Osea 9:4 - Ebaibul

⁴ Nyepedorete ikes ainakin ŋainakineta ŋuna a epiini neni ke Ekapolon, nyitalakarete ŋamuronisya kec iŋes, ikwaanikin ŋamuronisya ŋun aneni kec ka akiriŋ ŋina ka apunyas, ŋituŋa daadaŋ ŋulu enyamete akiriŋ a ŋamuronisya a ŋun itoroniyaryo ikes, anerae eruwor akimuj ŋin ŋina kec, nyemaikina yaunae Kai ke Ekapolon.

Osea 9:4 Iomraidhean Croise

Awos. 29:40

Ani iyai ikale ŋini ke ekiŋaren, tolemu ŋakirya a ŋaganoi ŋuna ajokak akilo apei, tolemu akimyet ŋina ajokan ŋina ka olipa elita, tolemu epiini ŋolo ajokan elita; ikwapei ainakinet ŋina ka akimuj a ŋina emasyo.

Awos. 40:23

ido kiwuak amugati ŋina ka ayakau ke Ekapolon kidiama emesa, lopite ŋolo ecikitor Ekapolon iŋes.

Isa. 57:6

Eyakasi ŋakujo kus neni eya ŋamoru ŋunasulut anayona, ŋakujo ŋun ikes iŋatarito iyes; iinanakinete iyes ikes ŋainakineta ŋuna a ŋimaten, iyaasi iyes neni kec ŋainakineta ŋuna a ŋikinyom. Apedori mono ayoŋ alakar aŋuna a ŋakiro a ŋun a?

Isa. 66:3

“Ituŋanan daadaŋ ŋini akaaranakini ayoŋ emoŋ erae amuronot, ikwaan ituŋanan ŋin ka ŋini eari ituŋanan; ituŋanan daadaŋ ŋini akaaranakini ayoŋ ikale ŋinimesek erae amuronot, ikwaan ituŋanan ŋin ka ŋini emojiri emosiriŋ a iigok tobil; ituŋanan daadaŋ ŋini akainakini ayoŋ ainakinet ŋina a ŋikinyom ikwaan ituŋanan ŋin ka ŋini akainakini ayoŋ ŋaokot a eguruye; ituŋanan daadaŋ ŋini icunyi ekinyate aŋuna ka atamunitor ayoŋ, ikwaan ituŋanan ŋin ka ŋini ilipi neni ka etorube a ŋolo itiyaunitae. Adaut ŋituŋa ŋulu ikote ŋul akiwuap ŋuna kec a ŋikulepek, ido elakara ikes anakitiya asiilyo kec;

Yer. 16:7

Mam ituŋanan elemuni akimuj aŋuna ka akisirworiun ŋini igworo; kori mam ŋini einakini idiobore ŋinimatat aŋuna ka akisirworiun ikes aŋuna ka atwanare a papa, kori a toto kec.

Yer. 6:20

Ekainyo kaŋ ekinyate ŋolo eyaunitae alo Seba, kori akasirimaete ŋina abobon ŋina eyaunitae anakwap a ŋina alwanan? Nyacamit ayoŋ ŋainakineta kus ŋuna epeyo, kori nyeketalakarito ayoŋ tari ŋamuronisya kus.

Esek. 24:17

Igeuni iyoŋ akisuta, nai meere ŋina epupo; nyigwor aŋuna a ŋikatwak. Kimyek akopiya kon eenikina nakou ka ŋamuk kon eenikina nakejen; nyirap kwap ereet kon, kori nyinyam akimuj ŋina enyamete ŋikegworok.

Esek. 24:22

Itiyaete nai iyes lopite ŋolo adaunia Esekiel akitiyaa. Nyirapete iyes kwap ŋireetin kus, kori nyinyamete iyes akimuj ŋina enyamete ŋikegworok.

Dan. 1:8

Nai abu Daniel toseu atemar nyemunaar iŋes anakimuj ŋamuja a erwosit, kori anakimat epiini ŋolo a erwosit; aŋun, abu kiŋit ekapolokiniton akai a apukan akimyekin iŋes nyemunaa akuwan keŋ.

Osea 3:4

Erae ŋun anerae epote Ŋisirael akiboi ŋirwa ŋulu alalak emam erwosit, kori ŋini emaikina kilunyokin lokicoloŋ a erwsoit, emam ŋamuronisya, kori ŋipirin ŋulu italeoritae, kori ŋitorubei a ŋakujo, kori ŋiboro ŋulu isitiyao ayenunia ŋakiro ŋuna ecamit Akuj.

Osea 7:16

Ewuapakis ikes ŋakujo ŋuna nyepedorete akiŋarakin ikes ekwaanikin ikes ka ekaleŋeleŋet ŋolo ipelesiyar nariet, earyo ŋikapolok kec a ekileŋ a ŋuna a ŋakiro a ŋuna aronok a ŋuna irworosi ikes. Epote Ŋijipitian akyenar ikes alo Ijipit.

Osea 8:13

Tari keyaut ikes neni kaŋ ŋamuronisya ŋuna ajokak ka tonyama akiriŋ a ŋamuronisya a ŋun, nyacamuni ayoŋ ŋamuronisya ŋun. Nai atamuni ayoŋ aronis kec, ido esican ikes aŋuna a ŋasecisya kec. Eboŋorete ikes Ijipit.

Yoel 1:13

Tonapa ŋiguniyae, iyes ŋisacaradotin, ido kgiworo; kiwololoto, iyes ŋulu itiyaete Namuroet. Potu, tonapa ŋiguniyae akuwar kya, iyes ŋulu irae ŋiketiyak ŋulu ka Akuj; anerae alemar alo Kai ka Akuj kus ŋainakineta ŋuna a ŋikinyom ka ŋimaten.

Yoel 1:9

Alemar ŋainakineta ŋuna a ŋikinyom ka ŋuna a ŋimaten alo Kai ke Ekapolon. Igworosi ŋisacaradotin, ŋulu erae ŋiketiyak ŋulu ke Ekapolon.

Yoel 2:14

Ŋae eyeni? Acepaki epedori Ekapolon Akuj kus akilocokin ŋatameta keŋ, ikiterereŋ iyes nooi ikiinak ŋikinyom ka ŋimaten; topedosi nai iyes ainakin iŋes ŋikinyom ka ŋimaten.

Ŋilep. 17:11

anerae ŋaokot ikes iteyarete ŋinisubuna daadaŋ, ido akainak ayoŋ iyes ŋaokot a ŋisubuna amookunia akiyar kus alokidiama namuroet; erae ŋaokot akiyar ikes emookunere akiyar a ituŋanan.

Ŋilep. 21:17

“Tolimok Aron ebe, ‘Ananyameta a ŋuna eponito, mam ipei daŋ alopapae kon a ŋulu eŋwalit iwadio, ŋini emaikina toapu neni kaŋ, yau akimuj ŋina ka Akuj keŋ.

Ŋilep. 21:21

Nyemaikina ipapait ka Aron ipei daŋ ŋini eyai adio a ŋakiro a ŋun toapu neni ke Ekapolon, yau ainakinet ŋina epeyo neni ke Ekapolon, anerae eya neni keŋ adio a ŋakiro ŋuna imarunitae ŋun, nyemaikina iŋes toapiya neni ke Ekapolon, ya akimuj ŋina ka Akuj keŋ.

Ŋilep. 21:6

Emaikina ikes erae ŋulu esegak aneni ka Akuj kec, ido nyemaikina ikes kiyanya ekiro ka Akuj kec, anerae ikes eayeneneete neni ka Akuj ŋainakineta ŋuna epeyo, akimuj ŋina ka Akuj kec, aŋun, emaikina ikes erae ŋulu esegak.

Ŋilep. 21:8

Emaikina iyes kitopoloorito ŋisacaradotin erae ŋulu esegak, anerae ikes eayeneneete akimuj ŋina ka Akuj kus. Kitopoloorito ikes erae ŋulu esegak, anerae ayoŋ Ekapolon ŋolo eketuruwonori iyes ŋulu isegak, arae ŋolo aseg.

Amos 5:22

Tari kiyaut iyes neni kaŋ ŋainakineta kus ŋuna epeyo ka ŋuna a ŋikinyom, nyacamuni ayoŋ ikes, tari ŋainakineta kus ŋuna ke ekisil nyeketalakarete ayoŋ.

Mal. 2:13

“Icebore ŋini itiyaete iyes iŋes en: Iteleleete iyes ŋakiyo kus a Namuroet ke Ekapolon. Igworosi ka iwololoete, anerae nyeriŋa Ekapolon emitakinit ŋainakineta, kori nyeriŋa elakara akijaun ikes anakan kus.

Ekim. 19:11

Ŋulu etapete akuwan a ituŋanan a ŋini atwanit, erubakinete itoroniyaritae ŋirwa ŋikanikaarei.

Ekim. 28:2

“Kicik Ŋisirael daadaŋ, tolimok ikes ebe, ‘Emaikina iyes yaut neni kaŋ anapaki a ŋina etubunitoe ŋainakineta ŋuna epeyo ŋuna a ŋamugati aŋuna ebob eure kec aneni kaŋ.’”

Ekim. 4:7

Emaikina ikes topetakis elou ŋolopus kidiama emesa ŋolo ka amugati a ŋina ka ayakau a Ekapolon, kidokokis nen ŋasaani, ŋakalaae ŋuna ke ekinyate, ŋabakulei ka ŋicupae ŋulu a ŋainakineta a ŋuna emasyo, emaikina daŋ ikes kiwuakis nen amugati ŋina sek eyai nen a ŋinapaki,

Yoa. 6:51

Arae Ayoŋ akimuj ŋina ka akiyar a ŋina ebunit anakuj; ŋini imuji akimuj ŋin, eyari iŋes jik. Akimuj ŋina ainakini ayoŋ toyarya akwap, erae akuwan kaŋ.”

Ŋikis. 26:14

Nyenyama isua adio a atutubet a ŋina italeoritae, nyinyama isua ikes, apaki ŋina egworore, nyelemara isua ikes apaki ŋina ikitoroniyaritere, nyeinakina isua ikes adio erae ainakinet neni a ŋikatwak. Ewuapi isua ŋakiro ŋuna ke Ekapolon Akuj kosi, etiyae daadaŋ ŋuna ikicik iŋes isua akitiya.