Osea 9:13 - Ebaibul

¹³ Ete paaran ayoŋ ŋituŋa a Epuraim ejokak ŋawat, ikwaan ka idukanit ŋini edupakinitae nakadipaalat ŋina ajokan. Nai tokona erikorete ŋituŋa a Epuraim ŋidwe kec nakibois ŋina eŋolere ŋidwe kec.

Osea 9:13 Iomraidhean Croise

2 Ŋirw. 15:16

Alorwa a ŋul, abu Menaem torem Tipisa, toŋata ŋiboro ka kiela ŋulu daadaŋ aya nen ka ŋulu aya diyete nen, ameun anakwap a ŋina anyaritae Tirisa. Abu iŋes kitiya ŋun, anerae aŋeritoe iŋes a nen. Abu iŋes torem nen toŋeere ŋaberu ŋuna apotiyete.

Yob 27:14

Ani kepitut ŋidwe kec, epitunito aŋuna ka aaro a ekileŋ; emamukaunotor ŋiletok kec akimuj ŋina itemokino ikes imujete.

Yer. 7:15

Ekeritari ayoŋ iyes ojoŋo akiterereŋ iyes, lopite ŋolo abunio eritarya ŋiyeneta kus daadaŋ ka ŋiletok a Epuraim daadaŋ.”

Yer. 9:21

Adolu atwanare lodirisae kus, aloma nakais a apukan kus, ebunit atwanare alemar ŋidwe kus alorotin ka ŋisorok analapatui a ŋuna ke etaun.

Aum. 2:22

Ibu iyoŋ tonyarau ŋimoe kosi alowaetin kosi a daadaŋ esibit ŋituŋa ŋulu enyaraunitae nasuban. Emam ituŋanan abu tobucar, kori toyar akoloŋit ŋina iŋoitor iyoŋ. Apotu ŋimoe toara ŋidwe kosi ŋulu aponi isua todakae ka kitopolounoe.

Esek. 27:3

tolimok Tiro, etaun ŋolo edukitoe neni elomarere nanam, ŋolo eyakasi ŋiboro a ŋituŋa a ŋakwapin a ŋuna eya diyete anam atemar, alimu Ekapolon Akuj ŋakiro nu, ‘Okoe Tiro, alimut ŋituŋa kon atemar, ejok nooi akibuses a etaun kosi.’

Osea 10:14

ebuni ejie neni a ŋituŋa kus ka emunaaryo ŋaduketa kus ŋunajiet daadaŋ, lopite ŋolo amunaarya Saliman etaun ŋolo enyaritae Bes-Aribel akoloŋit ŋina ke ejie, apaki ŋina amunyarere ŋaberu kaapei ka ŋidwe kec.

Osea 13:16

Isicanio ŋituŋa a Samaria aŋuna ka asecit kec anerae aŋero ikes Akuj kec, earyo ikes a ekileŋ, enyilinyiliyaryo ŋawat a ŋidwe kec ka epunonoryo ŋakookyes a ŋaberu kec a ŋuna epotiyete.

Osea 13:8

Agirakin ayoŋ ikes lopite ŋolo egirakinor etyaŋ ŋolo adedeŋan ituŋanan, kori etyaŋ ece ŋolo ecamit ademar iŋes ŋitak keŋ ka apunori ayoŋ ŋakookyes kec, erikari ayoŋ ikes lopite ŋolo irikarya eŋatuny etyaŋ ŋolo eari, kori lopite ŋolo enyilinyiliyarya etyaŋ ŋolo adedeŋan ityaŋ ŋini earit.

Osea 14:1

Okoe Ŋisirael, toboŋutu neni ka Akuj kus, anerae imunaarosi iyes aŋuna a ŋasecisya kus.

Osea 9:16

Aryamut ŋituŋa a Epuraim akisicanet, aono ataagorete kec, nyeriŋa ikes eryamunete ŋidwe. Tari keuruut ikes ŋidwe, aari ayoŋ ŋidwe kec ŋuluminan ŋul,

Amos 7:17

Aŋun, alimu Ekapolon ŋakiro nu ebe, ‘Eruwor aberu kon amalaat alotaun, ido earyo ŋidwe kon ŋulusapa ka ŋulupesur, ido tokorakinae akwap kon neni a ŋituŋa a ŋulugelae, itwani iyoŋ anakwap a ŋituŋa a ŋulu nyenupito Akuj, kire erikoryo Ŋisirael nakwap ŋinagela.’ ”