Osea 9:3 - Ebaibul

³ Nyidoŋete ikes iboiyete anakwap a ŋina ke Ekapolon, nai eboŋorete ŋituŋa a Epuraim Ijipit, imujete ikes anakwap ka Asiriya ŋamuja ŋuna italeo ikes akinyam.

Osea 9:3 Iomraidhean Croise

1 Ŋirw. 9:7

ŋun nai alemarya ayoŋ Ŋisirael anakwap a ŋina adau ayoŋ ainakin ikes. Akai daŋ ŋina etaleu ayoŋ aŋuna ekiro kaŋ, alemari ayoŋ ojoŋo akitere; toruwor Isirael akwap ŋina nyeriŋa eyai toruwor ŋina edoŋ erae eemut bon, ŋina ekyenatar ŋituŋa a ŋakwapin a daadaŋ.

2 Ŋirw. 17:6

Alokaru a ŋolo a ŋikanikaomwon ipukat Osea, kikama erwosit ŋolo ka Asiriya Samaria, torik Ŋisirael ya Asiriya. Abu kitolom ikes ŋice lotaun Ala, ŋice kitolom diyete aŋolol Abor ŋina a nakwap a Gosan ka kitolom ŋice lotaunio a Media.

Yer. 16:18

Aboŋokini ayoŋ akisican ikes nabo aŋuna ka aronis kec ka aŋuna ka asecit kec, anerae apotu ikes kitoroniyasi akwap kaŋ a ŋalyalin, a ŋamuja, a ŋakujo kec a ŋuna nyeyarete, ido elelebikis nakwap kaŋ asiilyo.

Yer. 2:7

Abu ayoŋ okoyau iyes nakwap ŋina ileleba ibore daadaŋ, ikotere inyamete ŋaraito keŋ ka ŋiboro keŋ ŋulu ajokak. Nai ani ilomarete iyes nakwap ŋin ipotu iyes tomunaasi akwap kaŋ kituruwosi akwap kaŋ ŋina asiilyanan.

Aum. 5:6

Aponi isua tocamunae ikipukaete ŋituŋa a Ijipit ka Asiriya, ikotere isua ikiryamuni akimuj ŋina ikitemokino.

Esek. 4:13

Tema Ekapolon, “Itoodiunete ŋun atemar enyamete Ŋisirael anakwapin a ŋace ŋamuja ŋuna nyecamakinit ekisil ikes akinyam. Etakanunete ŋun apaki ŋina eelarya ayoŋ ikes nakwapin ŋunagelae.”

Dan. 1:8

Nai abu Daniel toseu atemar nyemunaar iŋes anakimuj ŋamuja a erwosit, kori anakimat epiini ŋolo a erwosit; aŋun, abu kiŋit ekapolokiniton akai a apukan akimyekin iŋes nyemunaa akuwan keŋ.

Osea 11:11

Emotunosi ikes alo Ijipit atipei ikwa atasurui ka emotunosi ikes alo Asiriya ikwa ŋitemeleudio; ido enyakari ayoŋ ikes lorerya kec.

Osea 11:5

Eboŋorete ikes nakwap a Ijipit ka ipukae ikes erwosit ŋolo ka Asiriya, anerae awout ikes aboŋun neni kaŋ.

Osea 7:11

Eporoporot Epuraim ikwa temeleudi ŋina imatimataarit. Eloseneneete ikes anyarare ŋituŋa a Ijipit akiŋarakin ikes, ido toloto nabo anyarare ŋituŋa ka Asiriya.

Osea 7:16

Ewuapakis ikes ŋakujo ŋuna nyepedorete akiŋarakin ikes ekwaanikin ikes ka ekaleŋeleŋet ŋolo ipelesiyar nariet, earyo ŋikapolok kec a ekileŋ a ŋuna a ŋakiro a ŋuna aronok a ŋuna irworosi ikes. Epote Ŋijipitian akyenar ikes alo Ijipit.

Osea 8:13

Tari keyaut ikes neni kaŋ ŋamuronisya ŋuna ajokak ka tonyama akiriŋ a ŋamuronisya a ŋun, nyacamuni ayoŋ ŋamuronisya ŋun. Nai atamuni ayoŋ aronis kec, ido esican ikes aŋuna a ŋasecisya kec. Eboŋorete ikes Ijipit.

Osea 9:6

Tari kebucarosi ikes anamunyaro, ecunarete Ŋijipitian ikes ka enukio ikes Mempis. Erupunete ŋinya aneni sek ayai abaru kec ŋina a esilipa, erupunete ŋikukwa alorerya kec.

Ŋilep. 18:28

Ani nai kimunaasi iyes akwap, ikielari akwap ŋin iyes kiŋa keŋ, lopite ŋolo abunio kielarya ŋituŋa ŋulu eboiyete a nen eriŋa iyes nyedolo nen.

Ŋilep. 20:22

“‘Kiwuapa ŋakiro kaŋ ŋuna atubunit ayoŋ ka ŋikisila kaŋ ŋul daadaŋ, totamunito ikes, ikotere nyikiela iyes akwap ŋina akayai ayoŋ iyes tokona.

Ŋilep. 25:23

Nyemaikina iyes togyelakis ituŋanan ŋalup toruworos ŋuna keŋ jik, anerae erae ŋalup ŋuna kaŋ, irae iyes ŋigelaanotin nai ŋikepaŋgak ŋalup kaŋ.

Amos 7:17

Aŋun, alimu Ekapolon ŋakiro nu ebe, ‘Eruwor aberu kon amalaat alotaun, ido earyo ŋidwe kon ŋulusapa ka ŋulupesur, ido tokorakinae akwap kon neni a ŋituŋa a ŋulugelae, itwani iyoŋ anakwap a ŋituŋa a ŋulu nyenupito Akuj, kire erikoryo Ŋisirael nakwap ŋinagela.’ ”

Mika 2:10

Tonyoutu, toloto, meere akibois na ŋina emaikina iyes kiboiyoto, anerae adaun amunaar, adau asecit kus akinyasun akibois na jik, mam ibore ipei daŋ epedori akitojokun iŋes jik.

Ŋitic. 10:14

Nai tema Petero, “Ekapolon, mam! Anerae nyenyama ayoŋ ŋinapei idiobore ŋini ikitaleo kori ŋini nyeseg.”

Ŋikis. 28:63

Ikwaŋina abunio tojoik Ekapolon ikitobar iyes ka akitipitun iyes toruworos ŋituŋa ŋulu alalak, ejoikini Ekapolon ayaun akinyasuno ka amunyaro neni kus. Ikimunyaryo iyes anakwap a ŋina ilosete iyes akituruwor ŋina kus.

Ŋikis. 28:68

Ikinyakari Ekapolon iyes a ŋameeli Ijipit, tari sek kelimunit iŋes atemar nyiboŋorete nabo iyes inaa. Iitanete iyes a nen agyelaro neni a ŋimoe kus ikwapei ŋipi ka ŋapi, nai mam ituŋanan ikigyeli iyes.”

Ŋikis. 4:26

anyarae ayoŋ nakuj ka nakwap kisuudata ŋakiro kus nakoloŋit na ikitoroniarito iyes, ido imunyarosi iyes daadaŋ alotooma apaki ŋina euruwuana anakwap a ŋina elomaryo iyes kidokasi ekekwaye Yorodan ituruworete akwap ŋin ŋina kus, nyiboiyete iyes a nen ekaoyan, nai ikimunyaryo iyes daadaŋ.

Yos. 23:15

Nai lopite ŋolopei eyookinotor aneni kus ŋakiro daadaŋ ŋuna ajokak, ŋuna ikiikinit iyes Ekapolon ŋolo erae Akuj kus, lopite ŋolopei, eyauni Ekapolon neni kus ŋakiro ŋuna aronok daadaŋ, ŋuna adau iŋes alimokin iyes, itiyakini Ekapolon ŋun neni kus akitodol ŋina ikimunyarya iyes anakwap a na a ŋina ajokan, a ŋina adau iŋes ainakin iyes.