio, adolut ŋirwa ŋulu a ŋinyaŋ, igworosi ŋituŋa a Isirael ebasi, “Erae ekadwaran ebaŋ, irumito ŋikerep ituŋanan ŋini eyakar etau ŋolo ka Akuj.” Aŋuna a ŋasecisya kus a ŋuna alalak, elalak daŋ ŋiminan kus.

Osea 9:7 Iomraidhean Croise

2 Ŋirw. 9:11

Ani eboŋori Yeu neni a ŋikapolok a ŋasigarya a ŋuna ke ekapolon keŋ, kiŋita ikes iŋes temasi, “Eya ŋakiro eroko a? Kaanukiro abunitor ŋolo a ŋibaŋibaŋ ŋol neni kon?” Toboŋok iŋes tema, “Iyenete iyes iŋes ka ŋakiro ŋuna irworo iŋes.”

Isa. 10:3

Anukiro ipote iyes akitiya akoloŋit ŋina ikisicanere iyes, akoloŋit ŋina ikidolokinioto iyes ŋican ŋulu eponito aneni alwanan? Neni a ŋae iemete iyes aryamun akiŋarakino ka ai imyekiniata iyes ebari kus,

Isa. 26:11

Okoe Ekapolon, itenit iyoŋ akisican ikes, nai nyiteete ikes ŋun. Kimyek ikes kiŋolikis alelakinit kon ŋituŋa kon, ido kiruma ikes ŋileec. kimyek kitoŋopiya ikes aŋoit kon ŋina iŋoikinitor iyoŋ ŋimoe kon.

Isa. 34:8

Eyakar Ekapolon akoloŋit ŋina inyaŋia ŋuna itiyato ŋituŋa, eyakar Ekapolon ekaru ŋolo itiyaa ŋakiro iyookino aŋuna a ŋituŋa a Sion.

Isa. 44:25

Ayoŋ ŋolo nyemyekini kiyookin ŋakiro ŋuna edwarete ŋimodiyanotin, ayoŋ ŋolo eturuwori ŋikadwarak ŋuna aronok ŋibaŋaanotin ayoŋ alemari asyomit a ŋikaosok, eturuwo aosou kec abaŋao.

Yer. 10:15

Erae ŋitorubei ŋul ŋicaryo, erae ŋulu itiyaunitae aŋuna ka ajamuwaro; apaki ŋina isicanere ikes, eŋopiyarete ikes.

Yer. 11:23

Mam ŋipiya idoŋete alotuŋa a ŋul, anerae ayauni ayoŋ ŋican lotuŋa ŋulu ka Anasos, eyakaun ekaru ŋolo ka akisicanio kec.’ ”

Yer. 16:18

Aboŋokini ayoŋ akisican ikes nabo aŋuna ka aronis kec ka aŋuna ka asecit kec, anerae apotu ikes kitoroniyasi akwap kaŋ a ŋalyalin, a ŋamuja, a ŋakujo kec a ŋuna nyeyarete, ido elelebikis nakwap kaŋ asiilyo.

Yer. 23:13

“Eŋolik ayoŋ alokadwarak a Samaria ibore ŋini asiilyanan, edwarete ikes aŋuna a Baal ka etooliyosi ŋituŋa kaŋ Ŋisirael.

Yer. 25:14

anerae epote ŋituŋa a ŋakwapin a ŋuna alalak ka ŋirwosi ŋulu agogoŋok akituruwor ikes ŋipi, ido esicani ayoŋ ŋituŋa ka ŋirwosi ŋul aŋuna a ŋiticisyo kec ka aŋuna a ŋiboro a ŋulu itiyaununeete ikes a ŋakan kec.”

Yer. 29:26

‘Ikituruwo Ekapolon iyoŋ esacaradoti kilunyokin lorot a Yeoiada, ikotere eyakaunotor ŋikapolok Kai ka Akuj ŋulu iteete atemar ituŋanan daadaŋ ŋini ikerepikinit, ido edwari esibit erae ekadwaran, emaikina kikamunae toenae a ŋiriko kilogakinitetei asuwat lodokole keŋ.

Yer. 46:21

Tari ŋikajiok keŋ ŋulu ipaŋgaunitae, ikwaan ka ŋitak ŋulu atumak, ikes daŋ ibelekin toema kaapei, nyewoikinete ŋimoe, anerae adolu akoloŋit ŋina isicanere ikes, adolu apaki ŋina ka amunyaro kec.

Yer. 6:14

Nyimadete ikes ŋajemei a ŋituŋa pa emisito akitojokun, ido ebasi, ‘Emam ŋace, emam ŋace,’ tomam bo ŋuna ejokak.

Yer. 8:11

Itiyaete ikes esibit nyeryamunito ŋituŋa kaŋ ŋican, ido ebasi, ‘Ekisil, ekisil,’ tomam bo ekisil.

Aum. 2:14

Apotu ŋikadwarak kus kirujata aŋuna kus alyokonu ka ŋakiro ŋunacaryo, nyisileerekino ikes iyes ŋasecisya kus, ikotere iyes nyikirikor nakwapin. Nai apotu kirujata aŋuna kus alyokonu, ikiinakis iyes akinup ŋakiro ŋuna nyiyookino.

Esek. 13:10

Adaut ŋikadwarak ŋulu alyokonok ŋul akitooliyor ŋituŋa kaŋ ebasi neni kec, ‘Kiryama ka ekisil, nai tomam bo ekisil’. Ani edukokinete ŋituŋa kaŋ a ŋamoru arwatata ŋina epatana akielar, epote ŋikadwarak ŋul kirworo ŋuna a ŋisoswae aŋuna ka arwatata a ŋin.

Esek. 13:3

irworo Ekapolon Akuj atemar, okoe iyes ŋikadwarak ŋulu irae ŋibaŋaanotin, ŋulu iwuapito ŋuna a ŋitai kus a ŋikulepek ka emam ŋuna iŋolikis!

Esek. 25:17

Alosi ayoŋ akitiya anyaŋan ŋina apolon neni kec esican ikes anyunyurikinit. Eyenunete nai ikes atemar arae ayoŋ Ekapolon. Eyenunete ikes ŋun apaki ŋina eyakaunor anyaŋan neni kec.”

Esek. 38:23

Alopite a ŋol, etoodikini ayoŋ ŋituŋa a ŋakwapin daadaŋ apolou kaŋ ka atemar apol ayoŋ nooi ka arae ayoŋ Akuj ŋina asegan. Eyenunete nai ikes atemar arae ayoŋ Ekapolon.”

Esek. 9:10

Aŋun, nyeŋolikini ayoŋ ikes oesik, kori nyesyoni ayoŋ ikes, nai etiyae ayoŋ neni kec ŋuna adaut ikes akitiya neni a ŋuluce.”

Osea 14:1

Okoe Ŋisirael, toboŋutu neni ka Akuj kus, anerae imunaarosi iyes aŋuna a ŋasecisya kus.

Osea 5:9

Akoloŋit ŋina ka atubokino, eruwor Epuraim ereŋorot. Alimu ayoŋ ŋuna erae kire neni a ŋikabilae a Isirael.

Osea 8:13

Tari keyaut ikes neni kaŋ ŋamuronisya ŋuna ajokak ka tonyama akiriŋ a ŋamuronisya a ŋun, nyacamuni ayoŋ ŋamuronisya ŋun. Nai atamuni ayoŋ aronis kec, ido esican ikes aŋuna a ŋasecisya kec. Eboŋorete ikes Ijipit.

Osea 9:8

Erae ekadwaran eketen akwap aŋuna ka Akuj kaŋ aneni a ŋituŋa a Epuraim, kikote neni daŋ, elokitae iŋes alorotin keŋ a daadaŋ ka imanito iŋes ŋituŋa ŋulu eya Kai ka Akuj.

Amos 8:2

Ekeŋit ayoŋ Ekapolon tema, “Amos, nyo ite iyoŋ?” Oboŋok ayoŋ otema, “Ete ayoŋ ebukit ŋolo eya ŋaraito ŋuna akonok.” Tema nai Ekapolon neni kaŋ, “Adolu apaki ŋina esidyon aŋuna a ŋituŋa kaŋ a Ŋisirael, nyesyoni ayoŋ ikes nabo jik.

Mika 2:11

Ani kebu ekalyokonon, kori emodiyanot, ido tema, ‘Akadwarakini ayoŋ iyes epiini ŋolo alalan ka ŋagwe ŋuna alalak,’ eminakinete ŋituŋa ŋul ekadwaran ŋol.”

Mika 7:4

Ekwaanikin ŋulu ajokak aneni kec ka amoni ŋina erae ŋikukwa bon, arokyeta nooi ŋulu iyookino akilo neni eitana alokukwae. Adolu akoloŋit ŋina isicania Akuj ŋituŋa ŋul, lopite ŋolo alimokinitotor ŋikadwarak kec ikes. Adolu tokona neni kec akigurokin.

Sepan. 3:4

Nyemukyaka ŋikadwarak keŋ, mam anupit eyakatar ikes; etisiilyan ŋisacaradotin keŋ akibois ka Akuj. Abila ŋikisila ka Akuj emam ŋileec.

Mar. 3:21

Ŋina eiraryata ŋituŋa keŋ ŋakiro ŋun, toloto arikun iŋes, anerae abasi ŋituŋa ebe ekerepik iŋes.

Luk. 21:22

Anerae erae ŋul ŋirwa ŋulu ka anyaŋan, kiyookinotor ŋuna igiritae Nakigireta daadaŋ.

2 Ŋikor. 5:13

Ani kesibit ikikerepikinit isua, erae aŋuna ka Akuj ka ani kesibit ikiosok isua, erae aŋuna kus.

Akis. 16:19

Totyaka akwap, totyaka etaun ŋolo apolon ŋatyaket ŋauni, kinyasun ŋitaunio ŋulu apolok ŋulu a ŋakwapin a daadaŋ. Abu Akuj totamu Babilon ŋolo apolon nooi ka kitamat iŋes epiini ŋolo ke ekopo keŋ, epiini ŋolo ka anyunyura keŋ.